عرض للطباعة
السلام عليكم و رحمة الله و بركاته
و كل عام و انتم بخير
ربنا ابتلانا بحادثة كدة و كانت النتيجة اكصدام خلفى و الشنطة اتعجنت ( ربنا يسترها معاكم و يكفيكوا شر الطريق)
كنت عاوز اعرف بس سعر الاكصدام الخلفى كام و الفانوس و هل فى حاجة اسمها ستارة خلفية فى الشنكة بتتباع لوحدها؟
معلش هوة الكشاف سليم بس الغطاء الباغ هوة اللى مكسور فهل ده بيتباع لوحده؟
آسف معلش طولت عليكم
و ربنا يجازيكم خير
و السلام عليكم و رحمة الله
اولا قدر الله ماشاء والحمد لله انك بخير
بالنسبة الى كل اللى انت عاوزه ممكن تسال عليه محل لقطع غيار نيسان اسمه عبد الرحمن عزت
المحل ده عنده انصاص عربيات وكل حاجة لنيسان
وانا بعت لحضرتك رسالة على الخاص
اخى العزيز انا لدى اكصدام خلفى موديل 2007 واعتقد انه شغال مع 2008 لانه لم يحدث تعديل فى السياره وحالته بنسبه 95% جيده
شوف اخر سعر توصل له كام وانا سوف اعطيه لك باقل منه بكثير .
شوف فقط اخر سعر توصل له كام
عل فكره السنه الماضيه غيرت فانوس خلفى شمال والاكصدام الخلفى ورشيت الاكصدام الخلفى والاكصدام الامامى فى التوكيل كانت التكلفه 4500 جنيها هذا للعلم فقط
وبالنسبه لاستفسارك بالنسبه للفوانس اسمع انه هناك فوانيس تيوانيه سعرها تقريبا 150 جنيها
فأسال الاول
وربنا يكرمك ويقيك ويقينا شر الحوادث
جزاكم الله خيرا
و كل عام و انتم بخير
و إن شاء الله بكرة ناوى الف كدة على بتوع الاستعمال و هوة بصراحة فكرة التوكيل دى مكلفة جدا فأنا بعمل شغل السمكرة حاليا و بحضر الاكصدام و الكشاف
و متشكر جدا لحضراتكم
متابع معاك و ربنا بستر طريقك
السلام عليكم و رحمة الله و بركاته
رمضان كريم و كل عام و انتم بخير
الحمد لله رب العالمين انهاردة الظهر نزلت صلاح الدين و اشتريت الاكصدام و الكشاف و بصراحة فوجئت بالأسعار
الإكصدام الخلفى جديد تايلاندى 250 جنيه
الكشاف الخلفى كامل تايوانى 200 جنيه
و الله اسعار حلوة جدا بركة رمضان
المهم هى كانت حاجة شاغلانى حتى قبل الحادثة ان اكصدامات الصنى تحس ان وراها فاضى كدة و مفيش شاسية يحميها و يادوب متثبتة بكلبسات و كنت ايامها
بفكر ان افصل شريحة صاج و اطبعها على الاكصدامات من
جوة و تبقى تقوية و بعدين جاتنى فكرة افضل بكتير و إن شاء الله حنفذها:
فى فوم عازل للحرارة اللى هوة الازرق المضغوط و دة بيكون تخانات مختلفة فان شاء الله ناوى اجيب لوح و اقص منه شرايح و ألزقها بسيليكون او غراء ابيض على الصاج ورا الاكصدامات من ورا و من الجنبين و بعدين نثبت الاكصدام و كدة يكون الفوم ورا الاكصدام ميزته انه خفيف و يمتص الصدمات بمرونة و ميبقاش فيه نقط ضعيفة ورا الاكصدام
فا ياريت نسمع توجيهات حضراتكم لو فى افكار افضل
و جزاكم الله كل خير و كل سنة و انتم بخير
فكرة ممتازه جدا
بس انا راى روح لبتاع فوم احسن يضبطه
و بالنسبة للاسعار ده ممتازه جدا و رخيصه جدا
روح لبتاع فوم احسن يضبطه
الله ينور عليك يا استاذنا الفاضل حضرتك وجهتنى لفكرة جديدة جدا و هى ان فى علب اسبراى كدة زى ال wd40 و لما تتحقن بتعمل فوم و ينشف و بيكون شكله زى عزل التلاجات من الداخل بالظبط.
و بكدة الميزة انه مادة سائلة و اول ما تخرج بتتحول و تملى كل الفراغ اللى بتتحقن فيه
بس السؤال هل كدة الاكصدام حيفقد مرونته و لا ايه ؟؟
و انا شايف ان حضرتك من العروسة فا ياريت تقولى على حد بتاع فوم
و بالف هنا السحور و صوما مقبولا
و السلام عليكم
الإكصدام الخلفى جديد تايلاندى 250 جنيه
طيب ياترى زى الاصلى ولا فى اختلف بينهما والاكصدام الامامى بكام وفين صلاح الدين دا فى اى منطقة وكل عام وانت بخير
السلام عليكم و رحمة الله و بركاته
آسف على التأخير فى الرد
بالنسبة للإكصدام هوة زى الأصلى بس طبعا لونه اسود و لازم يترش
و صلاح الدين دى المنطقة اللى فيها بتوع قطع الغيار فى اسكندرية قريبة كدة من المنشية و محطة مصر
و بصراحة الاكصدام الامامى مسالتش عليه بس اعتقد مش حيزيد كتير إلا طبعا تمن الفوجات و اعتقد دى لوحدها
و السلام عليكم و رحمة الله