ان شايف انه بخل لان لما تكون العربيه حديثه 2010 وفاتح الشباك ده بخل
عرض للطباعة
ان شايف انه بخل لان لما تكون العربيه حديثه 2010 وفاتح الشباك ده بخل
فتايين طبعاً ...
على كدا العربيات في الخليج المفروض تعمل عمرة كل 5-6 سنين
على فكرة انا لاحظت ان موضوع التكييف دا ملوش دعوة بـ"بروفايل" اللي سايق ولا العربية زي ما احد الأعضاء بيقول... دا ساعات بيحصل العكس ...
تلاقي واحد راكب عربية المفروض اقتصادية و مريح دماغه من الضوضاء اللي في الشارع و فاتح التكييف ليل نهار
بينما واحد راكب عربية سعرها مقارب لل200 الف ... خايف على عمر الموتور و استهلاك البنزين و ماشي في عز الضهر فاتح الإزاز (او ممكن مش واثق في تكييف عربيته بقى)
والله انا من شهر 5 مقفلتش التكييف صبح او ليل !!! دة حتى العربية من جوة لسة بتلمع من اخر غسلة شوف من كام شهر !!
اصلا اصلا لما تسوق بالتكييف حاجة تانية و شعور تانى بتكون هادىء و مركز فى الطريق و مسترخى و رايق ولو حد قرفك فى السواقة مش بتدق يعنى
اية الفايدة انى اسوق فى درجة حرارة 40 و رطوبة و عادم يموووت و دوشة مقرفة و كمان عماال تنزل عرق و قرفان !!!!
اللى يتبطر ع النعمة بتزول مننة !!
واللى بيقول عيا و مرض ميركزش الهوايات ع وشة يبعدها عننة
انا كل الناس بتقولي اني عدو التكييف وقليل اوووووووووي لما اشغله (وبعمله على 2) بسبب خوفي من البرد حتى لو موجه الهوايات بعيد العربية من جوه بتبقى ساقعة .
انما مش حوار بخل او خوف من حسد ولا الكلام دا (طيب ما انا ساعات باخد صلاح سالم من اول النفق لغاية اخره وارجع تاني مجرد تمشية بالعربية. الموضوع مش موضوع بنزين او توفير)
أوقات كتير ببقي واخد بالي من الموضوع ده لملاحظه ايه العربيات القديمه نسبيا اللي مبتقرفش اصحابها مع التكييف خصوصا العربيات ال1300 سي سي علي سبيل المثال والعربيات اللي مواتيرها صغيره
التكييف بقي حاجه اساسيه مع الجو بتاعنا وساعات كنت بضطر اشغله وانا واقف لما ببقي مطبق وعايز انام مش قادر بخلع شويه من الشغل واقعد في العربيه وهي مركونه و اشغله وانااام ، سمعت فتوي ان ده بيأثر علي البطاريه لكن مش عارف إيه مدي صحه الكلام ده (و مش مقتنع)
انا بشغل التكييف غالبا في الحر الشديد اللي هو زي الايام دي كدا ونادرا لما بشغله بليل اساسا علما اني بحاول علي قد ما ققدر مفتحوش عشان بس الناس بتقول انه بيقصر علي الموتور بتاع العربية
فعلا ملاحظاتك صحيحة..... يؤكدها انه كلما ارتفعت فئة السيارة كلما ادى ذلك الى استخدام سائقها للتكييف باستمرار و العكس صحيح فالسيارات الاقتصادية سائقوها لا يستخدمون التكييف لتوفير البنزين غالبا.....
ملوظة سليمة
وانا عن نفسي بشغل التكييف حسب الحرارة سواء داخل القاهرة او على الطريق
انا للاسف ببقى عكس الناس
بشغل التكييف على الطرق السريعة
ولما بكون محتاج فعلا التكييف فى الزحمة والحر والاشارات مش بعرف اشغل التكييف لانه بيجيب العربية ورا يعنى بحس انه مكتف العربية شوية فبكون مضطر اقفل التكييف علشان اعرف اتحرك بالعربية داخل الاشارات والزحمة
لقد لاحظت نفس الكلام ومين مشغل ومين مش مشغل وبحكم انى ساكن فى المقطم يعنى بعدى على مطلع المقطم يومى من الاوتوستراد وقبل موجة الحر كان فى عربيات حديثة بدون ذكر ماركات كانت دايما بتنافسنى فى المطلع وكانت يعى بتسحب وبتحاول تحصلنى ولكن بعد الموجة الحارة باحس انهم بيسحفوا جنبى وباكون انا خلصت المطلع وهما اختفوا من المرايا عندى واعتقد انهم مش بيستعملوه خوفا على قدرة الموتور فى المطالع لان كفائته بتقل وديه بجد حسيتها لانى كنت عاوز اتابع بعض الماركات ايام ما كنت عاوز اشترى عربية للمدام فكنت باتابع اداء العربيات اللى كنت ناوى عليها وللاسف الغالبية تسحف فى المطلع لو مشغل التكييف وهنا ايقنت مدى حسن توفيقى من الله سبحانه وتعالى لاختيارى للكورولا لانها فعلا بتاعة شقى يعنى على الاقل باطلع وانزل من المقطم مرتين يوميا ومش حاسس بالى فرق حتى لو فتحت التكييف وانا طالع المطلع