هوه بره حتى تجديد الرخص سهل كده
امال الموظفين بيخنقوا الناس بايه ؟
و لا مفيش هناك تعالى كمان كام يوم يمكن تكون رخصتك و صلت
غيظني بقى و قولي مفيش سحب رخص و لا كماين مرور
هوه بره حتى تجديد الرخص سهل كده
امال الموظفين بيخنقوا الناس بايه ؟
و لا مفيش هناك تعالى كمان كام يوم يمكن تكون رخصتك و صلت
غيظني بقى و قولي مفيش سحب رخص و لا كماين مرور
يا جماعة ارجوكم .. واتوسل اليكم .. بلاها المقارنات بين مصرنا الحبيبة واى بلد فى العالم ....... شعر راسى (اللى فاضل منة ) بيقف لما يقرب ميعاد تجديد الرخصة ويركبنى الهم والغم لو فكرت فى شهادة المخالفات .. وانتم ولا فى بالكم .. ارجوكم راعوا شعورى دة انا غلبان .
حسبي الله و نعم الوكيل
و ده احد اوجه تحضرهم
يارب نتقدم بقى
ياريت يستخدمو الكمبيوتر اللى دخل من قرن عندنا ويعملو شبكة مغلقة خاصة بمصر ترخص تدفع المخالفات على الانترنت زى الدول المتقدمه
الفكر الكمبيوتري المتقدم بيطبق برة هنا زي الملابس بيطبق ويتحط في الدولاب زي الكمبيوترات في المدارس الحكومية بحالتها لانها عهدة
طبعا في بس بيئة العمل مختلفة تماما مش هانقارن بين موظف المرور في الرياض اللي بيقبض ١٥ او ٢٠ الف ريال في الشهر وبين موظف مرور عين الصيرة (٧٨٥.٥ جنيه) بدون حوافز او بدلات
بالنسبة لسحب الرخص تقريبا مش موجود لأن اللي بيغلط بيتحاسب في نفس الوقت بمعني انه مفيش حد بياخد النمره ويسجل عليك مخالفه وانت ماتعرفش
الاول كانت عربيات دوريات المرور بتوقف اي واحد تشوفه بيعمل مخالفه وتعمله مخالفه يدفعها اوياخده معاه علي سجن المرور في الحال (٢٤ ساعة حبس لكسر الاشاره - وغرامه ٩٠٠ ريال) ومع زيادة الحوادث عملو نظام المرور السري عبارة عن سيارات عاديه جده ملونه زي بقية السيارات لا تفرق عن سياراتنا اي شيء تلف في الشوارع وانت طبعا مش هاتعرفها ولما واحد يغلط ويتقفش تلاقي المرور السري فتحلة انوار وفلاشارات الشرطة االمخفيه داخل الفوانيس الاصليه للسياره وطبعا العقاب فوري ، شويه شويه حبوا يريحو نفسهم عملو نظام ( ساهر) وده يعتمد علي كاميرات ورادارات في كل شوارع البلد حتي الشوارع الداخليه بخلاف كاميرات المراقبه في الطرق الرئيسيه والمحاور وميزة النظام الجديد ان ماحدش بيوقفك بس لو تخطيت السرعة مثلا تجد رسالة على الحمول توضح لك المخالفة وقيمتها وموعد سدادها بكل بساطه - وهاتدفع هاتدفع - يعني لو مادفعتش خلال ٣ ايام هاتضاعف المخالفة، ولو طنشت شويه مش اهتعرف تجدد او حتي تسافر او تتحرك من البلد من غير ماتدفع وانت حر
وكمان مش لازم تجدد في المرور فيه محطات بنزين واخده توكيل لتجديد الرخص وفيها ادارات للمرور rta علشان كده موضوع التجديد في دبي فيه اكتر من مركز في كل منطقه ممكن تجدد في اي واحده منهم وكل مركز مجهز على احدث طريقه ومش بتقف في طابور بتاخد رقم وتقعد واول ما يظهر رقمك ورقم الشباك الي هتقدم عليه ورقك تروح وتخلص .. والموضوع سهل وبسيط جدا..
كل الي ممكن يأخرك انه يظهر ان عليك مخالفات فيه اماره تانيه فلازم تروح تدفعها في المرور بتاعها..
ألف مبروك بجد
فعلاً فى بلاد كيييييييييييييييييييييييي ييير محترمه
وبتحترم شعبها
بس أقول
ايه
أكيد احنا بنعمل حاجه غلط وربنا بيخلص مننا
ههههه
صادق يا باشا
أنا ال 45 دقيقة دول يتضمنوا أنتظار دورى و طبع النمر لأنها كانت جديدة.....مطبوعة و أنا واقف......ده حتى موظف المبيعات قالى جيب نمرة عريضة و نمرة عادية.....الأول مفهمتش قصده......و بعد لما شرحلى أن النمرة العريضة علشان تركب أسهل فى ضهر العربية.... النمرة العادية تركب قدام......و بعدين قولت الراجل ده أكيد بيهرج.....هما هيعملولى نمر تفصيل يعنى...و بعدين لقيت موظف المرور بيسألنى عاوزهم نمر عريضة ولا عادية......قولتله هو ينفع واحدة و واحدة على أستحياء كده......بصلى و ضحك و قالى طبعاً ينفع........كان مصرى بالمناسبة.
من ساعة ما جيت من 5 شهور مقابلتش غير لجنتين و كنت فى المرتين راجع من دبى للشارقة يوم خميس بالليل...علشان ابيت عند واحد صاحبى.....و عرفت فيما بعد أنهم بيوقفوا اللجان دى علشان الناس اللى راجعة سكرانة من دبى......مش أكتر.....ده حتى فى مرة منهم الراجل سألنى على الرخص....أديتله رخصتى و قولتله ثوانى أجيبلك عقد أيجار العربية علشان كانت أيجار.....شاف الرخصة و قالى أتفضل.
طيب لو مش عليك فحص......ممكن تجدد الرخصة من على النت و توصلك على البيت أو الشغل مقابل 25 جم......ليه متعملش كده ؟؟؟؟؟
أنا واحد صاحبى عمل كده و بيقولى منزلش من بيته.... و الرخصة وصلتله لحد البيت بعد 3 أو 4 أيام.
موجود يا باشا و بيستخدم.