انا هشتري الضمان الممدد وعقد الصيانة وهدفع من 6 ل 7 الاف علشان اريح دماغي
هو مفيش عقد انهم يحطولي بنزين من كذا بنزينة لغاية كيلو متر معين :ma:
انا هشتري الضمان الممدد وعقد الصيانة وهدفع من 6 ل 7 الاف علشان اريح دماغي
هو مفيش عقد انهم يحطولي بنزين من كذا بنزينة لغاية كيلو متر معين :ma:
على فكره انا عايش في الامارات ومعايا بيجو وكنت عاوز امدد الضمان لسنتين او 40000 كم ب 2500 درهم وفي الاخر طلع الموضوع نصب من الآخر علشان معظم العربيه بتطلع بره الضمان في التمديد وما بيكونش زي الضمان الاصلي للسيارة وعموما مشكلتي كان فيه تسريب في تنك البنزين من عند الزور بتاعه من فوق (عيب تصنيع ظهر متأخر للاسف) فكنت عاوز امدد الضمان بس لقيت واحد صنايعي جوه قالي اوعه تمدد الضمان علشان التنك في التمديد هيكون بره الضمان تمديد الضمان بيكون في الاغلب على الماتور بس لما سألت المسؤول قالي تقريبا خليني اتأكد وقعد ربع ساعه ورجع قالي اه فعلا ده بره الضمان...
تاني حاجه بالنسبه لعقد الصيانه فيه نصب كبير اوي لانك لو حسبتها وعملت الصيانات بتاعتك عندهم برده بس تيل الفرامل مش مستاهل تغيره عندهم علشان غالي جدا وغيرته بره هتلاقي نفسك خسران
يعني فيه حاجات كتير بيكون فيها نصب ومن الي بيتكتب هنا في المنتدى عن الوكلا في مصر والي انا شفته هنا في الامارات صدقوني واضح انهم في الهوا سوا كلهم زي بعض وفيه تنافس ما بينهم على مين الاسوء....
أنا بقول كده بعد معاناه 3 سنين مع توكيل النبوده بتاع البيجو ... والي سمعته من اصحابي في توكيل الحبتور متسوبيشي والفطيم تويوتا...
انا شخصيا هشتريهم كلهم عشان بحب اريح دماغى بس ده لان توكيل دايهاتسو محترم و هيدينى حقوقى بدون وجع دماغ...... انما لو توكيل تانى نص نص اعتقد مجرد فترة الضمان الاصلية تخلص و هقول يا فكيك......
هو طبيعى و أنت بتشترى ضمان أو حتى بتاخده على العربية الجديدة بيبقى فيه أجزاء أستهلاكية مش فى الضمان......زى التيل كده......بس التنك يطلع برة الضمان دى جديدة بصراحة.
عموماً من خبرتى المحدودة هنا واضح أن فى توكيلات نص لبة شوية......بس معظم التوكيلات هنا كويسة بصراحة.
و توكيل تويوتا هنا فى رأيي الشخصى مش هيفرق كتير عن بتاع مصر و خصوصاً ان تويوتا هنا أكتر من الهم على القلب و علشان تروح تعمل صيانة دورية فى فرع دبى غالباً مش بتاخد العربية فى نفس اليوم من الزحمة اللى عندهم.
أنا عن نفسى حسبت الصيانات الدورية بتاعة العربية لحد 35 ألف كم و لقيتها بحوالى 2700 درهم......و لو هشترى عقد صيانة لحد ال 35 ألف هشتريه ب 3500......يعنى الفرق 800 درهم.......يعنى لو هغير تيل بالكتير هيتغير مرة واحدة....يعنى ال 800 درهم كتير عليه.....إلا لو هما عاملين حساب أى حاجة تانية زيادة غير متوقعة ممكن تحصل.
عموما ليه ملحوظه على العروض الي بتنزل من التوكيل... من فتره كان فيه عرض في البيجو كان يوم جمعه وكان عباره عن تغيير زيت مجانا وفحص العربيه مجانا ولو فيها حاجه وهتعملها عندهم بتدفع 50% من تمن القطعه الي هتركب وعرفت من واحد صاحبي ان العرض ده موجود في بيجو مصر في نفس الوقت ولما سألت هنا قالو ليه اه اصل العروض بتبقه نازله من المصنع في فرنسا
وسألته عن عرض الصيانه المجانيه 3 سنين الي انا كنت واخده قالو ليه برده ده من المصنع في فرنسا ...
يعني عرض مجبرين عليه والله الود ودهم يعملوا زي سواق التاكسي اللي في النكتة دي
واحد وقف تاكسي وقاله تاخد كام وتوديني فين قاله هات اللي معاك وخليك هنا
والله لو الوكيل محترم ومبحسش معاه انى بتعامل مع عماد كوبلن هعمل عقد صيانه حتى لو اغلى من الصيانات المدفوعه ب 25% فى سبيل انى اريح دماغى
لكن على حالنا الحالى لو اطول ينزلولى من ثمن العربيه وأخد ضمان اقل يبقى كتر خيرهم والله !!
أكيد يا باشا أى توكيل هيبقى هدفه الربح فى المقام الأول.......بس فى توكيلات هنا هدفها الربح من غير سرقة العميل.....و فى توكيلا تانية زى معظم توكيلات مصر.
بس الأغلبية كويسة على ما أسمع.
موضوع تويوتا ده كنت بقوله على سبيل المثال و ليس الحصر.......برضه مرسيدس عندهم نفس القصة.
و طبعاً موضوع التانك عيب مش سوء أستخدام أكيد.
هو فعلاً يا أبو حميد سعر عقد الصيانة أعلى من الصيانات الدورية حوالى 25% لأنهم بيتوقعوا تغيير أجزاء تانية أستهلاكية على حسابهم طبعاً.
هو السؤال اللى عاوز له أجابة
ضمان عربية معينة 3 سنين أو 60 ألف كيلو......طيب واحد زى حالاتى عامل فى شهرين 10 ألاف كيلو.....يعنى على أخر السنة الأولى الضمان هيخلص......طيب لو أنا عملت عقد الصيانة لحد 100 ألف كم.......يبقى أيه لازمة عقد الضمان ؟؟؟؟
إلا بقى لو كانوا عاملين أستثناءات من عقد الصيانة.
بمعنى تانى عقد الصيانة هو للصيانات الدورية و معاها التيل و الطنابير و الأجزاء المشابهة.....بس مثلاً لو كمبرسور تكييف باظ هيقولك مليش دعوة بيه.
و لا أنا فيه حاجة مش فاهمها ؟
العرض اذا فى الامارات اكيد حاشترى اللى ينفعنى
اما فى مصر فمستحيل اشترى اى حاجه لانى متاكد انى حادفع فلوس وموش حلاقى خدمه واذا لاقيتها كاتكون نصف كم