صيانة ال 15000 للواجا والحمد لله على كل شيء
بسم الله الرحمن الرحيم
عملت صيانة ال 15000 النهاردة في فرع الصحراوي ودي بعض الملاحظات اللي قولتها للمهندس محمد عبد الهادي
1-صوت طقطقة من الزجاج الامامي يمين وشمال
2-الصوت اياه اللي مجنني من ورة
3-فروق في الصاج
4-طبعا علبةالدركسيون
وتم حل المشاكل مؤقتا لكن اول مشكلة تم حلها الي الابد وهيا تغير مكنة رفع الزجاج يمين وشمال طبعا في الضمان وعرفت ان سعر المكنة الواحدة هة 1300 جنيه تقريبا
نيجي بقى للمشكلة الاهم وهيا علبة الدركسيون
كلمت المهندس محمد على المشكلة دي وان انا جيتلو كتير علشانها بس الراجل طمني ال حدا ما انهم مستنيين التعديل اللي بقولو عليه يوصل وسيتم الاتصال بكل عميل سجل المشكلة دي في التوكيل علشان يروح يعملو
بصراحة انا انبسط شوية وحسيت فعلا ان التوكيل اتحسن شوية عن الاول بوجود ناس محترمين زي المهندس امر والمهندس محمد عبد الهادي وطبعا الاستاذ الكبير ايمن واللي بسطني اكتر ان انا مشوفتيش الكابتن سيكو اللي بيقولو عليه مهندس
في رعاية الله