انا معاكم فى كل اللى تتفقون عليه ، يد الله مع الجماعة
عرض للطباعة
انا معاكم فى كل اللى تتفقون عليه ، يد الله مع الجماعة
انا متشكر ليكم جدا على الدعم المعنوي الكبير والمسانده الايجابيه الكبيره دي وانا بشكر الاستاذ foxo لانه اقترح عليا اجرب المفتاح الاحتياطي وفعلا جربته امبارح والعربيه دارت على طول وجربته كتير ورجعت جربت المفتاح الاصلي اشتغلت برضه وقمت الصبح علشان اروح حماية المستهلك جربت المفتاحين دارت العربيه على طول والحمد لله المهم رحت التوكيل بتاع العبور تاني
فابلت المهندس امجد انسان فوق الذوق والاحترام قابلني مقابله ممتازه حسسني اني مش لوحدي وكأن اخويا اللي شغال في التوكيل فرق كبير بينه مبين مهندس احمد سامي
المهم قلتله على اللي حصل وقلتله كمان ان التابلوه ما اتقفلش كويس والارجل جه معايا وبص بنفسه وسمعته صزن كده في الموتور
وطلبت ادور العربيه اللوجان اللي معروضه مشكورا راح جاب المفتاح وخلاني اجرب تشغيلها واسمع صوت الموتور
المهم استلم العربيه 10.30 ص وخرجت 12.30 م وقالي خلاص احنا راجعنا التكويد بتاع المفاتيح وقفلنا التابلوه وصوت الموتور مفيهوش حاجه وقالي والله ماتخافش
واعتذر لي عن اللي حصل والحقيقه اول واحد يعتذر لي عن اللي بيحصل وانا شكرته لذوقه وبرضوا احب اقول ان باقي التوكيل مش وحشين بالعكس وانا معنديش اي شكوى من التوكيل وكمان انا مش حابب اعمل مشاكل وخلاص اناغ كل اللي عايزه حقي وبس
المهم ادعولي انا رايح اسكندريه مشوار اجرب العربيه وربنا يجبرني في المشوار ده والله المستعان دعواتكم
الف مبروك يا اخى ، بس طمنا بعد ما تسافر بيها مسافة كبيرة .
الله يبارك فيك وفيكم جميعا ودعواتكم والحمد لله
انا كنت جبت تليفون واحد في شارع دمشق اسمه عطيه بتاع قطع غيار رينو بس ما فضيتش احط نمرتو وسط القصة بتاعتي اللي كلكوا عشتوها معاية المهم انا سالته عن اللوجان قال لسه ما نزلهاش حاجة وقلتله على المنتدى واننا عددنا كبير ولو نزل مش هيندم المهم الراجل اتبسط وقال والله كويس اتمنى اننا نساعد بعض وعلى الاقل كل واحد معدي في حته يلاقي محل متخصص قطع غيار رينو يجيب تليفونه ويكلمه عن المنتدى وعن عددنا الكبير على المنتدى بس ويحط نمرته ودورنا اننا نتصل بالمحلات دي هنا زي ما بنشارك اللي محتاج خاحة يسال عن سعرها ويقول للراجل انه عرفه عن طريق المنتدى وبكده نعمل تاكيد للمعلومه وندي ثقة للتجار ان في ناس بتيال فعلا وان في طلب وده هيخلي التجار تتحرك بدون شك وهيبقى في تنافس لمصلحتنا وكمان ياريت كل واحد يروح التوكيل وويابل حد يقوله على المنتدى بتاعنا لازم نعرف ان في تجمعنا قوة حتى لو مش هنتقابل بس نجتمع على فكرة ونطبقها مش هيكلفنا اكتر من مكالمة تليفون لتاجر وحوار بسيط مع صاحب سيارة بالتوكيل قاعد جمبك اعتقد الموضوع بسيط وسهل التطبيق وهيحقق لينا مصلحة مباشرة اتمنى يكون في تجاوب واننا نتعاون بشكل ايجابي
عموما محل قطع غيار رينو في شارع دمشق اللي انا سالته لو حد عايز يتصل بيه ويساله عن قطع غيار اللوجان
اسمه عطية الاسكندراني 38 ش دمشق ت 22566362
موبايل 0105149490
الحمد لله سافرت ورجعت بالسلامه العربيه ممتازه ماشاء الله لاقوة الا بالله والحمد لله على فضله ونعمته بس الصاج بتاع العربية خفيف قوي يا جماعة اقل حكة بتبان فيه
اخيرا الحمد لله رب العالمين
احب اقول ملاحظاتي عن العربية خلال السفر
1- الثبات ماشاء الله لاقوة الا بالله ممتاز والعربية حمالة اسية
2- احساس بالتميز وانتا داخل على المطبات ومحمل اوزان وكل العربيات اللي قدامك جديد وقديم بتعمل مناورات للمطب وانتا اكبر حاجة تعملها بتهدي علشان تعدي المطب ماشاء الله لاقوة الا بالله
3- ما شاء الله لافوة الا بالله
استهلاك بنزين جيد جدا بالنسبة للسفر في الذهاب مع تحميل اكتر من 400 كجم بالسيارة ومع توقفات كتير جوة مصر وجوة اسكندرية وتشغيل التكييف طول الطريق تقريبا لما تعمل 10 لتر لكل 100 كم مش وحش علما بان المشي ببطء كان نسبته متساوية تقريبا مع الوقت اللي العربية نشيت فيها على طريق مفتوح .
4- اداء التكييف ممتاز وتاثيرة على سحب السيارة معقول وشبه غير ملموس قوي .
5- سحب السيارة جيد جدا وكمان تسارعها والسيارة ماشاء الله لاقوة الا بالله ناعمة وقوية وكلها حنية .
6- توكيل السيارة توكيل محترم ويحترم العميل بتاعة وده عن تجربة وتجربة مريرة لكن لا توجد عندي اي ملاحظة مهمة او مؤثرة عن التوكيل كافراد او كمؤسسة ونظام
في اهتمام وفي متابعة خصوصا من مهندس امجد ربنا يبارك له ومن مهندس محي مدير الصيانة
ربنا يبارك لنا فيما رزقنا ويكفينا شر مارزقنا وشر ما في انفسنا والله المستعان
اتمنى اكون افدتكم بمعلومة او اكدت معلومة وكمان اتمنى اكون محايد لاني رغم مشكلتي احب السيارة لانها والحمد لله كسيارة اراها ذات قيمة اعلى من ثمنها كاداء سيارة وايضا لها ثقل من حيث قوة توكيلها واحترافيته وتعاونه مع العملاء وايضا والاهم لها ثقل كبير بوجود وحوش اللوجان المحترمين اصحاب العقول الثقفه والقلوب الكبيرة وايضا اهل الاخلاق والايجابية والخوف على باقي الوحوش لن اسكت لو استمريت في الكلام عنكم يلرك الله فيكم وكل عام وانتم بخير ورمضان كريم
4-
كلام ممتاز واتمنى ان يحدث هذا التكاتف مع بعضنا
السلام عليكم ورحمة الله وبركاته
ياجماعه عايزين نتجمع في الشهر الكريم على السحور سوا في اي مكان نختاره سوا مع بعض وتبقى فرصة نقابل في الشهر الكريم وناكل عيش وملح مع بعض ونصلي الفجر حاضر سوا باذن الله
وده اقتراح اخونا المشمهندس شريف محمد ويكون سحور يوم الخميس بعد القادم علشان يبقى صابح الجمعه ان شاء الله
يعني نتجمع على السحور مساء يوم الخميس الموافق 26 / 8 /2010
وياريت يكون في تأكيد للحضور علشان اللي هنوافق على المكان اللي اقترحه يقوم بالحجز في المطعم وياريت يكون المكان فيه اكتر من مطعم ويكون فيه مسجد كبير قريب
وانا بدعوا اخونا بيشوي يشرفنا وياكل معانا عيش وملح لان رايه مهم وافكاره تحترم
ايه رايكم
ياريت يا جماعة نتكلم مع الناس بتاعة التوكيل اننا يمعنا عنكم كذا في منتدى نايل موتورز علشان يديهم برضوا احساس ان شغلهم متراقب وبيسمع وان ده بيعملهم سمعه كويسه او وحشه اعتقد ده ممكن يفرق في الاهتمام شويه وعلى الاقل مره ورا التانيه يحسوا ان عددنا كبير طالما ان فكرة اننا نتقابل ونتفق على شكل للتعامل مع التوكيل وغيره موضوع صعب جدا وشبه مستحيل يبقى على الاقل الصيت ولا الغنى
السلام عليكم
المقابله يا جماعه هيكون ليها ان شاء الله اكبر تاثير فى حل جميع المشاكل ان شاء الله