فايظ التكييف

**fady_anis** · 09-08-2010 12:24 PM

برضه حصل معايا حاجه كده لاقيت العربية بتنقط طول ماهى ماشيه وبعد ما اركن لما اكون مشغل التكييف فا اتخضيت قولت العربية فيها حاجه وانا كان عندى شاهين قبلها وطبعاً مكنش فيها تكييف فا مكنتش اعرف فى ايه بالضبط فسألت واحد قريبى عنده لانسر بومه فالى عادى ده من التكييف فا متقلقش يا باشا ده عادى خااااالص

**karaktar** · 09-08-2010 03:31 PM

اولاً حضرتك غلطان ان خليت اى ميكانيكى يحط ايده فيها بدون اى سبب واى داعى لقيت مشكلة بسيطة زى دى ادخل اسألنا الاول فى المنتدى واحنا هانطمنك بإذن الله وتانى حاجه مركز الصيانة موجود همه ادرى بالعربية من اى حد تانى يبوظ فيها
كمان حضرتك متحامل على العربية اوى بدون اى داعى ولأسباب بسيطة ماتخليش حضرتك انك تتخلص من العربية وتبيعها بالعكس الصنى محترمة جداً ووكيلها فوق الممتاز وده دليل على انتشارها ارجو انك ميكونش عندك القلق زيادة عن اللزوم كده هاتتعب جداً ونفسيتك هاتتعب بدون اى داعى

**phantom0xx0** · 09-08-2010 04:25 PM

عادي جداً ،، أنا الشيروكي لما تكون وقفة شوية و مشغل التكييف ،، فيه حنفية مية بتكون نزلة منها

**MOK3336** · 09-08-2010 09:23 PM

شكرا يا رجاله علي الوقفه التمام دي و انا مش هبيع العربية ولا حاجة أنت يا karaktar بتقول كده لية ؟؟
و كملوا بقي وقفتكم دي
و لموا مع بعض و أدوني الخمسة جنيه ايلي دفعتها للراجل ههه
و حلولي بقي موضوع البنزين ده

أه من حق
عارفين المكان المجوف ايلي تحت الكاسيت ( يارب تكونوا عرفتوه )
انا عاوز أشيل التجويف ده و أركب أكواليزر و عاوز أركب كمان وحدات رفع و اغير السماعات ايلي ورا بسماعات تانية بس نوع نضيف بنفس المقاس
انتم اية رأيكم

و متنسوش الخمسة جنيه و النبي

**Bishoy.Girgis** · 09-08-2010 09:41 PM

انا شايف بقي بعد المشاراكات ديه كلها انك تشرب بيريل يا عم متقلقش من حاجه خالص و اعرف ان العربية دي عربية محترمة جدا
امال بقي لو شوفت الكروز و اللي عملته في الناس مشاكل فردية لما تبقي ماشي في امان الله و تلاقي العربية تقوم مبطلة منك فجأة و العربية تقوم لابسة في اللي قدامها و انت بتضرب فرامل في الهوا
متخافش خالص خالص و خلي قلبك جامد