يعني اعتقد من كلامك ان السوبارو أعلى حاجه ممكن تحصل عليها في الياباني مش كدا؟
عرض للطباعة
يعني اعتقد من كلامك ان السوبارو أعلى حاجه ممكن تحصل عليها في الياباني مش كدا؟
يافندم بلاش كلام الناس الي كله قاعده يقوله لانسر لانسر ده
انا والله العظيم لسه مكملتش اسبوع اللانسر والدي عامل بيها حادثه
عربيه نقل خبطتها وهي ماشيه على 100 بس العربيه خدت خمسين الف خبطه في الرصيف والعواميد ومنظرها لما شفته تقول وقع عليها قنبله
العربيه معادش فيها صاج يساوي خمسه جنيه ولا عفشه ولا كلام من ده
لانسر ايه بقا
هي حلوه في الجري جوا البلد ماشي وعمليه فعلا وكانت مريحه
لكن ثبات لاااااااااااااااااا انا مجربها على 140 ووبعد كدا العربيه بتمشي معاك على حسب الرياح وربنا يسلمك بقا من شر الحوادث لما نقل يعدي جنبك والعربيه ريشه كدا :36_7_4[1]:
أخو حضرتك بياخد كم منحنى على طريق سوهاج بسرعات عالية؟؟ وبعد كدا هنتفاهم في الثبات
بس بشكل عام علشان مكونش ظالم للانسر البومه فعلا ثباتها اعلى من باقي الموديلات لكن انا جربت المكوه وكانت دون المستوى في السرعات العاليه والمنحنيات
والدريكسيون على السرعات العاليه بيكون حساس اوي مع انه المفروض يبقا عنده دم ويكون على سرعات عالية زيه زي الدريكسيون التقيل من غير باور :dontudear:
من ناحية الثبات على السرعات العالية و في الملفات ،متقلقش خالص العربية ثبات وهمي ،التسارع بتاعها من من ١ إلى ١٠٠ كم في ١٤ ثانية عشان العربية وزنها تقيل و عشان الدفع الرباعي ،الجيتا و اوكتافيا برد الطلعة بطيئة شوية بس على السرعات العالية التجمع بتاعهم هايل ،العزم بتاع السوبارو 142 @3200 rpm هتلاقي العربية بتسحب معك حلو قوي بعد ١٠٠ .
طيب هو في عيب ممكن يقابلنا بقا ان العربيه دي مش منتشرة قد كدا بين الشعب بتاعنا وبيعها مش هيكون سهل ده علاوة على ان مش هلاقي حد شغال في قطع الغيار وهضطر اعيط للتوكيل ولا ايه؟ !!
بس برده الصراحه السوبارو ايبيزا الهاتش باك دي مشكــــــــــــــــــــــ ــــــــــله ,, فعلا جميله
لأ هتجب السوبارو يبقى مفيش غير التوكيل ،سعر إعادة البيع مش حلو عشان العربية مش منتشرة بس لو العربية هتفضل معك كتير و تستمتع بها و ترتاح يبقى إنت الكسبان ،لو ناوي تبع بسرعة يبقي السوبارو مش هتنفعك عشان سعرها بينزل .الهاتش بك بتاعها أحلي من السدان بكتير و كمان عاميلن تغير في الشبكة من قدام حلو قوي في ٢٠١٠ .
شوف انا تعبتك معايا يافندم وعمومًا انا مش هستعجل هدور لحد ما اوصل للي عايزه ولو ربنا رزقني بحاجه bmw فئة تالته حالتها حلوه يبقا مالهوش لزوم نحتار بس ربنا يسترها معانا على الطرق ويبعد عننا كلنا شر سواقين النقل الي بيسببوا تلات ارباع حوادث مصر ( وقال ايه؟ رخصه قياده درجه اولى .. !!)