الموضوع: مشكلة السحب اتحلت والحمد لله

[QUOTE=shaky;3872926398]يعنى انت حاسس ان الحب بقى افضل بكتير وقرب من الطبيعى والا اتحسن شوية لانها تفرق[/QUOTE]

اتحسن بكتير جداً

[QUOTE=srm;3872926486]الف مبروك ان العربيه رجعت زى الاول.....كنت عايز اعرف من حضرتك يا استاذ

اكرم الحاجات اللى انت غيرتها دى سعرها اد ايه ؟ والميكانيكى خد اد ايه

مصنعيه.؟؟؟[/QUOTE]

طمبورة الكرنك = 160ج + ترس الكرنك الصغير = 35ج + سير كاتينة انجليزي = 50ج
المصنعية = 100ج
الإجمالي = 345ج

[QUOTE=Shiref_mohamed;3872926629]مبروك يا اكرم..
محمد هاشم عفريت وابقى سلملي على الميكانيكي الى بيسافر كوريا[/QUOTE]

يوصل :)

[QUOTE=kareemz;3872926636]جزاك الله خيرا على المعلومة القيمة[/QUOTE]

على ايه يا باشا

[QUOTE=ahmedomara00;3872927343]ازيك يا اكرم باشا و حمدلله على السلامه
معنى كلامك ان تقسيمة الكاتينه مكانتش مظبوطه بسبب البوش ، عموما الف مبروك و ربنا يكفينا و اياكم من اشتغلات الميكانيكيه .[/QUOTE]

الحمد لله انت اخبارك ايه يا احمد باشا ,
كلامك سليم

[QUOTE=mohfud;3872927363]الف مبروك على سحب العربية والحمد لله أنك ظبطتها على أكمل وجة موضوع الترس والطمبورة مهمين جدا ممكن لا قدر الله السير يحصلوا حاجة وأنت ماشى الحمد لله أنك غيرتة
طيب سعر الترس والطمبورة كام وهل طلب تغيير الرومان بلى والمصنعية كام

[/QUOTE]

الله يبارك فيك و تم الرد على التكلفة و بالنسبة لتغيير الرومان هو مجبش سيرة عليهم.

[QUOTE=abou_sama;3872927510]فين مكان محمد هاشم لو سمحت[/QUOTE]

[QUOTE=tarek_2005;3872927586]الف مبروك علي سحب السيارة

وياريت تقولنا علي مكان محمد هاشم[/QUOTE]

ربنا يبارك فيك ,
هو في ش بين السرايات أمام محل ابو الحسن لقطع غيار الدايو و ده مشهور جداً

[QUOTE=MMamdouh;3872927614]هى يعنى كوريا مفيهاش ميكانيكية؟؟؟..... الجملة دى لوحدها تعرفك ان الراجل دة منجد و بيفتى اى حاجة... تلاقية بيروح يصيف فى اى حتة و يقولك انا رايح كوريا... طيب هو بيروح كوريا يعمل ايه؟؟؟ بيصلح العربيات اللى الكوريين عجزوا عن تصليحها ولا بيروح يتعلم منهم اللى محدش فى مصر يعرفة؟؟

على فكرة بكرة التكييف لسة معايا بس انا اللى الدنيا ملطشة معايا و مش عارف اضبط معاك ميعاد

MMamdouh[/QUOTE]

كلامك 100 100

بالنسبة لموضوع التكييف كنت عايز استشارة بس هعمل موضوع ليها علشان نتكلم براحتنا ,
وبالمناسبة انا عايز الشماسات الجانبية , ربنا يسهل و نعرف نتقابل ...

هو ليه مش ظاهر الإقتباس اللي انا عامله و الدنيا سايحة على بعض