موضوع البنزين ابو مية

**hanycapoo** · 09-08-2010 02:17 AM

ياجماعة انتو عرفتو انى حطيت بنزين من بنزينة وانا جاى من السخنة وبعدين لقيت العربية بتنطش معايا مع انى حطيت بس صفيحة على اللى كلن موجود المهم فية ناس قالتلى سيب النزين لغاية لما يخلص وناس قالتلى روح للميكانيكى يفضى البنزين ويفك التانك ويغسلة عشان المية بتبقى فى قعر التانك وممكن تحرق البوردة او تبوظ الرشاشات انا بصراحة محتار اعمل اية فى الموضوع دة ياريت تفيدونى وهل هى مشكلة خطيرة والا اية القصة ؟؟

**hanycapoo** · 09-08-2010 09:47 PM

ايييييييييييية الصحرا دى هو انا سالت سؤال عويص قوى كدة؟؟

**محمد الشامي** · 09-08-2010 10:15 PM

المشاركة الأصلية كتبت بواسطة hanycapoo

سيب النزين لغاية لما يخلص

ده رأيي كمان , وان شاء الله مفيش حاجه خطيره

بس اهم حاجه انك تتأكد ان النتشه مش من بوبينه مثلا او اسلاك بوجيهات , او البوجيهات نفسها

**Samir Elshahawy** · 09-08-2010 10:36 PM

انا حصل معايا نفس المشكلة و العربية كانت مش قادرة تمشي لحد ماوقفت مني علي الدائري قبل محطة امارات مصر بحوالي 3 كم

بصراحة انا فضيت التانك و مونت تاني و مع ذلك العربية فضلت لمدة شهر مش مظبوطة لحد مارجعت تاني

أنا شايف أنك تفضي التانك و لو الفلتر بقاله فترة يبقي تغيره كمان لأن المشكلة أن المياه مع الرواسب اللي بتكون في قاع التانك ممكن تعمل زي طبقة شمعية تسد فتحات الفلتر

غير كده كمان ممكن تستخدم منظف رشاشات و بعد ماتمون حاول ترفع عدد لفات المحرك و أنت ماشي بالعربية الي مافوق ال 4000 لفة / دقيقة علشان تعمل نفض للرشاشات من أي بقايا

مع خالص تحياتي
م/ سمير الشهاوي

**hosar** · 12-08-2010 01:02 PM

ممكن تسيب العربية دايرة لحد ما يخلص البنزين دا
او تروح بيها مشوار طوالى من غير ما تحمل على الموتور

**romeofinger** · 02-09-2010 05:45 PM

عزيزى هناك حل واحد
يوجد سائل يضاف على كمية البنزين النتبقية فى التانك
ويوجد نوع أخر يضاف على التانك وهو ممتلئ تماما
تقوم بأستعمال هذه السوائل حيث أنها تقوم بعملية إذابة للماء وتندمج معه لتحوله لسائل أحتراق يمر مع الوقود ويقوم أيضا بتنظيف دورة الوقود كاملة وهى مفيدة جدا ويجب قراءة الإرشادات جيدا من على العلبة
وسوف تحل مشكلتك إن شاء اللة وهذه السوائل تذيل المياه سواء إذا كانت من محطة الوقود أو ناتجة عن تكسف الهواء الذى يمر عمر ممر خاص بأحلال الهواء محل البنزين المنصرف من التانك (حيِ أن الهواء المتجمع فى التانك يتكثف ليلا أو فى الأوقات التي يكون فيها التانك باردا وينزلق ليترسب فى أسفل التانك وفى حالة أنخفاض مستوى الوقود فى التانك فإنك تبدا بأستخدام الوقود المختلط بالماء لأن الماء يرقد فى الأسفل. هذا بالأضافة إلى أن إستخدام الوقود الذى أوشك على النفاذ يكون محملا بالشوائب و الترسبات التى بدورها تؤسر بشكل سلبى على أداء طلمبة الوقود و الفلتر و ممرات الوقود ورشاشات الوقود والصبابات.

أرجو أن أكون قد أفدتكم