الموضوع: صحبى اشترى عربيه 516 بس بايظه

علامة المفتاح الانجليزى معناها ان ميعاد الصيانة قد اتى ولما تروح تعمل الصيانة اللمبة بيطفوها وبنسبة لاسعار قطع الغيار اسف مش هاعرف اخدمك فيها بس الشباب هنا فى المنتدى جدعان واكيد هايسعدوك فى الموضوع ده

بص يا سيدي الفاضل
من ارخص اسعار قطع الغيار هي قطع غيار الاسبيرانزا
و بالنسبة لاسعار القطع هي
المقص بيبدأ من 210 جنيه الي 320 جنيه
الكابلن مش عارف بالضبط و لكن علي ما اظن انه في حدود 300 جنيه
الطانبير من 100 جنيه الي 300 جنيه
طقم التيل من 80 جنيه الي 120 جنيه

مشكلة المفتاح الانجليزي فهذا يعني "ان قد حان وقت الصيانة " و للعلم انه كل 5000 كيلو متر العلامة ده هتنور و للعلم لو سبتها منورة مفيش منها اي ضرر

فين المشكله رقم -5- ؟ ههههههههههههه

المشكلة رقم 5 هو إزاي اشتري العربية ديه وكل ده بايظ

المشاركة الأصلية كتبت بواسطة teamahmed

صحبى اشترى عربيه 516
موديل 2007
بس فيها مشاكل
1- جوز مقاصات بايظين
2- جوز كبالن بايظين
3- الطنابير بايظه
-4- التيل متاكل


-6- والمشكله الفظيعه ظهرلة على الطابلوه علامه مفتاح انجليزى
ده معناه ايه؟

وسحب العربيه ضعيف

ممكن اسعار الحاجات دى بره التوكيل؟

وعلاج مشكله علامه مفتاح انجليزى ؟


ارجوا سرعه الرد وجزاكم الله كل خير

الله يعين صحبك --- بس هو ماكشفش على العربية قبل ما يشتريها ولا اه خصوصا الكبالن و المقصات و الحجات ده بتبان بالعين المجرده

عموما الطنابير بتتخرط ب 40 ج و بنركب تيل ب 80 ج كله بيبقى تمام.

المقصات اسال هل يركبلها مقصات اللنسر ولا لا و انصح ما تجبش اى نوع تلنى عشان مش مضمون ولو قفلت اوعى تجيب الصينى اللى فى السوق لانى كله بايظ

لمبة الصيانة متشلش هم ليها ولا اكنها موجوده ده بتقفل بعد 3 اربع دقايق

و بعدين لو فكرت شوية تقول لصحبك يقول الحمد لله انهافيها الحاجات ده بس -- انت عاوز ايه من عربيات ابو الفتوح -- ده الجديد الزيرو بيطلع فيها حجات اكتر من اللى عند صحبك

عموما ما تقلقش فى ناس دلوقتى بتشتغل فى العربية بعد ما بقت تاكسى

لمبه الصبانه تقدر تطفيها بسهوله
ده لو فى حلاه انك مش رايح التوكيل
اقعد واقف الباب وحط ايدك على زررا ظبط الساعه وافتج الكونتاكت
وفى نفس الللحظه شيل ايدك وحطها على الزررارين ظبط الساعه وتصفير عداد الكليومتر
هتلاقيها طفت بكل سهوله بس هى محتاجه تركيز شويه وهتاخد على عاميلها