الموضوع: افضل عرض انترنت لموبيلات اليومين دول

كان فيه واحد عنده نفس الاستفسار دة النهارده
ودة كان ردى

[flash=http://www.mobinil.com/arabic/mobinil-01.swf]width=546 height=172[/flash]

العرض دة موجود بطريقتين
الاولى انك تدفع يوميا ودة انك بتدفع 5 جنيه كل يوم مقابل 50 ميجا يوميا
والثانيه انك بتدفع 20 جنيه شهريا مقابل 110 ميجا شهريا
ولما بتخلص عدد الميجات المتاحه ليك السرعه بتنزل ل 64 كيلو بايت ودى سرعه الداونلوود بتاعتها 8 كيلو بايت فى الثانيه

وبالنسبه لسؤال حضرتك فى عرض بلا حدود فا مفيش شركه تانيه قدمته بسعر اقل
ودة يعتبر حاليا افضل سعر لنت بلا حدود فى ال 3 شركات
ولو انت استخدامك تصفح فا هايكون كويس ليك لكن لو هاتشتريه للداونلود فا انا مش بنصحك بيه

المشاركة الأصلية كتبت بواسطة MRBEBO

هل النظام ده للــ usb مودم كمان ولا للموبيل بس ؟؟

بصراحة فعلا عرض هايل اللي هو ب 20 جنيه شهريا من غير ما النت يقطع بعد تجاوز الباقة

وهينفع جدا للي محتاج النت للتصفح بشكل اكبر

ياريت بس نعرف هل ده عرض لفترة محدودة ولا نظام مستمر من موبينيل ؟ وهل ده موبيل بس ولا usb كمان ؟

usbفقط مش موبايل دة الى انا فهمتة من صفحة موبينيل

وفى عرض تانى من موبينيل 30 ساعة فى الشهر ب30 جنية (بس لسة بحاول اجمع معلومات عنة)

أولا شكرا لحضرتك بس انت مفهمتش قصدى انا بقول فى عروض فى شركات تانية كويسة هوا ده السؤال اما فى رد حضرتك دلوقتى بجد عجبنى عرض موبينيل ده بس قبل110 ميجا هيبقا النت سريع صح حلو اوى بعد ال110 هيبقا وحش فى التصفح ولا لأ وبعدين انا مش هقديها داونلود بس هل 110 ميجا دول يكفونى تصفح بس لمدة شهر قول بمعدل 6 ساعات يوميا مثلا

العفو
واسف مافهمتش اللى انت تقصده
موضوع ان فيه عروض احسن من شركات تانيه للاسف مفيش حاجة اشتراك شهرى مفتوح باقل من 150 جنيه

وبالنسبه لل 110 ميجا هايكون فيهم على اعلى سرعه وبعد كده هاتكون سرعه الداونلود 8 كيلو بايت ودى بتكون سرعه متوسطه لتصفح اغلب المواقع العاديه ولكن ضعيفه جدا لمشاهده فيديو على اليوتيوب مثلا
وبالنسبه لل110 ميجا مش هايكفوك طبعا لمده شهر بس لما السرعه بتنزل هاتتقدر تتصفح عادى بس بسرعه اقل

----------------------

هل النظام ده للــ usb مودم كمان ولا للموبيل بس ؟؟

بصراحة فعلا عرض هايل اللي هو ب 20 جنيه شهريا من غير ما النت يقطع بعد تجاوز الباقة

وهينفع جدا للي محتاج النت للتصفح بشكل اكبر

ياريت بس نعرف هل ده عرض لفترة محدودة ولا نظام مستمر من موبينيل ؟ وهل ده موبيل بس ولا usb كمان ؟

العرض دة للموبايل ولليو اس بى
والعرض دة موجود من زمان وتقريبا هو مستمر بس الله اعلم الشركه هاتعمل ايه خلال الفترة اللى جايه

-----------------------

usbفقط مش موبايل دة الى انا فهمتة من صفحة موبينيل

وفى عرض تانى من موبينيل 30 ساعة فى الشهر ب30 جنية (بس لسة بحاول اجمع معلومات عنة)

العرض للاثنين
وبالنسبه للعرض اللى انت بتقول عليه اللى هو
تدفع 30 جنيه وتاخد 30 ساعه على اقصى سرعه ولو خلصتهم بتدفع سعر تجديد الباقه او تدفع بالميجا او تدفع 20 جنيه وتاخد 5 ساعات
وممكن تاحد 60 ساعه ب 75جنيه بردة ونفس الوضع بتاع ال 30 جنيه

-----------------------

usb وموبيل وكل حاجه
بس خللى بالك ان 110 دول تصفح برضه لانه بيعتبر التصفح دونلود
فودافون عامله ال 4 جيجا ب 150 جنيه فى الشهر وبعدي كده السرعه تنزل
بس اولا واخيرا تعتمد على مين شبكته كويسه فى المكان اللى تستعمله فيه وتكون الشبكه 3 جى

كلامك صح
هو المعروف ان الافضل فى الثرى جى ترتيبا :
اتصالات
فودافون
موبينيل
بس للعلم ان لما بيكون 2جى بتكون السرعه 64 كيلو بايت وهى نفس السرعه اللى بتوصله لما بتنزل السرعه بعد مابيخلص ال 110 ميجا يعنى ما اعتقدش انها هاتفرق اوى معاه , لأنها هاتفرق اكتر لو واخد اكتر من جيجا لأنها هاتقعد معاه فترة اطول لكن ال 110 ميجا معرضين للانتهاء فى فترة سريعه جدا

-----------------------

معاك بس ايه اللي جاب 20 جنيه ل 150 جنيه

مش مشكلة ان السرعة تبقى بطيئة في التصفح لانه مش هيبقى اساسي الاهم ان الخدمة متقطعش او يبقى الحساب بالميجا بعد انتهاء الباقة وكمان صعب الواحد يدفع 150 في خط ال usb ولا ايه رايك ؟؟ عاوزين نتاكد بس انه مش هيقطع بعد 110 ميجا لنهاية الشهر ... او ان الزيادة في الميجابيتس هتيجي على الفاتورة

صحيح هل الدفع بكروت لنظام ال 20 جنيه ولا فاتورة ؟ يعني ممكن الاشتراك الشهري ده يدفع بكروت ؟

الخدمه مش هاتتقطع والحساب هايبقى بالميجا ماتقلقش
وبالنسبه للدفع بيكون بالكارت مش بفاتوره