مشكلة في ألتو 2008 بعد صيانة 20000 كم

السلام عليكم ورحمة الله وبركاته
كل عام وأنتم بخير إخوتي الافاضل
من حوالي 3 أسابيع روحت عملت صيانة 20000 كم غيروا الزيت والفلتر وفلتر الهواء والبوجيهات وحطيت زيت موبيل 1 وكنت متعود أحط زيت xhp
بعدها بيومين الصبح وأنا بدور العربية دارت عادي لكن لا حظت هزة مش عادية في الموتور يعني الموتور يكون شغال عادي وبعد 20 أو 30 ثانية تيجي هزة ذي الرفة كدة مثلا صوت الموتور العادي رورورورورو وفجاة تلاقيه ترترتر
المهم قلت يمكن علشان الزيت جديد
بعدها بشوية وأنا ماشي علي الطريق بأحس أن العربية بتنتش وبالذات الغيار الأول والثاني وأول الثالث أول ما أدي الغيار تنتش معاي حتي وأنا دايس بالراحة علي البنزين
المهم قمت رايح علي التوكيل وقلت له علي هزة الموتور ونسيت أقول علي نتشة العربية
خدوا العربية وقعدوها حوالي 5 ساعات وكل شوية أدخل أشوفها ألاقيها موصلينها بجهاز معين وبعد كده شوفت التقرير وجدت فيه الميكانيكا سليمة والكهرباء سليمة وكله سليمة وبصراحو أنا ما دفعتش ولا مليم
ولكن نفس المشكلة موجودة الهزة موجودة والنتش موجود
حد يعرف إيه المشكلة
وجزاكم الله خيرا

ممكن حاجات كثيرة
هاقولك الاحتمالات
1- الابلاتين
2- الكوندنسر
3- بوجية من البوجيهات بيفصل و محتاج يتغير
4- البوبينة و دى تتاكد منها بانك تضع يدك عليها و تشوفها سخنة و لا لاء
5- المقاومة بتاعة البوبينة بتفصل

6- سلك البوبينة او البوجيهات بيفصل
7- الجاك النحاس بتاع السلك بيفصل عند التقائة بمكان التوصيل و دى لازم تدوس عليه شوية فى المكان اللى راكب فيه


8- لا علاقة للمشكة دى بتغيير الزيت اطلاقا اما العلاقة بتاعتها بالتوكيل اللى ممكن يكونوا غيرولك فى السكة حاجة جديدة اصلية فى العربية بحاجة مستعملة مش اصلية
و ربنا يسترها معاك