الموضوع: مشكله في تكيف تويوتا

المشكلة هنا كهربائية ،،، بمعني و انت بتغسل ممكن تكون سلك الكهرباء بتاع الكمبروسير اتحرك او اتقطع فيشغل الكمبرسور و يفصله أو سلك الحساس كذلك و كل دا يشغل المكيف و يطفيه

انا كان بيقطع معايا بس الكومبريسور بس والنور كان بيدنو شغال ووصل لدرجة اني لازم ادوس شوية بنزين علشان الكوبريسور يشتغل

روحت لكهربائي
فك العمة ولف مسمار كده بمفك صليبة عادي في 20 ثانية هههه

لقيت التكييف رجع زي الاول هههه

شوف الكهربائي

بس عندي ملاحظة
اولا انا موديل 99

ثانيا
انا ملاحظ ان التكييف مش بيسقع قوي يعني بكون قافل الازاز ومشغل التكييف على الاخر وبكون عرقان ههههه

هل ده ليه علاقة ؟
ولا هتعوز فريون ؟

وهل الفريون لازم يتفرغ ويتملي من تاني ؟
ولا نزوده عادي (بنفس النوع طبعا)

ارجو الاجابة

الحمد لله تم اكتشاف العيب علي ايد صنايعي لكنه حب يعمل عليا فلم انا خدت بالي من العيب لكنه مقليش عليه وقعد يقولي حورت وكل حوار يقول قدامه ارقام فلوس طبعا هربت منه


الحكايه ان كان فيه سلكه مفصوله من الاسلاك اللي رايحه للكمبروسور وصلتها واشتغل زي الاول بالظبط والفضل لله (طبعا شكرا للاخ naser_1978)

اما بالنسبه للاخ fighter_ss11v

بالنسبه للمسمار اللي انت بتقول عليه انا عارفه ده مسمار السلانسيه بتاع الموتور والتكيف شغال الحمد لله بعمله بنفسي
بس هو لو مكنش حد لعب فيه قبل كده ف علي حد علمي ان الفريون بيكون قل وده ادي ان الكمبروسور يفصل بسرعه
بالنسبه ان العربيه مش بتسقع فكده لازم تقيس ضغط الفريون والتكيف شغال في مواسير الضغط المنخفض بس ديه اكيد عند صنايعي انما في حاجه انت ممكن تعملها بنفسك وهي انك تشغل التكيف علي اعلي درجه لمده 3 دقايق وتطلع تبص علي العدسة اللي موجوده في المبخر (حاجه شبه علبه صفيح موجوده جمب سرابانتينه التكيبف خارج منها ماسورتين عليها من فوق قطعه ازاز مدوره مقاس العمله المعدنيه) اذا كان فيها فقاقيع هواء او لا لو فيها دل ده علي نقص الفريون

نصيحه في الشحن

تقول للصنايعي تفرغ كله وتنظف الثلاجه وتشفط الهواء كويس من الانابيب وتحط فريون. كاتالوج العربيه مكتوب فيه انها بتاخد 650 جرام فريون زائد او ناقص 50 جرام وهي بتاخد فريون 134

الحكايه ان كان فيه سلكه مفصوله من الاسلاك اللي رايحه للكمبروسور وصلتها واشتغل زي الاول بالظبط والفضل لله (طبعا شكرا للاخ naser_1978)
الشكر لله طبعا اللي هدانا لهذا وربنا يوفقك

المشاركة الأصلية كتبت بواسطة naser_1978

الحكايه ان كان فيه سلكه مفصوله من الاسلاك اللي رايحه للكمبروسور وصلتها واشتغل زي الاول بالظبط والفضل لله (طبعا شكرا للاخ naser_1978)
الشكر لله طبعا اللي هدانا لهذا وربنا يوفقك

الحمد لله جت سليمه