ازاي اغير زيت البور

**Adham** · 09-08-2010 04:46 PM

المشاركة الأصلية كتبت بواسطة M.Zaher

المشاركة الأصلية كتبت بواسطة samirayad

لو حليت أفيز خرطوم سحب الطلمبه اللى تحت القربه

كل الزيت حينزل من القربه

ممكن تجمعه فى وعاء متسنطر تحت زور القربه مباشرة

المشاركة الأصلية كتبت بواسطة Adham

لو عندك الخرطوم اللي بياخد من خزنة الباور من تحت راكب بكولية يبقى سهل تفك الكولية بالمفك و تخلع الخرطوم و تنزلة لتحت بين الموتور للارض و تنزل زيت الباور من الخزنة و الخرطوم لغاية ما يفضي (و لو دورت العربية و لفيت الدركسيون "ثواني" و طفيت حاتلاقي ضغط الطلمبة فضى معظم الزيت اللي في الدورة ) و بعدين تركب الخرطوم و تحط زيت جديد و تلف الدركسيون يمين و شمال و تزود تاني و تكرر تاني بعد يومين سواقة

الخلاصة

**jojowork1** · 09-08-2010 05:46 PM

المشاركة الأصلية كتبت بواسطة mmamdouh

فضى خزنة الزيت و املاها زيت جديد و دور و لف الدركسيون كذا مرة من اقصى اليمين لاقصى الشمال و بطل و فضى الزيت و املا تانى و كرر الموضوع لحد ما الزيت يبقى نضيف

mmamdouh

شكرا يا هندسه انك اول واحد ترد وشكرا للباش مهندس سمير وكل اللي شارك
انا فعلا عندي حقنه الفيل ديه وهي اللي سحبت بيها شويه امبارح بس كده اللي انا فاهمه ان الزيت اللي هاسحبه ده يعتبر فاقد يعني زيت ها يترمي وهازود جديد وهرجع اسحب تاني برده ده فاقد مش كده
طيب ياريت كمان عاوز اعرف احسن زيت بور والعمليه ديه تاخد اديه زيت
شكرا متابع معاكم

**karimfahmy99** · 10-08-2010 05:01 AM

طبعا اللى يطلع دا يترمى خلاص .

عن نفسى انا كنت اشتريت عبوة من شارع زكى فى التوفيقية امريكى متقفل برة مش ملو مصرى بخامات امريكى ب 20 جنية لتر الا شوية . طبعا شوف انت هتفضى كام مرة و كل مرة بتاخد اد اية . و ممكن برضة لو حد من الاعضاء يفيدك عن نوع تانى موجود فى موبيل او اسو

**Adham** · 10-08-2010 10:45 AM

الزيت اللي بيقولوا علية امريكاني دي و بتشترية من محلات الزيوت دة بيبقى اكترهم عرضة للمضروب و التزوير من مصانع بير السلم

اشتري شل دوناكس او موبيل او امارات ترانسماكس من محطة بنزين اضمن و اسلم

**MMamdouh** · 10-08-2010 11:06 AM

المشاركة الأصلية كتبت بواسطة jojowork1

شكرا يا هندسه انك اول واحد ترد وشكرا للباش مهندس سمير وكل اللي شارك
انا فعلا عندي حقنه الفيل ديه وهي اللي سحبت بيها شويه امبارح بس كده اللي انا فاهمه ان الزيت اللي هاسحبه ده يعتبر فاقد يعني زيت ها يترمي وهازود جديد وهرجع اسحب تاني برده ده فاقد مش كده
طيب ياريت كمان عاوز اعرف احسن زيت بور والعمليه ديه تاخد اديه زيت
شكرا متابع معاكم

طبعا الزيت اللى حتشفطة حترمية... هو دة الغرض من الموضوع اساسا

حسب الكتالوج دورة الباور بتاخد 1 لتر زيت... كل مرة حتكرر موضوع التفريغ حتاخد لتر زيت او اقل شوية

انا عادتا بجيب زيت باور موبيل بس مش فاكر هو بكام

MMamdouh