عرض للطباعة
السلام عليكم ورحمة الله وبركاته وكل عام وانتم بخير بمناسبة شهر رمضان الكريم
إن شاء الله انا مقدم على شراء سيارة من السعودية فهل ممكن حد يفيدنى عن سعر دخولها برى ولو شحنتها مركب
تتكلف كام ولو بعد6 أشهر رحت بعتها وجيبت غيرها هل ده عادى ولا لازم انا شخصيا اعد 6 اشهر من غير سيارة سعودى .
علما بأن فيزتى سنتين وتتجدد
ولكم جزيل الشكر
آخر سؤالك مش واضح بس من حقك تجيب سيارة تريبتك رخصتها طبعا سارية الاستمارة يعني معاك حتي لو انت مش مالكها بس يكون معاك خطاب تفويض بقيادتها وشحنها عالعبارة رايح جاي حوالي الف ريال ده غير تذكرتك طبعا ومصاريف استخدامها في مصر حسب السعة اللترية
(حتي 1600 سي سي 250 جنيه
من 1601 الي 2000سي سي 500جنيه
فوق ال2000 سي سي 1000 جنيه
والمبالغ دي حتنضرب في 2 علشان تبقي عامل حسابك
وحتي لو معاك شحنة طفايات حريق حيخلوك تشتري طفاية بحوالي 130 جنية ده غير الكشف عالمفرقعات وتفتيش العربية ب55جنية واي شنطة حتتحط علي ارض الجمارك ب11جنيه وطبعا ضروري حتتحط)
لمدة 3 شهور وتجدد من اي منفذ جمركي لمدة 3شهور تانيين ثم يجب خروجها برة البلد تاني لاحضارها مرة تانية او غيرها
ورحلة سعيدة ياباشا وعلي فكرة انت بس اللي مسموح لك تسوقها
واهم شيء وانت جاي تخرجها شهادة المخالفات من محل اقامتك
ولو عرفت تظبط امورك في اي حاجة خير وبركة وحتسمع حمدالله عالسلامة كتيييييييييير و رحلة سعيدة مرة تانية
جزاك الله خير اخى الفاضل وشكرا لإهتمامك
انا قصدى من اخر سؤالى ان فيه ناس قالتلى لازم السيارة تعد برة البلد 6 شهور قبل ما تحاول تدخلها تانى
فهل ده صحيح ولا ينفع ارجع بيها هى هى تانى بعد ما اعد برا مصر حوالى 15 يوم ولو كان صحيح ينفع ابيعها واشترى غيرها ادخل بيها حيث ان طبيعة عملى فى السعودية ستكون بصفة نصف سنوية كل 6 اشهر اعد هناك حوالى اسبوعين ولكن الفيزا سارية لمدة سنتين وتتجدد من .
ولك جزيل الشكر
وجزاك الله خير للأسف النقطة بتاعة ان العربية تقعد برة قد إيه بعد دخولها للأسف مش عارفها واذا اتيحت لي الفرصة للسؤال ان شاء الله احاول اجاوبك او اي حد من الاخوة الافاضل في المنتدي عنه فكرة نرجو منه عدم البخل بالمعلومة ورمضان كريم
اقتباس:
المشاركة الأصلية كتبت بواسطة waelfarid
كلام حضرتك كان مظبوط 100*100 من سنتين تقريبا، ولكني نزلت السنه اللي فاتت وكان الوضع كاتالي:
تربتك 350 ريال
تذكرة عبارة ذهاب : سيارة 750 ريال + الفرد 270 ريال (عبارة بطيئة)
200 جنيه رسوم شحن وتفريغ في ميناء ضبا
75 جنيه رسوم كشف مفرقعات
25 جنيه تصوير ورق
505 تأمين
500 رسوم دخول السيارة ( لأي سعة لترية ، معدش في تقسيم حسب السعة)طبعا ده لمده 3 شهور وتقدر تجدد 3 شهور كمان بنفس التكلفة ولكن السيارة الاكتر من 2000 سيسي التجديد 1000 جنيه
85 جنيه ضريبة رخصة
كشف على الطفاية ومطلبش اني اشتري غيرها (الطفاية اللي جاية مع العربية من الوكالة)
في حاجات تانية بسيطة بس مش فاكرها، ده طبعا غير الرش على كل اللي بيسلم عليك.
في الرجوع :
عبارة : سيارة 750 جنيه + الفرد 350 جنيه ( العبارة السريعة الجديدة مش فاكر الرياض او القاهرة)
200 جنيه شحن وتفريغ في ميناء ضبا
200 ريال شحن وتفريغ بتدفعهم على العبارة قبل ماتوصل السعودية
بالنسبة لموضوع الخروج والعوده اللي اعرفه انك لازم تقعد برة البلد مده قد اللي هتقعدها جوه، يعني لو قعدت في مصر شهر يبقى لازم تقعد بيها برة مصر شهر ولو قعدت 3 تقعد بره 3 ولو قعدت الحد الاقصى 6 شهور تقعد بره 6 شهور( بس مش متأكد من المعلومة دي)
لو غيرت العربية تقدر ترجع بيها مصر حتى لو تاني يوم.
جزاك الله خير يا باشا عالجديد وفيه حاجات كنت ناسيها حضرتك ذكرتها
وعلي فكرة الكلام ده كانت العربية فوق 2000 سي سي والرحلةكانت اخر 2007 وعبارة سريعة واول مرة ليا ولوحدي 3400 كم إجمالي رايح جاي