الموضوع: برجاء افادتي كيا سيراتو 2008 خليجي

المشاركة الأصلية كتبت بواسطة mohamedrabia

السلام عليكم ورحمة الله

كل عام وانتم بخير رمضان كريم

يا اهل الخبرة انا هبيع ان شاء الله النيسان صني 2007 وقدامي سيراتو 2008 خليجي عاملة 41000 كيلو طبعا خارج الضمان كنت عايز اعرف اسعهار قطع الغيار والعربية واستخدامها والسعر المتعارف عليه ليها بالسوق وفي فرق لانها خليجي في المرور او الشهر العقاري ولا عادي برجاء افادتي وجزاكم الله كل خير

اهلا وسهلا بيك ومنورنا فى قسم كيا

محتاجين بس تفاصيل اكتر شويه

العربية الشيب القديم طيب مانوال ولا اوتوماتك ؟؟

هل تم عمل الصيانات الدورية طوال الفترة الماضية ؟؟

( تغير فلاتر بنزين وزيت + بوجيهات + تيل فرامل + زيت فتيس + زيت الكرونة )

طبعا تحديد سعر العربية صعب جدا وفى عضو معانا خبير فى المنتدى لتسعير العربيات بس اكتبله كل الموصفات .

استخدام العربية عملى جدا واكتر واحد ممكن يفيدك استاذنا المهندس / احمد اسماعيل

مافيش فرق كونها خليجى او توكيل وبيتعاملو معاملة واحده فى المرور.

واهلا بيك معانا .

المشاركة الأصلية كتبت بواسطة mohamedrabia

العربية كاملة اوتوماتيك ماشية 41500 كم فابريكة بالكامل خليجي جنوط اسبور فوجات ستيبترونيك انا عايز اعرف اسعار قطع غيارها وخصوصا انها هتم خارج التوكيل لانها معلهاش ضمان وكمان سمعت ان الخليجي بيكون مساعدينوا ضعاف وكمان العربية مش بتبقي عاليه علشان الشوارع بره انظف

اسعار قطع الغيار انا شخصيا مش هقدر افيدك فيها بس ممكن تسال عند الجندى لان قطع الغيار هناك اصلية وبياخد من التوكيل .

موضوع داخل التوكيل او خارج التوكيل مش فى فرق كتير فى مراكز محترمة كتير واحنا بنتعامل معها واحنا عربيتنا زيرو .

المعلومة خطا لا يوجد فرق بين مساعدين الخليجى والتوكيل لان المصنع واحد وابعاد العربية واحده .

موضوع الشوارع لو اخدنا بنفس المبدا ده يبقى مينفعش اى عربية تمشى فى مصر اساسا .

المشاركة الأصلية كتبت بواسطة mohamedrabia

بارك الله فيكم وجزاك خير المعلومات العربية ثبات وعزم ايه اخباره ويا ريت لو حد يحدد مبدئي السعر علشان اعرف سعر السوق حاليا وكمان مبلغ التسجيل بالشهر العقاري انا عارف اني بتاقل عليكم بس اعتبروني اعمي في الكيا وشاكر بجد لاهتمامكم

مش هقدر اديلك اى معلومة عن العربية علشان اللى معايا النيو سيراتو ومركبتش الشيب القديم

ده لينك ممكن يفيدك وانت بتشترى عربية مستعملة تعمل ايه

http://www.nilemotors.net/Nile/170787-a.html


وده لينك لتسعير السيارات ممكن تحط طلبك فيه

http://www.nilemotors.net/Nile/163941-a.html