خبراء الهوندا محتاج مساعدتكم أخوكم من قسم الرينو
اولا السلام عليكم و رحمة الله و بركاتة
و كل عام و انتم بخير بمناسبة قدوم شهر رمضان المعظم أعاده الله علينا جميعا بالخير و اليمن و البركات
يا جماعة انا ليا قريب معاه عربية هوندا سيفيك 2002 و عنده مشكله في لوحة العدادات اللي في التابلوه و لاعداد بيشتغل لا سرعة و لا حرارة و لا بنزين و لا اي حاجة و الراجل بيمشي بالعربية و هو قلقان و موسوس
تقريبا اللوحة بتاعة العدادات فيها مشكلة في احد مكوناتها الإلكترونية و هو مش عارف يصلحها فين
العربية موجودة في الأقصر
يا ريت لو حد عنده فكرة عن كيفية اصلاح العدادات و فين بالظبط في القاهرة او في اي مكان
و لو محتاج انه يتشرري لوحة عدادات استعمال كويس ممكن تكلفه كام و من فين ممكن يشتريها
يا ريت يا جماعة اللي عنده اي معلومة بخصوص الموضوع دا ما يبخلش بيها عليا
جزاكم الله خيرا
و كل عام و انتم بخير
