استفسار لخبراء الماستركارد و الفيزا الكريديت؟

**Adham** · 10-08-2010 01:02 AM

المشاركة الأصلية كتبت بواسطة hh

انا مش عارفة الحقيقة اذا كان فيه اماكن متسمحش انك تدفع جزء كاش و جزء بالكارت, بس هما حيرفضوا ليه؟؟ أنا جربتها قبل كدة مرة واحدة و المكان مكنش عنده أي مشكلة.

صحيح و انا باعملها كتير و ساعات ادفع جزء بكارت و جزء تاني بكارت تاني, المكان يهمة يبيع و فلوسة في كل الاحوال مضمونة

بالنسبة لموضوع الفلوس الزيادة في الكارت دي على ما أفهم انه الكريديت كارد ده مش معمول كحساب جاري.

كلام سليم و فعلا فية بند في شروط الكارت بيوضح للعميل انة غير مسموح يودع اكتر من الليمت

كلامك كلة سليم و شرح حضرتك وافي جزاك الله خيراً

**m7nsh** · 10-08-2010 06:23 AM

طيب بعد اذن صاحب الموضوع .. انا عاوز اسال كام سؤال كده
ايه الفرق اصلا بين visa , master card ??
دلوقتى ايه الخطوات المطلوبه منى بالظبط عشان اعرف اشترى حاجه من ع النت ؟
هل عشان اعمل كرت شراء للانترنت من بنك معين لازم يكون ليا رصيد فى البنك ده ؟ ولا عادى ممكن تكون فلوسى فى بنك hsbc واعمل الكرت فى باركليز مثلا ؟
ايه الفرق بين shipping , tax ؟
هل مصاريف الجمارك بتكون داخله فى ثمن الحاجه اللى بدفعها ؟؟ و هل كل حاجه بنتشريها من ع النت بتتجمرك ؟
هل المنتج بيوصلنى للبيت ولا بروح استلمه من فرع FedEx مثلا ؟
معلش الأسئله كتير بس الصراحه محتاج استفيد من خبراتكم فى الموضوع ده

**MarEgypt** · 10-08-2010 11:02 AM

هل ممكن اتابع رصيد الكارت بتاعى Visa من خلال موقع البنك CIB ؟ وكيف ذلك وما هو الرابط لذلك؟

hh · 10-08-2010 03:37 PM

المشاركة الأصلية كتبت بواسطة m7nsh

طيب بعد اذن صاحب الموضوع .. انا عاوز اسال كام سؤال كده
ايه الفرق اصلا بين visa , master card ??

مفيش فرق تقريبا. هما شركتين عالميتين بيعملوا كروت ائتمان. في الاستخدام مش حتفرق حاجة.

دلوقتى ايه الخطوات المطلوبه منى بالظبط عشان اعرف اشترى حاجه من ع النت ؟

بتختار الحاجة اللي حتشتريها من سايت معين. بيبقى فيه خطوات لكل سايت بس عادة انت بتختار السلعة و تدخل رقم الكارت بتاعك و تحط العنوان اللي حيتبعت عليه, و غالبا بتختار طريقة الشحن عادي و لا مستعجل. و على فكرة مش كل المواقع بترضى تبعت لمصر.

هل عشان اعمل كرت شراء للانترنت من بنك معين لازم يكون ليا رصيد فى البنك ده ؟ ولا عادى ممكن تكون فلوسى فى بنك hsbc واعمل الكرت فى باركليز مثلا ؟

كروت الائتمان ملهاش علاقة بأن يكون ليك حساب في نفس البنك. عادة البنك بيطلب منك HR letter بمفردات المرتب بتاعك و برينت التأمينات بتاعك و بيتحدد الليميت بتاع الكارت حسب المرتب. لو ليك حساب جاري ممكن تطلع نوع تاني من الكروت اسمه Debit Card و ده بيستخدم زي الكريديت كارد بس بيسحب من رصيدك في الحساب على طول.

ايه الفرق بين shipping , tax ؟

الTax يعني الضريبة و دي حسب البلد اللي بتشتري منها و ان كان كتير من المواقع بتاعة النت مش بتضيف ضرايب على السلعة. الshipping هو الشحن أو التكلفة اللي انت بتتحملها للشحن و دي زي ما قولتلك غالبا بيبقى فيه اختيارات بأسعار مختلفة حسب سرعة الشحن.

هل مصاريف الجمارك بتكون داخله فى ثمن الحاجه اللى بدفعها ؟؟ و هل كل حاجه بنتشريها من ع النت بتتجمرك ؟

لأ السعر اللي انت بتدفعه عالموقع بيبقى تمن السلعة زائد مصاريف الشحن للمكان اللي بتحدده. الحاجة لما توصل مصر بتدفع عليها جمارك و ضرايب و ضريبة مبيعات.

هل المنتج بيوصلنى للبيت ولا بروح استلمه من فرع FedEx مثلا ؟

المفروض الحاجة بتوصل لغاية البيت. بس على فكرة برضه مش كل السلع بتعدي من الجمرك عادي. يعني لو ادوية مثلا ممكن جدا يرفضوا دخولها. الأحسن قبل ما تشتري حاجة تسأل الاول في Fedex مثلا عشان تتأكد ان مفيش مشاكل و بالمرة تعرف جمركها حيبقى في حدود كام.

معلش الأسئله كتير بس الصراحه محتاج استفيد من خبراتكم فى الموضوع ده

hh · 10-08-2010 03:39 PM

المشاركة الأصلية كتبت بواسطة MarEgypt

هل ممكن اتابع رصيد الكارت بتاعى Visa من خلال موقع البنك CIB ؟ وكيف ذلك وما هو الرابط لذلك؟

أغلب البنوك دلوقتي عندها متابعة للحسابات و الكروت المختلفة عالنت. أتصل بخدمة العملاء بتاعهم و أعمل طلب انك تعمل account عالنت عشان لازم بتروح تستلم باسوورد من فرع من الفروع.

**m7nsh** · 10-08-2010 07:22 PM

جزاكى الله خيرا hh

معلش سؤال اخير ..

الحاجة لما توصل مصر بتدفع عليها جمارك و ضرايب و ضريبة مبيعات.

هل الحاجه بتفضل محجوزه فى الجمارك لحد ما ادفع قيمه الجمرك اللى عليها ولا طريقه الدفع بتتم ازاى ؟
و ايه اشهر مواقع شرا اقدر اشترى منها لمصر ؟؟ e bay على ما افتكر مفيش فيه مصر .

و شكرا مقدما :)

**Ahmed Selim** · 10-08-2010 07:35 PM

المشاركة الأصلية كتبت بواسطة MarEgypt

هل ممكن اتابع رصيد الكارت بتاعى Visa من خلال موقع البنك CIB ؟ وكيف ذلك وما هو الرابط لذلك؟

ممكن....

الرابط

و موضوع أنك تحط فلوس فوق ليميت الكارت أنا كنت بعمله بس فى internet card يعنى بيستخدم على النت بس.....و كانت الفلوس بتسمع فى الحساب و بشترى عادى.

اعتقد مع الكارت العادى مش بتاع النت هتنفع.