عرض للطباعة
بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين
انهاردة مشيت ونسيت فرامل اليد مرفوعة حوالي كيلو ونص
قولت اجربها كدا رفعت فرامل اليد تكتيين وجبت العربية علي الـ d مشيت معايا علي بسيط ...
العربية جين2 2010 ..
يا تري اية المشكلة الي ممكن تكون حصلت وهل هحتاج تغير الفرامل .. العربية لسة 600 كيلو ..
أولا: الف مبروك على العربية وربنا يديك خيرها ويكفيك شرها.
ثانيا: أنت لسه زيرو فمتقلقش عادى حصل خير بس متنساش تانى عشان التيل والطنابير ميتاكلوش.
الله يبارك فيك ..
وشكرا لردك .. يعني مافيش مشكلة ومش محتاجة رجلاش كدا ؟
تسبب تآكل التيل الخلفي
وتلاقي العربية مابتسحبش و ممكن تسبب سخونة للعربية
عادي متقلقش..حصلت معايا كتير
بس غالبا بتبقى مرفوعة بسيط
اما لو مرفوعه جامد العربية عمرها ما تتحرك،
لا متقلقش مفيش مشاكل أنت بتقول مشيت كيلو ونص وعربيتك لسه زيرو ملحتقش تحرق لا تيل ولا طنابير لسه، بس خلى بالك بعد كده.اقتباس:
المشاركة الأصلية كتبت بواسطة nistelrooy
شكــراً يا جماعة .. طمنتوني .. بس مش عارف حاسس لية انها مابقتش زي الاول يعني برفعها تكتيين مش بتقف ارفعها 3 تكات تقف .. لما اجبها ع الـ d ده كدا العادي ؟
اقتباس:
المشاركة الأصلية كتبت بواسطة nistelrooy
تلات تكات كويس مش وحش بالعكس هي كدة مضبوطه
و ماتقلقش الموضوع بسيط
بس خللي بالك بعد كدة
ولا يهمك دى حاجة بسيطة ولا تاثر عالعربية فى حاجة
ههههههههههههههههه
يا راجل
معقولة قلقان كدة
عامة خد عندك
انا حصلت معايا كتير مش مرة ولا اتنين
بعيد عنك زهايمر
والحمد لله العربية تمام وزي القل
يمكن انت دلوقت هتفضل كام يوم حاسس ان العربية مش مظبوطة بس صدقني دي مسالة نفسية ليس اكثر
شكراا يا جماعة ..
انا كنت ماشي انهاردة وانا شايل همة الصراحة ..
شكرا ليكو :)
المسئله نفسية مش أكتر
أنت عامل زىي
سعات لو عملت أى حاجة غلط بفضل رامي ودني و مركز مع العربية جدا
و سعات كمان الشيطان بقي يشتغل و لكن في الأخر الحمد لله
فأنسي الموضوع عادي و عشان تطمن تبقي قولهم في التوكيل عاوز أظبط فرامل اليد في أول صيانه
ان شاء الله اقولهم في الصيانة .. شكرا لك ..
حصلت معايا فى الماتريكس وعادى ما تقلقش ماحصلش حاجة بس خلى بالك بعد كدة
شكرا لردك ..
عادى مفيش قلق انشاء الله
بس جربها كدة وشوفها شغالة والا اية
ايوا شغالة بس ع ضعيف
وشكرا لك ..
( ان شاء الله ) << تُكتب كدا ..