حد جرب شركات ابادة الحشرات

**mahmoud5777** · 10-08-2010 09:13 AM

الحل الأمثل المجرب (فخ) بيبقى زى قفص العصافير بس صغير وله جنب بيترفع لفوق وبيتمسك بسلك متوصل بخطاف جوه القفص وبتجيب شريحة طماطم أو خيار وتحط عليها جبنة وتعلقها فى الخطاف وتسيبها بالليل الصبح هتلاقيه يا باشا ملوش نفس ياكل الطماطم اللي اتحبس معاها جوة وبيبصلها بأسى وبعدين نيجى للخطوة المهمة تديه الفخ زى ماهو للبواب يتخلص منه بعيد أو تموته انت بطريقتك وتستعمل الفخ تانى وتالت بالطريقة دى انا صدت 11 فار فى يوم واحد كانوا ساكنين فى شجرة لبلاب جنب الشباك واعتبروا البيت امتداد للشجرة
وفى طريقة تانية طبق تحط فيه نشا وقدهم جبس وتخلطهم على بعض وتحط جنبه طبق ميه تيجى الصبح ياباشا تلاقى الفار تحول لقالب طوب جنب الطبق
وربنا معاك

**ehabradwan** · 10-08-2010 11:36 AM

انا جبتهم يا شباب خلاص امبارح و كان معاهم سائل بيتبخ و جهاز بيصفر لو في فار في البيت و هو حطه في كل اوضة و ما صفرش خالص و حلف ميت يمين اني ما عنديش حاجة في البيت و ان الفار ده كان استكشاف و خرج تاني
بس حراميه اوي..... اللتر ب 20 جنيه والشقة خدت 30 لتر و قال ايه 70 جنيه صيانة وحاجات
وطبعا لازم ترش الاول عشان الفار يتحرك و يلاقوه

وانا باردو دورت وراه حتة حتة فالبيت مافيش اثر ليه

مش عارف موضوع الجهاز ده صح ولا اشتغالة .. انا هزعل أوي لو نصب اصل ال700 جنيه دول وجعني أوي بصراحة

بس لو مش نصب يعني هابلعها

قولولي انه مش نصب ارجوكم

**fars777** · 10-08-2010 03:04 PM

ألف مبروك با باشا...عقبالي ان شاء الله... الفران هيجننوني أنا ومراتي لدرجة أننا بنفكر جديا نعزل لشقة تانية..بنعمل موضوع اللزق ده ومسكنا ستة لحد دلوقتى ورغم كده مبيخلصوش....ومش عاوزين نجيب شركة ترش عشان عندنا طفلة لسه عمرها سنتين بس وخايفين عليها من الرش..ربنا يستر...محدش بفكر يسكن في ادوار أرضية خاااااااااااااااااااااااا ااااااااااااااااااااااااا ااااااااااااااااااااااااا ااااااااااااااصصصصصصصصصصص صصص