حصلت معايا مشكله و قولت اشاركم فيها
انا عامل حوالى 14000 بنيسان 2010 , ومن كام يوم كنت ماشى فى شارع مكسر و قلت امشى هادى طبعا فكنت ماشى على ال d لكن من غير بنزين و العربيه كانت ماشيه عادى , و بعد 500 متر تقريبا فى الشارع المكسر دا , لقيت العربيه و كأنها كانت هتبطل و اتهزت جامد اوى .
فى الأول قولت يمكن من المطبات و الزلط وبعدين العربيه مشيت عادى جدا .
فى الأيام اللى بعد كدا بدات اراقب العربيه و لاحظت انها فعلا تقلت اوى فى الطلعه بتاعتها .
المهم قولت بس اطلع على التوكيل و اعمل صيانه ال 15 الف و بالمره يشوفو ايه الحكايه , و فعلا قولتلهم و شافو العربيه و روحت استلمها قالولى المشكله كانت فى البوابه اللى بتدخل هواء للموتور , انها كانت مسدوده و هما نضفوها و خلاص المشكله اتحلت .
وفعلا الحمد لله العربيه رجعت كويسه , ايه رايكم فى الكلام دا , حد حصل معاه مشكله زى دى ؟