انا عايز اشترى كورولا 2008 خليجى يابانى

ان كنت ناوى احجز كورولا 2008 من التوكيل بس لما روحت اتفرجت عليها اكثر من مره حسيت ان تقفيلها اى كلام وحسيت ان القديمه احسن منها مليون مره
دورت على 2007 كسر زيرو 1600 لقيت اسعارها غاليه
روحت برضو شوفت الخليجى اليابانى 2008وعجبتنى اوى و تحس ان العربيه يابانى
المشكله بقى انى نفسى شالت من الجنوب افريقى وفى نفس الوقت عايز اشترى اليابانى بس خايف من الصيانه و توافر قطع الغيار خاصه ان الموديل الجنوب افريقى مختلف عن اليابانى فى الماتور والجبر على الاقل
على فكره العربيه اليابانى عليها ضمان 100 الف كم او 3 سنوات فى مركز خدمه معتمد
بس انا خايف من توافر قطع الغيار فى المستقبل
اقولولى اعمل ايه بقى ؟؟؟؟؟؟؟؟؟؟؟؟؟

نصيحة ...بلاش
العربية دي اولا مجهولة المصدر...ولو حتي مصنوعه في اليابان فهي فئة مخصصة لعقول الخليج...
الفئة الرسمية للكورولا الجديدة هي الجنوب افريقي...

ومع احترامي لرايك ياباشا...انا شفت الاتنين...الياباني ...والجنوب افريقي...

التافيل في الجنوب افريقي لايقل عن الياباني اطلاقا...الصاج نفس الصاج...التابلوة واحد..الشكل واحد وان كانت الجنوب افريقي شكلها احلي مع الجنوط الـ 16..

فرق الكماليات والتكنولوجيا الجديدة في المحرك والفتيس العبقري بتاع تويوتا....يرجح كفة الجنوب افريقي عن الياباني...
ماتسمعش كلام الناس ايلي بتقول هاديك ضمان 3 سنين و100 الف كم ...دة علشان يبيع بس...ولا قدر الله العربية لو ظهر فيها اي مشكلة مش هايعرفك وهايقولك روح اشتكيني...لانة ما يهموش يبقي لية 1000 قضية ...لكن التوكيل هنا بيتعامل باسم تويوتا مصر...وايلي هو ممثل تويوتا اليابان...يعني ال3 سنين وال100 كم بتوع التوكيل ليهم ثمنهم....

العربية ايلي بيقولوا عليها ياباني...موتورها هو موتور الـ1600 موديل 2007 ونفس موتور الافينسيس...يعني كانك معملتش اي شيء...
حدد نقط الضعف ايلي انت شايفها في العربية الجنوب افريقي....وشوف تستاهل انك ترفض العربية كلها ولا لا...

الكورولا الجنوب افريقي حاليا عليها طلب عالي جدااا...لدرجة ان سعرها فوري زاد 11 الف جنية ...بعد زيادة التوكيل...انا وانا باشتري الياريس...اكان في واحدة حمرا...والناس كانت بتتخانق عليها ....لدرجة انها اتباعت بـ 146 الف...وهي حجز بـ 135 ...

يعني العربية لو مش كويسة للدرجة دي....ما كانش الناس دفعوا 11 الف زيادة علشان يشتروها...

فكر علي مهلك ...واستخير....وربنا يوفقك ان شاء الله الي ما فية الخير...

والله يا هيرو انا مش عارف اعمل ايه
العربيتن فعلا فى الشكل من الداخل والخارج زى بعض مع اختلافات طفيفه جدا
لاكن انا شايف ان فى فرق تقفيل واضح جدا
كمان سمعت ان فتيس اليابانى انعم من الجنوب افريقى
على فكره التوكيل كان بيبع اليابانى برضو بحوالى 165 الف بكماليات اقل من الجنوب افريقى -فانا مش مستريح للحركه ده
انا والله نفسى اقتنع بالجنوب افريقى بس مش عارف لدرجه انى بفكر فى الانسر الشكل القديم علشان اخرج من القلق ده كله

ليمو باشا ...
فتيس الجنوب افريقي اوتوماتيك..مانيوال...وبتزود السرعة من خلف الدركسيون...
لو انت شايف ان فروق طفيفة جداا...يبقي لية التردد..

وبعدين لو انت متردد قوي...من ناحية الكورولا الجديدة....هات ياريس كاملة مانيوال او اوتوماتيك
(فرق حوالي 40 الف علي الاقل)...مشي بيها سنة ولا اتنين لحد الكورولا الجديدة ما تبان في السوق...ويبقي مر عليها مدة تكفي للحكم عليها من ناس كتير....

انا كنت محتار زيك...وعايز كورولا قديمة من اول 2005 فما فوق...بس الاسعار هبل...
مستعمل...وقديم ومعدي الـ 50 الف كم...وبسعر عربية ياريس نفس موتور الكورولا علي الزيرو...فعزمت وتوكلت علي الله واشتريت الياريس....وبصراحة عربية ممتازة....وبعد تجربتي مع الزحام...ندمت اني ما جبتش الاوتوماتيك الكاملة ...

فكر وشوف....والعربية 100% ياباني وتقفيلها كويس جدااا...

ليمو باشا
انا شفت الاتنين و محستش بصراحه بفروق في التقفيل
لكن حسيت ان الجنوب افريقي اشيك بكتير من جوه !!!!!!!
بص مثلا علي مفتاتيح الشنطه و تانك البنزين في الاتنين
انا عارف انا دا مش مقياس بس علشان اوضح ليك الفرق في حجه صغيره اوي .
غير كده الياباني لا عليها ضمان و لا ليها اي حاجه بعكس الجنوب افريقي.
و رايي من راي هيرو بالضبط لو انت مش محتاج الحجم الكبير هات الياريس و مش حتندم

انا كنت من شهر هحجز ياريس خلاص وبعدين موضوع ال1300 و 1600 لعب فى دماغى وقررت انى اجيب حاجه 1600

والله يا جماعه موضوع اختيار عربيه ده حاجه صعبه اوى انا بايع عربيتى القديمه بقالى شهرين ومش عارف اجيب ايه

انا بفكر برضو فى السيفك بس خايف من اسعار قطع الغيار والصيانه
ايه رايكم ؟؟؟؟؟؟

سؤال الي الاستاذ hero او اي حد عنده معرفه عن الفتيس ال mmt

افرض اتا ماشي علي المانيول علي سرعه مثلا 80كيلو وحبيت انقل زراع الفتيس علي الاوتوماتيك هل ممكن وانا ماشي ولا لازم اقف وانقل الغيارعلي الاوتوماتيك ثم اسير

اقتباس:

---

المشاركة الأصلية كتبت بواسطة makram555

سؤال الي الاستاذ hero او اي حد عنده معرفه عن الفتيس ال mmt

افرض اتا ماشي علي المانيول علي سرعه مثلا 80كيلو وحبيت انقل زراع الفتيس علي الاوتوماتيك هل ممكن وانا ماشي ولا لازم اقف وانقل الغيارعلي الاوتوماتيك ثم اسير

---

النقل بين المانيوال و الاتوماتيك يتم عادى جدا و العربية ماشية

نصيحة مني شوف اوكتافيا A5 كاسرة عداد

اقتباس:

---

المشاركة الأصلية كتبت بواسطة crazylambada

نصيحة مني شوف اوكتافيا A5 كاسرة عداد

---

فكره حلوه برضو وهتوفر جامد معايا
بس انا عابز اركب زيرو لانه احساس تانى

اقتباس:

---

المشاركة الأصلية كتبت بواسطة hazem_khidr

ليمو باشا
انا شفت الاتنين و محستش بصراحه بفروق في التقفيل
لكن حسيت ان الجنوب افريقي اشيك بكتير من جوه !!!!!!!
بص مثلا علي مفتاتيح الشنطه و تانك البنزين في الاتنين
انا عارف انا دا مش مقياس بس علشان اوضح ليك الفرق في حجه صغيره اوي .
غير كده الياباني لا عليها ضمان و لا ليها اي حاجه بعكس الجنوب افريقي.
و رايي من راي هيرو بالضبط لو انت مش محتاج الحجم الكبير هات الياريس و مش حتندم

---

-----------------------
+1000000000000000000

laaaaaaaaaaaaaaaaaaaancer

طب ايه رايكم يا جماعه اشترى لانسر 1600 مانوال شكل قديم موصفات مصريه ؟

انا حاسيت بفروق فى التقفيل (الفرش و الصاج ) حساتهم احسن في اليابانى باس الضمان اهم لان الفتيس مختلف فراى خليك فى الجنوب افريقى

انا رأى الجنوب افريقى افضل بكتيير

المحرك افضل و احدث و اقوى
ناقل الحركة افضل
الكماليات اعلى
الضمان مضمون و قطع الغيار مضمونة
انا مقدرش اشترى عربية من غير ضمان كدة انا ممكن اشترى موبايل مثلا و لو انى عملتها مرة و عمرى ما حعملها تانى منغير ضمان لأنها حاجة مش غالية اوى و لكن ادفع 150 الف فى حاجة مش مضمونة لا يمكن

و كلة تويوتا مش حتفرق بقى يابانى ولا جنوب افريقى و لو كدة دور على حاجة تانية مثلا رينو ميجان بجد العربية دية تحفة فنية و الأستيت منها تحححححححححححححححححححححححح ححححححححححححححححححححححححح ححححححححححححححححححححفة اخر حاجة بجد انا مكونتش متوقع كدة العربية بجد ما شاء الله تحفة و عائلية اوى و فتحة السقف تحفة :) او بقى تشوف البيجو 307 او تستنى ال 308 او تشوف الانسر الجديدة :) انا حيرتك على الأخر صح ؟ :d

لا خيره ولا حاجه يا باشا انت مش محتاج تخيرى لانى .............................
كل العربيات الى انت قولت عليه ده ممتازه
الميجان طبعا عربيه مش عايزه كلام انا سوقتها قبل كده بس للاسف ملهاش حظ فى مصر علشان كده تلاقى سوقها ضعيف فى المستعمل
الانسر الشكل الجديد مش عاجبنى خالص
الكرولا التوكيل منزل اليابانى فيها فرامل abs , جنوط وسبويلر وفتيس عادى والماتور القديم ب165 الف جنيه
والجنوب افريقى فيها اوبشين زياده وبسعر اقل
طبعا انا شاكك فى الجنوب افريقى عموما علشان عربيه لسه جديده فى السوق كمان فرق السعر بين اليابانى والجنوب افريقى يخوف
كمان سمعت ان الفتيس بتاعها الجديد مش ناعم زى القديمه
الياريس عربيه حلوه وعمليه جدا بس 1300 وانا محتاج 1600
السيفك جميله جدا بس اسعار الصيانه وقطع الغيار بس الصراحه هيه ركوبه حلوه
يبقى مفيش غير الانسر شكل قديم ايه رايك ؟؟؟؟

يعني انت عايزتروح تشتري عربية فوق الـ 100 الف ...اخر شكل ليها السنة دي...
مش عارف يا ليمو....بس انا لما فكرت في اللانسر....عمري ما فكرت اشتريها زيرو...خصوصا علشان دة اخر موديل...ولما فكرت في المستعمل خفت ادفع 80 ولا 90 الف...والعربية يطلع فيها حاجة....

بس في الاخر الحمد لله وبعد الاستخارة والاستشارة....رسيت علي الياريس...والحمد لله العربية ممتازة.....هي بس عاملالي قلق ...خايف عليها...مش عايزها تتخبط...وباحتار في الركنة...

انا رأي ان مصر اخرها عربية لادا...(حبيبة قلبي....) كنت باسيبها في اي مكان ولا في دماغي..