مميزات و عيوب سيفيك 92/93/94

**Memo_Lancer** · 09-08-2010 05:25 PM

ايه هي المميزات و ايه العيوب
و ايه ممكن يواجهني
و انا لو بيعت و جبت واحده اجيب ايه
و بكام
و يا ريت اسعار الفئات و قطع الغيار و زكر الفروق
و اسف للاطاله

**mikology** · 09-08-2010 05:52 PM

متابع معاك لانى بدور بس انا ماليش خبره فيها خالص و خايف اندم

**SAMEH_FOUAD** · 09-08-2010 06:58 PM

مميزاتها كل ماتتمناة فى عربية موجودة فيها : شكل+ثبات رهيييب + سرعة + فول اوبشن + واسعة اوى+ تكييف ممتاز وغير مؤثر على السحب +اعتمادية بشكل غير عادى +اتوماتيك مش هتحس بنقلاتة نهائى +استهلاك بنزين ممتاز بالنسبة لماتور بالقوة دية تقريبا 190/200 كم فى الصفيحة مع المشى العادى داخل المدينة , خارج المدينة 280 كم للصفيحة او ازيد الكلام دة للsi

عيوبها :غلاء قطع الغيار +قريبة من الارض + هتتعب شوية على ماتفهم فيها وتعرف كل صغيرة وكبيرة لان اصلا الهوندا بطبيعتها معقدة فى تصميمها وحاحاتها وخصوصا ماتورها لان ممكن تدفع فلوس كتير جدا وماتعملش حاجة وممكن تدفع فلوسك صح فى مقابل الشغل اللى يريحك فلازم يبقى معاك حد فاهم وعارف الميكانيكة والشغل اللى يتعمل لو فيها حاجة
*الاكسسوارات بتاعتها غالية فاهم حاجة تأكد عليها صالون العربية يكون مظبوط زى زراير التكييف لان تكيفها زراير مش بكر فيكون الزراير كلها فى مكانها , درج التابلوة افتحة يكون مش بايظ او بيتهز مع المشى , زراير التحكم بتاعة الزجاج , هوايات التكييف ماتكونش مكسورة , الطفاية الامامية والخلفية يكونوا موجودين , فتجحة السقف رز عليها اوى واتاكد انها تعمل فى جميع مستوايتها وبسهولة وبدون صوت مزعج , اتاكد ان الفوانيس بتاعتها الاصلية ومش تايوانى لانهم بيفرقوا جامد فى كل حاجة سواء فى الفروقات او فى الاضاءة

**Memo_Lancer** · 10-08-2010 03:37 AM

شكرا جدا يا بشاش
بس بيني و بينك العيوب دي تخلي الواحد يفكر 100 مره ابيع و اجيبها

**SAMEH_FOUAD** · 10-08-2010 02:21 PM

المشاركة الأصلية كتبت بواسطة memo_lancer

شكرا جدا يا بشاش
بس بيني و بينك العيوب دي تخلي الواحد يفكر 100 مره ابيع و اجيبها

على فكرة نادر جدا لما تلاقى عربية هوندا فيها حاجة مكسورة او ضايعة من جوة لان فعلا تابلوها من اروع التابلوهات اللى نزلت فى التحمل والشكل بردة دة شكلها احلى بكتير من تابلوهات 2010

وانا بس حبيت انبهك للنقط دية لان الناس بتغلى الحاجات دية واللى بيركب الهوندا بيحافظ عليها لان لبها احترامها وهيبتها على الطريق كفاية ان الناس بس تخاف تجرى معاك او تدخل معاك فى تحدى مناورات

لكن معلش انت لو لقيت العيول هتلاقيها قطع الغيار بس لان اللانسر بردة واطية يمكن اوطى من السفيك كمان وعلى فكرة كل العربيات الحديثة كدة ماعدا بعض الفئات ماصبحش عيب يعنى بس هية عشان قاعة العجلات طويلة جدا فبتخلى العربية تنزل من على المطب قبل العجلة الخلفية ماتلمس المطب

**Memo_Lancer** · 12-08-2010 09:00 PM

طيب يا باشا
لو لقيت حاجه قدامك نضيفه بسعر كويس و الحاله ممتازه
و لو حد عايز كريستاله برده انا ببيع
بص يا باشا هاسلك بقي لان سكلك خبير هوندا
لو واحده قدامك سعرها حلو و نضيفه جدا مش محتاجه اي مصاريف تعمل كام
؟
و في حاجه قدامك؟

**SAMEH_FOUAD** · 12-08-2010 10:17 PM

المشاركة الأصلية كتبت بواسطة Memo_Lancer

طيب يا باشا
لو لقيت حاجه قدامك نضيفه بسعر كويس و الحاله ممتازه
و لو حد عايز كريستاله برده انا ببيع
بص يا باشا هاسلك بقي لان سكلك خبير هوندا
لو واحده قدامك سعرها حلو و نضيفه جدا مش محتاجه اي مصاريف تعمل كام
؟
و في حاجه قدامك؟

انا شايف ان سعر الهوندا الsi يتراوح مابين 45 الى 48 الف ولو مش رشة برة يبقى 52 الف وعاملة عداد قليل

واحدة قدامى لو وقعت حاجة هتاكد الاول انها نظيفة وهاقولك فورا

**Memo_Lancer** · 12-08-2010 11:15 PM

شكرا يا باشا
و هستناك ان شاء الله
و موصافات si ايه بقي .
فتحت سقف .؟

**SAMEH_FOUAD** · 13-08-2010 02:46 AM

المشاركة الأصلية كتبت بواسطة Memo_Lancer

شكرا يا باشا
و هستناك ان شاء الله
و موصافات si ايه بقي .
فتحت سقف .؟

مرايات كهرباء
فتحة سقف
ديسكات على الاربع عجلات
1600 سى سى 2 كامة 130 حصان
4 ازاز كهرباء وتحكم كامل من عند باب السائق
مسند يد بمكان تخزين
دية الحاجات اللى انت هتلاقيها بتفرق بين الex والsi مع وجود كماليات هنا موجودة فى الex

ولو عايز اقولك امكانيات العربية دية هتزهق من كتر الاوبشن