أنا بصراحة عاجبني قوي الحماس غير الطبيعي للوجان اللي عند الإخوة اللوجانية في المنتدى

بس أنا عندي نقطتين عاملين لي وش في دماغي وبيقفزوا إلى مقدمة تلافيف ذهني كلما بدأت في التفكير في شراء لوجان
(جامد قوي السطر اللي فات ده ومحدش يطلب مني أعيده علشان موش هاعرف)

النقطة الأولى هي إني محتاج فعلاً عربية أتوماتيك لاعتبارات يطول شرحها
ودورت كتير ولم أجد إن لوجان نزلت أتوماتيك
فهل الأتوماتيك موجودة وأنا اللي معرفتش أدور؟
ولو موش موجودة فعلاً هل فيه أمل تنزل قريب في موديل 2011 مثلاً؟

النقطة التانية هايفه شوية بس قلقاني الصراحة وأتمنى أجد لها حل
الكلاكس بتاع لوجان عرفت إنه في الدراع موش في الطاره، فهل الموضوع ده يمكن إستعداله أو هل فيه عربيات استيراد مثلاً عالجت الموضوع ده؟
أو على الأقل خالص هل ممكن يكون اتعالج في الموديل الجديد اللي نازل هو كمان؟

معلش إن كنت باتقل عليكم بأسئلتي بس أنتم عارفين إن الظروف الاقتصادية بتحكم علينا نفكر كويس قبل الشراء ونسأل كتير علشان موش كل يوم هنجيب عربية.