كيف يتم التعديل فى سياره oldsmobel او omega

**gogi** · 14-08-2010 12:40 AM

حوار الاخ صابر معاك وانا معاك فى ان اللحامات قد تكون ضعيفه وهذه نقطه مهمه للامان على الطريق ، مما يجعلنى اعيد التفكير فى كيفيه اصلاح عيب كسر قله المرش والبقاء على نفس الماتور

**SaberMan** · 14-08-2010 12:44 AM

مهو فيه واحد جنبى فاتح جولف أصل عندى محل فى الحرفيين و قفلو من زمان أسمو سراج بتاع فولكس بنظبطها على قد ما نقدر هوا بيفكر يحولها مانيوال بس عندك حق مجربتش فى الجولف بورسعيد عايزه نزله قريبه أن شاء الله بعد رمضان مش عارف أزاى مجاتش على بالى شكرا يا أدهم باشا .

**Adham** · 14-08-2010 12:45 AM

اذا كان الموتور مريحك و ماشي كويس و مش مفوت اصرف انشالله 300 -500 جنية و حل مشكلة المارش بدل ماتكلف نفسك موتور و تعديل و يصرف فوق ال 3000 جنية و نتيجتة مش مضمونة

**gogi** · 14-08-2010 12:48 AM

شكرا يا ادهم باشا على معلوماتك

**Adham** · 14-08-2010 12:48 AM

المشاركة الأصلية كتبت بواسطة saberman

مهو فيه واحد جنبى فاتح جولف أصل عندى محل فى الحرفيين و قفلو من زمان أسمو سراج بتاع فولكس بنظبطها على قد ما نقدر هوا بيفكر يحولها مانيوال بس عندك حق مجربتش فى الجولف بورسعيد عايزه نزله قريبه أن شاء الله بعد رمضان مش عارف أزاى مجاتش على بالى شكرا يا أدهم باشا .

طبعا عارف سراج ياباشا دة حبيبي من ايام ال 131 الريسنج الفيراني بتاعته من قبل ما يفتح المحل ماهو كان ساكن جنبي في نفس الشارع في مدينة نصر, بقالي ييجي 10 سنين ماشفتوش

فية مواتير في ار 6 استيراد على بعضها بعفشاتها بكونترولاتها هنا في الحرفيين و في بورسعيد و عربيات كاملة متقطعه

و انا لو منك اسيبها اوتوماتيك هي كدة زي الفل و فتيسها محترم و مايتخاافش منة المهم يصينهة و يغير زيتة و يهتم بية

**SaberMan** · 14-08-2010 12:58 AM

المشاركة الأصلية كتبت بواسطة adham;[size=2

3872940474]طبعا عارف سراج ياباشا دة حبيبي من ايام ال 131 الريسنج الفيراني بتاعته من قبل ما يفتح المحل ماهو كان ساكن جنبي في نفس الشارع في مدينة نصر, بقالي ييجي 10 سنين ماشفتوش[/size]

فية مواتير في ار 6 استيراد على بعضها بعفشاتها بكونترولاتها هنا في الحرفيين و في بورسعيد و عربيات كاملة متقطعه

و انا لو منك اسيبها اوتوماتيك هي كدة زي الفل و فتيسها محترم و مايتخاافش منة المهم يصينهة و يغير زيتة و يهتم بية

سراج و أخوه تامر حبيبى ناس محترمه بجد و المحل اللازق فى السراج هوه المحل بتاعى لو شوفته قوله أحمد جارك بعتلك السلام و ببعتله ناس ركيبت جولف و بولو دايما

بالنسبه للفتيس هوا عنده تفويته و نتشات بيطلع فى الروح اخر مره لقيته جايلى من الهرم على التانى و الفتيس مبيجبش بعد التانى حرقت نص النتك .

**SaberMan** · 14-08-2010 01:00 AM

معلش يا أستاذ جووو باشا انى خرجت بره الموضوع الأساسى أن شاء الله تتوفقك لأنسب حاجه تنفع العربيه .

**Adham** · 14-08-2010 01:03 AM

زي ماقلت لحضرتك انا ماشفتش سراج من اكتر من 10 سنين تلاقية نسيني اصلا

حرام فتيس الكورادو و بعدين التعديل حايبقى صعب علشان التابلوة و العدادات و البدال و شغلانة

الاسهل و الافضل يحاول في اصلاح الفتيس بطقم كلاتشات و عندك محمد الونش اخر سور المزرعه فاهم و محترف و امين شوفة يعمل للفتيس طقم كلاتشات

**SaberMan** · 14-08-2010 01:10 AM

هيا جولف 3 بس طقم الكلتشات هيزود السرعه و يقلل من أستهلاك البنزين بس مش عارف عيب النقلات هيعمل فيه أيه هوا عايز يتفتح و يتشاف كلمته من فتره ليقتوا بيقول لا هغيروا بمانوال أو هبيع عشان لسه شارى بى أم مش عارف هيعمل فى الجولف أيه هكلمه وأشوف خططه من ناحيتها , باين عليك يا رايس كنت مخضرم فى الجولفات لفتره .

**Adham** · 14-08-2010 01:15 AM

عيب النقلات بيبقى برضة تهريب كلاتشات و تهريب زيت من الاورينجات

لازم يجيب طقم اصلاح الفتيس من كلاتشات و او رينجات و يتغير بواسطة محترف فتايس

عليك و عالونش اللي في الحرفيين و اوعى تروح لمجدي اللي جنب كنيسة احمد سعيد

كنت غاوي اللعب في الجولفات و الهوندات لفترة التسعينات بس دلوقتي خلاص بقى كبرنا