http://thumbp1.mail.mud.yahoo.com/tn...=306&fid=Inbox
ودى صورة الفيرنا تاكسى واحد صاحبى باعتهالى مخصوص وعنوان الرسالة فاضى يا أسطى
عرض للطباعة
http://thumbp1.mail.mud.yahoo.com/tn...=306&fid=Inbox
ودى صورة الفيرنا تاكسى واحد صاحبى باعتهالى مخصوص وعنوان الرسالة فاضى يا أسطى
عندنا بكفرالشيخ
الفيرنا
والنيو اكسنت الجديده
والمتسوبيشى
والاسبرانزا
والكورولا الجديده
وكمان انواع اخرى كلها تاكسى وبكثره
انا معنديش إعتراض ولكن عايز افهم صاحب التاكسي بيفكر إزاي !!!
يعني هل ستكون مجدية إقتصادياً ؟؟ وهل تحتمل السيارات الجديده ديه البهدله في الشوارع طول الوقت ؟؟
ولو سلمنا بموضوع الإحلال ده ، طب ليه ميعملش إحلال مع عربيه لادا زيرو او شاهين زيرو او حتي صيني زيرو مثلاً وهي بنصف الثمن وحتوفر معاه
وبعدين من حيث المضمون ، هل فيوم شديد الحرارة حيشغل التكييف ؟؟ وهل حتكون الأجره نفسها ؟؟( مهو معروف ان التكييف بيزود استهلاك البنزين خصوصاً في الزحمه)
ولو كانت اجرته اكتر من التاكسي العادي ، طيب مأكيد الناس حتعديه و حتركب تاكسي عادي عشان متدفعش اكتر و بالتالي التاكسيات ديه مش حتشتغل كويس
حاجه فعلاً محتاجه تفسير
كلامك منطقى
بصراحه عندنا الاجره تقريبا ماتفرقش كثير حسب نوع التاكسى كلها واحده تقريبا
لكن اعتقد ان صاحب التاكسى بيعمل كده علشان يكون سلعته مرغوبه وعليها الطلب
وللاسف دلوقت اصحاب التاكسى بيتشرطوا علينا واحيان كثير بيرفضوا التوصيله لو مكان مش عاجبه
ورغم ان اللادا تعتبر من افضل السيارات للتاكسى الا ان الاتجاه العام الان للسيارات الاحدث ذات الامكانيات لجذب الزبون
يا غالى انا عندى مثلا الاجرة موحدة اتنين جنية الا لو طلعت برة بنى سويف وبرضوا اجرة الاماكن دى معروفة
فالسواقين بيحاولوا يجيبوا عربيات نظيفة يعملوها تاكسى علشان الطلب يبقى عليهم هما
يعنى انت لما تلاقى فيرنا ولادا ماشين هتوقفوا مين وتركبة اكيد الفيرنا طبعا هما بيفكروها كدة
انا قلت زيك فى الاول يعنى الى معاة 65000 ما يعمل مشروع غير التاكسى بيهم
عندنا فى دمياط كان اللى منتشر فى الاول سوزوكى سويفت وشاهين واكسنت بدات تنتشر دلوقتى الفيرنا والنيو اكسنت والفيفا والانسر2002 بس مفيش تغيير فى الاجره ...بتبقى حسب مزاج الباشا السواق وحالته النفسيه
..mokhtar..
أه فعلا أنا شفت الفيرنا ومكنتش مصدق عنيا إن تكاسي مصر بدأت تنضف ... وبعدين سمعت إن في ماتركس ومصدقتش غير بالصورة دي ... طبعا شوفت في محافظات تانيه تكاسي محترمة بس مش عارف ليه ألكس متأخرين في التكاسي كده وكان أنضف تاكي شاهين أو لادا 2107 ..بس مصلحه عقبال العربيات المشارح اللي موجوده ما تتدمر بقى ....أوووووووووووف ...
يعنى انا عندى شاهين 93 بفكر اقلبها تاكسى و اجيبلها سواق مينفعش خبلص؟؟
مش فى ناس بتبيع نمر تاكسى
___________________________________
لوحااات اجرة القاهرة للبيع
1539708 رقم الاعلان
للبيع لوحات اجرة القاهرة خالصة المخالفات للتفاصيل ارجو الاتصال للجادييييييييييييييييين فقط الوصف
0جنيه مصري السعـر
NA - إعلانات أخرى من نفس المعلن المعلن
0161917213 رقم الهاتف
--غير مسموح بكتابة أحرف خاصة مثل ; أو ' أومن فضلك اكتب رسالة للمعلن
___________________________________
من مصراوى
المحافظات اللي بتعمل الإحلال خلال 3 سنين , هيبقى غصب عن مالكي التاكسيات بيع التاكسي كملاكي و استخدام النمر في عربيات جديدة , و معظم الناس دي ممعهاش 60 الف أو 65 ألف ,
طيب يبقى مفيش غير التقسيط , و اللي اعرفه ان العربيات الهيونداي بتتباع بالتقسيط بأرخص مقدم ,
و ده اللي يخلي الناس تشتري فيرنا بمقدم بسيط عن شاهين بمقدم اكتر , و بالنسبة للأقساط مش هتفرق كتير ...
و طبعاً موضوع الأجرة مش هيختلف كتير و خاصة انه مش هيشغل التكييف , و لو زبون طلب تشغيل التكييف ساعتها السواق هيطل اجرة اضافية ...