مروحة النوبيرا الكوري ؟؟!!

**ahmed1981** · 09-08-2010 10:51 PM

السلام عليكم ورحمة الله وبركاته وبعد

لدي سؤال:
النوبيرا المصري بها مروحة للتكييف ومروحة للردياتير
والنوبيرا الكوري بها مروحة واحدة سرعتين

المهم أنا كنت بشتري واحدة كوري فلقيت حاجة غريبة
المفروض طبيعي إن أي مروحة سرعتين بيكون داخل لها ثلاث أسلاك كهربائية :
سلك أرضي - سلك السرعة الأولى - سلك السرعة الثانية

المهم لقيت مروحة النوبير الكوري السرعتين داخل لها سلكين فقط ؟!!؟؟؟!

إزاي ؟؟
وهل في حد أخذ باله من هذا الأمر سابقاً ؟؟
وهل هي فعلاً سرعتين ولا أنا غلطان ؟؟

السيارة نوبيرا 2000 كوري

**samirayad** · 09-08-2010 11:36 PM

النوبيرا المصري بها مروحة للتكييف ومروحة للردياتير

فعلا النوبيرا المصرى بها مروحتين

ولكنهما يعملان مع بعضهما وليستا مخصصتين كواحده للتكييف وواحده لدورة التبريد

ولكنهما تعملان مع بعضهما مع أرتفاع درجة حرارة مياه التبريد ( بدون تكييف )

ويتم التحكم فى السرعات ( عدد /2 ) من خلال شدة التيار الكهربى الذاهب الى مواتير المراوح

من خلال الأثاره الكهربيه لعدد 2 ريلاى ( كل حسب السرعه المطلوبه )

أى

ريلاى يخدم السرعه البطيئه للمراوح

والآخر يخدم السرعه السريعه للمراوح

والتحكم فى أثارة الريلهات بيتم من خلال وحدة تحكم المحرك بناء على الأشاره الوارده لها من حساس حرارة مياه التبريد المركب على وش سلندر المحرك

وفعلا كل موتور مروحه ( ذاهب له سلكين ...كهرباء + أرضى )

أما مع تشغيل التكييف ...فتعمل المروحتين سويا على الفور ويتم التحكم فى السرعات ( حسب حرارة المحرك أيضا ولكن عند معدلات أعلى قليلا مع عدم دخول التكييف فى الخدمه )

والنوبيرا الكوري بها مروحة واحدة سرعتين

كلام سليم

المفروض طبيعي إن أي مروحة سرعتين بيكون داخل لها ثلاث أسلاك كهربائية :
سلك أرضي - سلك السرعة الأولى - سلك السرعة الثانية

ده تصميم غير موجود بالسيارات الدايو

ولكن من الوارد تصميم دايرة كنترول كهربى مكونه من ثلاثه ريلاى ( كتاوت )

بحيث يكون هناك كتاوت تحكم فى الأثنين كتاوت بتوع السرعتين

بمعنى أدق

طالما نصف الفيشه اللى رايحه من الضفيره للمروحه سلكتين

أذا فلا يوجد مايدعوا للتعجب من أن تكون فيشة المروحه المشتراه بسلكتين

**ahmed1981** · 09-08-2010 11:53 PM

إزيك يا بشمهندس سمير
شكراً على الرد السريع

لكن لدي سؤال
إذا كان داخل للمروحة سلكين فأكيد أحدهما سالب والآخر موجب
تمام
طيب كيف ستكون سرعتين ؟
معنى كده إن ملف المروحة ملف واحد مش ملفين سرعتين

بعيد عن موضوع الريلاي أو الكتاوتات

ملهاش حل إلا إذا كان فيه وحدة تحكم في السرعة عن طريق التحكم في الفولت أو التيار وهذا أمر مستبعد ؟
ممكن نفكر بصوت عالي

**م. محمد نافع** · 10-08-2010 12:03 AM

السلام عليكم

طالما نصف الفيشه اللى رايحه من الضفيره للمروحه سلكتين أذا فلا يوجد مايدعوا للتعجب من أن تكون فيشة المروحه المشتراه بسلكتين

بصراحة انا مش فاهم قصد حضرتك ايه
هما في الحالة اللي فيها مروحتين
بيتحكم في سرعه المروحتين عن طريق انه لما يوصلهم مع بعض علي التوالي بيتوزع الفولت وبالتالي سرعة المروحتين بتقل(السرعة البطيئة)
ولما يوصل كل مروحة لوحدها بتاخد الفولت كامل وتشتغل بالسرعة العالية
اما في حالة انها مروحة واحدة هل تقصد حضرتك انة بيوصل مقاومة مع المروحة علي التوالي علشان يقلل الفولت
ولا اية بالضبط

**samirayad** · 10-08-2010 12:04 AM

الله يخليك ياهندسه ورمضان كريم

ملهاش حل إلا إذا كان فيه وحدة تحكم في السرعة عن طريق التحكم في الفولت أو التيار وهذا أمر مستبعد ؟

طيب ليه أنت مستبعد التحكم بالأمبير اللى رايح لموتور المروحه

ماهو أنا لو أتحكمت فى شدة التيار اللى رايح لموتور المروحه بسلكتين

من خلال تقسيمه كهربيه معينه

فماذا يمنع ............؟

حنفترض عندك تلاته ريلاى وليهم توصيله كهربيه معينه

واحد بيتحكم فى أثنين

وحنقول مع السرعه البطيئه ريلاى التحكم بيخللى ريلاى واحد يودى تيار بشده معينه والتانى مفصول

ولما بنحتاج أمبير أكبر

بيكون أثنين ريلاى كل واحد مخرج أمبير معين ومتوصلين على التوازى ومجموعهم بيكون فى نقطه مشتركه قبل الذهاب للمروحه

ومعروف أن شدة التيار الكلى لمحصلة التوازى بيكون مجموع التيارين

يعنى فيه أمبير أكبر وبالتالى حمل أكبر وسرعه أكبر

عموما لو كان معانا المخطط الكهربى لدايرة المروحه عندك

كنا حنفسرها علميا بصوره أدق

وأنا أذا لقيت حاجه بهذا الخصوص حرفعلك صورتها

ولو عندك الدايره ممكن ترفعها ونشوفها سويا

**samirayad** · 10-08-2010 12:09 AM

بصراحة انا مش فاهم قصد حضرتك ايه

نعلق على دى الأول

مش فيه نصف فيشه دكر بتاع الضفيره الأساسيه اللى حتروح للمروحه بسلكتين

ونصف الفيشه النتايه اللى فى المروحه المشراه بسلكتين

__________________________

يبقى المروحه مظبوطه ومش ناقصه سلكه

وفيه عملية تحكم بتتم للحصول على سرعات مختلفه

من خلال الأمبير وليس الفولت الكهربى

لأن موتور المروحه 12 فولت ومينفعش أوديله 6 فولت

**م. محمد نافع** · 10-08-2010 12:19 AM

انا ميكانيكا بس اعرف ان شدة التيار في دوائر الكهرباء بالضبط زي الضغط في دوائر الهيدروليك يعني الامبير المسحوب بيتوقف علي الحمل الموجود قدامه مش العكس
يعني مينفعش اقول لموتور اسحب 3 امبير مثلا انما هو حسب الحمل اللي عليه بيسحب الامبير دي نقطه
النقطة الثانية ان لو حضرتك شوفت دائرة الكهرباء هتلاقي ان في حالة السرعة البطيئة المروحتين متوصلين مع بعض علي التوالي وفي حالة التوصيل علي التوالي الفولت هو اللي بيتقسم
اما في السرعة العالية هتلاقي ان المروحتين كل واحد منهم متوصله لوحدها
ودا واضح في دائرة الكهرباء بتاعة مراوح التبريد

**samirayad** · 10-08-2010 12:26 AM

انا ميكانيكا بس اعرف ان شدة التيار في دوائر الكهرباء بالضبط زي الضغط في دوائر الهيدروليك يعني الامبير المسحوب بيتوقف علي الحمل الموجود قدامه مش العكس

على فكره أنا ميكانيكا زيك

بس كلامك ده مش مظبوط

__________________

شدة التيار كهربيا بتناظر ال flow rate هيدروليكيا

أما الفولت الكهربى .....هو اللى بيناظر ال pressure أو الضغط أو العلو المانومترى هيدروليكيا

وعلى فكره أنا مشروع التخرج بتاعى ( فى ميكانيكا الموائع )

TWO PHASE FLOW IN CINTRIFICAL PUMPS

وجايب فيه أمتياز

ودرست الماده دى للطلبه فى هندسه

**م. محمد نافع** · 10-08-2010 12:36 AM

بالنسبه للموضوع ده

شدة التيار كهربيا بتناظر ال flow rate هيدروليكيا

أما الفولت الكهربى .....هو اللى بيناظر ال pressure أو الضغط أو العلو المانومترى هيدروليكيا

كلامك صح يا باشمهندس
طيب لو انا وصلت 2 مبادل حراري علي التوالي هل في الحاله دي فرق الضغط علي كل مبادل هيبقي هو هو زي لو وصلنا ال 2 مبادل علي التوازي
اما بالنسبه لطريقة توصيل المروحة فممكن حضرتك ترجع لدائره الكهرباء وتتاكد تاني

**samirayad** · 10-08-2010 12:38 AM

اما بالنسبه لطريقة توصيل المروحة فممكن حضرتك ترجع لدائره الكهرباء وتتاكد تاني

أنا حراجعها فعلا

للدايره اللى فيها 3 كتاوت للمراوح ( من بينهم واحد كنترول فى الأثنين التانين )

وربنا يسهل وألاقى الدايره بتاعة النوبيرا المصرى

لأنها ب2 كتاوت

علشان برضه أشوفها ماشيه أزاى

لأن زى ما أنت عارف أحنا درسنا كهرباء برضه

والحمد لله عندى فكره مش بطاله عن الدواير الكهربيه والآلات الكهربيه

نظرا لطبيعة عملى فى دوائر التحكم الكهربى وال gen . Set

الموضوع: مروحة النوبيرا الكوري ؟؟!!

LinkBack

أدوات الموضوع

عرض

مروحة النوبيرا الكوري ؟؟!! - انشر الموضوع فى :

-

-

-

-

المواضيع المتشابهه

بوابه النوبيرا الكوري

لاصحاب النوبيرا الكوري

النوبيرا الكوري

سؤال : النوبيرا 1 الكوري فيها لمبة شك انجن و الا اية

الكلمات الدلالية لهذا الموضوع

المفضلات

المفضلات

ضوابط المشاركة