الموضوع: قلبي كان حاسس أن ال dsg بتاع عربيتي مش مظبوط

المشاركة الأصلية كتبت بواسطة karimfadl

السلام عليكم ورحمة الله وبركاته جميعا وكل عام وانتم بخير

من ساعة ما استلمت العرابية الباسات من حوالي شهر وأنا حاسس ان الفتيس ال dsg بتاعها مش مظبوط، كنت بحس بخبطة مكتومة لما بدوس بنزين بسيط واشيل رجلي وادوس ... الخ، وطبعا انا مكنتش بعمل كده لعب لكن ده كان الوضع الطبيعي للسواقة لما بكون سايق فى زحمة زي كوبري اكتوبر او وسط البلد.

المهم، تواصلت مع صديقي محمد الشامي وكان نعمة السند حيث انه كلمني لما نزل مصر وجرب عربيتي وانا جربت عربيته وطمني ان العربية كويسة، بس بعديها قلت عشان اقطع الشك باليقين حاروح النوكيل واكشف عليها، وفعلا اتصلت بالتوكيل وكانت العربية عاملة حوالي 1298 كم ورحتلهم وكشفوا عليها وقالولي انهم عملوا تحديث للسوفت وير وان العربية زي الفل ومافيهاش حاجة.

في نفس الوقت انا كنت ارسلت شكوى من خلال موقع فولكس في المانيا وردوا عليا وقالوا انهم حولوا شكوتي للتوكيل وحيخلوا حد يتصل بيا، وبالفعل كلمتني خدمة العملاء من التوكيل وقالت ان المانيا حولتلهم الشكوى وطلبت مني اني ازورهم للكشف، وعشان انا كنت طالع اجازة فأجلت الزيارة اسبوعين وكلمتهم من يومين لما رجعت وحددنا معاد النهاردة وفعلا رحتلهم وكانت النتيجة كالتالي:

جربوا العربية وملقوش حاجة وكشفوا بالكمبيوتر ولقوا كل القراءات سليمة لكن من حسن حظي اني شوفت مدير الورشة وهو نازل من عربيتي بعد التجربة فأصريت اني اجربها معاه واوريه الخبط وبالفعل بعد كام تجربة حس يالتخبيط وقال فعلا فيه حاجة مش مظبوطة وطلب من احد المهندسين ارسال تقرير لألمانيا بالحالة بما ان كل القراءات لا تشير الى شيء وقال انه حينتظر الرد منهم بخصوص ما يجب عمله.

الخلاصة اني فعلا كنت حاسس ان فيه حاجة مش مظبوطة وان التوكيل حتى الان يتعامل بجودة وناس محترمين.

سامحوني على الاطالة وادعولي المشكلة تخلص على خير.

المشاركة الأصلية كتبت بواسطة mshamy

كل سنة وانت طيب يا كريم
ان شاء الله تكون حاجة بسيطة
وبعدين احنا كده بقينا 2
لان نفس الموضوع ده بيحصل عندي برضه
ربنا يستر

إن شاء الله خير وما يطلعش في حاجة جدية .... بس انتوا يا جماعة بصراحة قلقتوني من العربية خاصة اني كنت بأفكر فيها وسط مفاضلة بين خيارات أخرى لأني محتاج عربية واسعة عائلية وفيها 6 ايرباج على الأقل وتكون عوامل الأمان متوفرة فيها وموتورها يوفر انطلاقة متناسبة مع حجمها .. ففكرت فيها وفي الفلوينس باعتبارهم أكبر حجما من الجيتا والاوكتافيا ...... إنما بصراحة موضوع الفتيس ده حيخلي الواحد يفكر كذا مرة لأن تمن العربية دي مش قليل بالاضافة إلى مصاريف تشغيلها اللي أعتقد انها مرتفعة نسبيا لاسيما سعرالبنزين وقطع الغيار .....

يا أستاذ كريم .. يا أستاذ محمد .... برجاء تفيدونا عن تطورات الموضوع ده لأنه حيوي جدا لكل من يفكر في السيارة خاصة مع التخفيضات الحالية على سعرها بالنسبة لموديل 2010 .......

المشاركة الأصلية كتبت بواسطة mshamy

كل سنة وانت طيب يا كريم
ان شاء الله تكون حاجة بسيطة
وبعدين احنا كده بقينا 2
لان نفس الموضوع ده بيحصل عندي برضه
ربنا يستر

وانت بالف صحة وسلامة يا بوحميد، بس خير؟ إيه اللي بيحصل معاك ومن امتي؟ مقلتليش ليه؟

أنا عايز أقولك أني بعد لما روحت التوكيل في الاول ابتديت ااقلم نفسي وقلت ان هيا التكنولوجي ديه كده، لكني قابلت صديقي محمد شتا رئيس تحرير أوتو ارابيا على الغداء بعد عودته من المانيا وجربنا العربية وعرفت ازاي اظهر العيب وده بالأسلوب التالي:

- هات الجير علي الستب ترونيك النقلة الاولي.
- شيل رجلك من علي الفرامل والمس البنزين وشيل والمس وشيل.
- لو العربية سرعتها زادت هدي خالص بالفرامل.
- كرر الموضوع ده وشوف: لو العربية بتنط منك فقط كانك سايق مانيوال علي الاول وبتعمل كده فمتقلقش ده طبيعي، لكن لو بتحس بخبط زي ما يكون فيه فراغ او بوش يبقي ساعتها ده نفس اللي عندي.

ان شاء الله خبر، أنا المفروض اكلمهم بكرة الصبح وحطمنكم.

ابقي كلمني لما تصحي يا بو حميد

المشاركة الأصلية كتبت بواسطة yehia

إن شاء الله خير وما يطلعش في حاجة جدية .... بس انتوا يا جماعة بصراحة قلقتوني من العربية خاصة اني كنت بأفكر فيها وسط مفاضلة بين خيارات أخرى لأني محتاج عربية واسعة عائلية وفيها 6 ايرباج على الأقل وتكون عوامل الأمان متوفرة فيها وموتورها يوفر انطلاقة متناسبة مع حجمها .. ففكرت فيها وفي الفلوينس باعتبارهم أكبر حجما من الجيتا والاوكتافيا ...... إنما بصراحة موضوع الفتيس ده حيخلي الواحد يفكر كذا مرة لأن تمن العربية دي مش قليل بالاضافة إلى مصاريف تشغيلها اللي أعتقد انها مرتفعة نسبيا لاسيما سعرالبنزين وقطع الغيار .....

يا أستاذ كريم .. يا أستاذ محمد .... برجاء تفيدونا عن تطورات الموضوع ده لأنه حيوي جدا لكل من يفكر في السيارة خاصة مع التخفيضات الحالية على سعرها بالنسبة لموديل 2010 .......

استاذ يحي، أنا عايز أقولك ان العربية ماشاء الله لا قوة الا بالله وربنا يبارك فيها ممتازة وافضل اختيار ولو طلعت الخبطة المكتومة ده طبيعي في التكنولوجيا الجديدة برضوا حكون سعيد بالاختيار.

وعلي فكرة، لو شكوى محمد الشامي هي نفس شكوتي يبقي ده بيزود احتمال انها تكون طبيعة التكنولوجي لكن حننتظر رد التوكيل ولو قالوا طبيعي خليهم يسمحولي بتجربة عربية زيرو لقطع الشك باليقين.

المشاركة الأصلية كتبت بواسطة karimfadl

استاذ يحي، أنا عايز أقولك ان العربية ماشاء الله لا قوة الا بالله وربنا يبارك فيها ممتازة وافضل اختيار ولو طلعت الخبطة المكتومة ده طبيعي في التكنولوجيا الجديدة برضوا حكون سعيد بالاختيار.

وعلي فكرة، لو شكوى محمد الشامي هي نفس شكوتي يبقي ده بيزود احتمال انها تكون طبيعة التكنولوجي لكن حننتظر رد التوكيل ولو قالوا طبيعي خليهم يسمحولي بتجربة عربية زيرو لقطع الشك باليقين.

الله يطمنك وإن شاء الله كل خير ... بس برده ماتنساش تطمنا على آخر التطورات الله يخليك ...

السلام عليكم ورحمة الله وبركاته جميعا،

بفضل الله اتصلت بالتوكيل النهاردة الصبح واتكلمت مع المهندس أمير مدير الورشة وقاللي أن ألمانيا ردوا عليه وطالبين معلومات إضافية وهي: Driving Behavior وده قراءات كان اخدها من العربية لما كنت عنده وإن شاء الله حيبعتهالهم النهاردة وقاللي أكلمه بكرة.

والله المستعان.

المشاركة الأصلية كتبت بواسطة gabrial

إن شاء الله خير يا أستاذ كريم ،و الموضوع يكون بسيط ،واضح إن التوكيل بيتعامل مع الموضوع بجدية و في متابعة مع الشركة الام و ديه حاجة مطمئنة .

والله يا استاذ جبريل حتى الان ناس محترمين ومشفتش منهم غير حسن المعاملة والتعاون وده حاجة كويسة جدا.

ان شاء الله اوافيكم بالمستجدات.

المشاركة الأصلية كتبت بواسطة karimfadl

السلام عليكم ورحمة الله وبركاته جميعا،

بفضل الله اتصلت بالتوكيل النهاردة الصبح واتكلمت مع المهندس أمير مدير الورشة وقاللي أن ألمانيا ردوا عليه وطالبين معلومات إضافية وهي: Driving behavior وده قراءات كان اخدها من العربية لما كنت عنده وإن شاء الله حيبعتهالهم النهاردة وقاللي أكلمه بكرة.

والله المستعان.

كل خير ان شاء الله .....

متابع وبشدة ...