قلبي كان حاسس أن ال dsg بتاع عربيتي مش مظبوط

**karimfadl** · 09-08-2010 11:42 PM

السلام عليكم ورحمة الله وبركاته جميعا وكل عام وانتم بخير

من ساعة ما استلمت العرابية الباسات من حوالي شهر وأنا حاسس ان الفتيس ال dsg بتاعها مش مظبوط، كنت بحس بخبطة مكتومة لما بدوس بنزين بسيط واشيل رجلي وادوس ... الخ، وطبعا انا مكنتش بعمل كده لعب لكن ده كان الوضع الطبيعي للسواقة لما بكون سايق فى زحمة زي كوبري اكتوبر او وسط البلد.

المهم، تواصلت مع صديقي محمد الشامي وكان نعمة السند حيث انه كلمني لما نزل مصر وجرب عربيتي وانا جربت عربيته وطمني ان العربية كويسة، بس بعديها قلت عشان اقطع الشك باليقين حاروح النوكيل واكشف عليها، وفعلا اتصلت بالتوكيل وكانت العربية عاملة حوالي 1298 كم ورحتلهم وكشفوا عليها وقالولي انهم عملوا تحديث للسوفت وير وان العربية زي الفل ومافيهاش حاجة.

في نفس الوقت انا كنت ارسلت شكوى من خلال موقع فولكس في المانيا وردوا عليا وقالوا انهم حولوا شكوتي للتوكيل وحيخلوا حد يتصل بيا، وبالفعل كلمتني خدمة العملاء من التوكيل وقالت ان المانيا حولتلهم الشكوى وطلبت مني اني ازورهم للكشف، وعشان انا كنت طالع اجازة فأجلت الزيارة اسبوعين وكلمتهم من يومين لما رجعت وحددنا معاد النهاردة وفعلا رحتلهم وكانت النتيجة كالتالي:

جربوا العربية وملقوش حاجة وكشفوا بالكمبيوتر ولقوا كل القراءات سليمة لكن من حسن حظي اني شوفت مدير الورشة وهو نازل من عربيتي بعد التجربة فأصريت اني اجربها معاه واوريه الخبط وبالفعل بعد كام تجربة حس يالتخبيط وقال فعلا فيه حاجة مش مظبوطة وطلب من احد المهندسين ارسال تقرير لألمانيا بالحالة بما ان كل القراءات لا تشير الى شيء وقال انه حينتظر الرد منهم بخصوص ما يجب عمله.

الخلاصة اني فعلا كنت حاسس ان فيه حاجة مش مظبوطة وان التوكيل حتى الان يتعامل بجودة وناس محترمين.

سامحوني على الاطالة وادعولي المشكلة تخلص على خير.

**Gabrial** · 09-08-2010 11:49 PM

إن شاء الله خير يا أستاذ كريم و الموضوع يكون بسيط ،ربنا معك و المشكلة تنتهي على خير .

**dramir1** · 09-08-2010 11:51 PM

ربنا يكرمك ويعمللك اللي فيه الخير ان شاء الله

**معتز** · 10-08-2010 03:16 PM

ان شاء الله بسيط وهيتحل بعيد عن الفتيس .........اختيارات الاستطلاع بتعكس قلق كبير عندك.ربنا يطمنك بسرعة.وكل سنة والمنتدى وقسم الفولكس بخير بمناسبة رمضان

**karimfadl** · 10-08-2010 03:31 PM

المشاركة الأصلية كتبت بواسطة معتز

ان شاء الله بسيط وهيتحل بعيد عن الفتيس .........اختيارات الاستطلاع بتعكس قلق كبير عندك.ربنا يطمنك بسرعة.وكل سنة والمنتدى وقسم الفولكس بخير بمناسبة رمضان

عريزي معتز معاك حق ان استطلاع الرأي دليل علي قلقي لأني مصدقت انهم اكتشفوا العيب وقلقان يستسهلوا ويحاولوا يكبروا دماغهم لكن ان شاء الله يكونوا محترمين ولا يضيع حق وراءه مطالب.

اما بخصوص ان المشكلة تكون بعيدة عن الفتيس ده نفس الكلام اللي توقعوا محمد شتا رئيس تحرير مجلة اوتو ارابيا وهو صديق ليا ومتوقع انها تكون حاجة ميكانيكية. .

**karimfadl** · 10-08-2010 03:35 PM

المشاركة الأصلية كتبت بواسطة معتز

ان شاء الله بسيط وهيتحل بعيد عن الفتيس .........اختيارات الاستطلاع بتعكس قلق كبير عندك.ربنا يطمنك بسرعة.وكل سنة والمنتدى وقسم الفولكس بخير بمناسبة رمضان

وكل سنة وانت بالف خير يا رب والف شكر علي كرم أخلاقك.

**Gabrial** · 10-08-2010 03:45 PM

على فكرة يا أستاذ كريم ،حتى لو لا قدر الله كان العيب في الفيتس ،إن شاء الله التوكيل مش هيماطل في تغيره أو تصليحه ،الموضوع دة لما حصل مع أستاذ عصام اتغير الفيتس بدون مشاكل ،تفائل خير و بسيطة إن شاء الله .

**karimfadl** · 10-08-2010 04:14 PM

المشاركة الأصلية كتبت بواسطة gabrial

على فكرة يا أستاذ كريم ،حتى لو لا قدر الله كان العيب في الفيتس ،إن شاء الله التوكيل مش هيماطل في تغيره أو تصليحه ،الموضوع دة لما حصل مع أستاذ عصام اتغير الفيتس بدون مشاكل ،تفائل خير و بسيطة إن شاء الله .

ربنا يكرمك يا جبريل، وان شاء الله خير بس خلي بالك ان مع استاذ عصام الفتيس كان بيعطي ايرور لكن أنا عندي القراءات سليمة لكن علي اي حال حتي لو القراءات سليمة فالتجربة خير برهان وتقتع الشك باليقين ولو عند التجربة قالوا ان ده طبيعي يبقي الفيصل تجربة سواقة عربية جديدة. .

**Gabrial** · 10-08-2010 04:41 PM

المشاركة الأصلية كتبت بواسطة karimfadl

ربنا يكرمك يا جبريل، وان شاء الله خير بس خلي بالك ان مع استاذ عصام الفتيس كان بيعطي ايرور لكن أنا عندي القراءات سليمة لكن علي اي حال حتي لو القراءات سليمة فالتجربة خير برهان وتقتع الشك باليقين ولو عند التجربة قالوا ان ده طبيعي يبقي الفيصل تجربة سواقة عربية جديدة. .

طيب نشكر ربنا .يبقى إن شاء الله الفيتس سليم و تكن حاجة بسيطة ،ابقى طمنا عليك يا أستاذ كريم و ربنا يكون معك ،

-

مشاهدة نتائج الإستطلاع: تفتكروا حيصل ايه فى موضوع الفتيس بتاعي؟

الموضوع: قلبي كان حاسس أن ال dsg بتاع عربيتي مش مظبوط

LinkBack

أدوات الموضوع

عرض

قلبي كان حاسس أن ال dsg بتاع عربيتي مش مظبوط - انشر الموضوع فى :

-

-

-

-

المواضيع المتشابهه

حاسس ان عربيتي ال cerato عايزة تعووم و بتحدف

ركبت ار بى ام بس حاسس انه مش مظبوط

ركبت ار بى ام بس حاسس انه مش مظبوط

عاجل : مشكله في عربيتي انقذوني لاني حاسس اني هضيع الدنيا في ثانيه

عربيتي نصر 127 حاسس ان سحبها بقي ضعيف شوية ....... ايه السبب ؟

الكلمات الدلالية لهذا الموضوع

المفضلات

المفضلات

ضوابط المشاركة