الحقونى!!.. مش لاقى زجاج المراية الجانبيةللنيو سيراتو

**aidoda** · 10-08-2010 12:20 AM

من يومين وانا نازل الصبح من البيت..لقيت زجاج المراية الجانبية الشمال للنيو سيراتو غير موجودة..واضح طبعا انها اتسرقت بالليل..منه لله بقى اللى سرقها..وأنا مش مسامحه فيها لأنى وبعد يومين من البحث المتواصل فى محلات قطع الغيار لم أجد الزجاج المطلوب..أما التوكيل فلا يوجد الا المراية كلها على بعضها..وانتم طبعا عارفين سعرها كام!! أنا مش عاوز اركب مراية تفصيل عند بتوع القزاز والمرايات..لانها لا تعطى رؤية جيدة زى المراية الاصلية...يا ترى فيه حد عنده حل؟؟

**night_phoenix** · 10-08-2010 02:22 AM

استاذي الفاضل انا مرايتي من فترة اتخبطت و راحت
روحت لواحد جنبي في حلوان عملها احلي من الاصليه من غير مبالغه و كلفتني 30 جنيه مرايه ابعاد و علي فكرة لما مرايتي طارت الكفه كمان راحت لكن عملها و الحمد لله زي الفل
لو حضرتك تحب انا ممكن اوصفلك المكان او اشوفلك التليفون لو مناسب لسعادتك ومتزعلش نفسك ابدا

**aidoda** · 10-08-2010 07:21 AM

شكرا يا أخى العزيز nightphoenix على سرعة الرد..أرجوك تقوللى مكانه وتلبفونه لو أمكن..ويا ريت لو فيه حد قريب من المهندسين لأنى من سكانها..وكل سنة وحضرتك بخير

**blackknight** · 10-08-2010 11:29 AM

لو رحت عند اى حد من بتوع المرايات - بس واحد يكون محل كبير شوية - هتلاقى عنه مرايات ابعاد و بيبقى عندهم عينة علشان يفصل المرايه عليها و بتبقى فى حدود 30 او 40 جنيه