أنا ألى فاهم غلط و لا الناس هى ألى فاهمه رمضان غلط؟؟؟

**azmeralda** · 10-08-2010 12:50 PM

المشاركة الأصلية كتبت بواسطة viper911s

مش هقول غير اننا اكتر شعب استهلاكى
احنا جنة لائى دولة منتجة حتى لو الصين
المنظرة ولا غير غير المنظرة
احنا فى مجتمع يحب المظاهر لازم يكون عندى اكل كتير علشان فلان لو جة او لو حد جة
وتلاقى اكل زايد ويترمى .
رغم انو حرام جدا والدين بينهى عن الاسراف بس تعمل اية عادات بقت متأصلة فينا

فى واحدة اعرفها عاملة مشروع افطار صائمين وجنبه مشروعات تانية خيرية مسكة منطقة اسمها عزبة الشحاتين تحت خط الفقر بمراحل ولو اى حد تبقى عنده طعام فى رمضان طبعا الرز نظيف مثلا لسه فى الصينية .......... بتضيفه عندها وتوزعه فكرة مبهرة

**MMamdouh** · 10-08-2010 12:52 PM

حلو... يعنى المفروض التغير فى الاستهلاك يبقى تقريبا صفر

و الله العظيم انا شوفت ناس خارجة بعربيات من كارفور محملة زيوت و رز تفتح مطعم بحالة... و جوة كارفور كان ركن المكرونة فارغ تماما و الرفوف فاضية و معليهاش الا اكياس المكرونة المفتوحة

الظريف كمان ان قسم المكسرات كان فيه اطباق مكسرات مجهزة للبيع و بعضها مفتوح.... كل واحد معدى كان بيكبش منها و ياكل و هو ماشى... الناس دى مش فاهمة ان دى سرقة؟؟

MMamdouh

**mostafashokry** · 10-08-2010 01:18 PM

المشاركة الأصلية كتبت بواسطة azmeralda

الناس مش بتاكل اقل من الطبيعى
على الأقل هتاكل زى الطبيعى الفطار والغدا هو الفطار والسحور بس السحور ازيد من الفطار بتاع الساعة 8 الصبح شوية

ثلث للطعام و ثلث للشراب و ثلث للهواء او كما قال ص الله عليه و سلم

**Donzi** · 10-08-2010 01:24 PM

دة موضوع غريب بجد و برضو كان مستفزني جدا و عملت نفس الموضوع من كام يوم كدة في المنتدى برضو

**blazer** · 10-08-2010 01:46 PM

ما انتم لو بصيتوا
هتلاقوا ان ثقافه معظم المصريين الا ما رحم ربى
انهم يناموا طول النهار لو مفيش شغل او اول ما يرجعوا من الشغل نوووووم
اول ما المغرب يأذن ياكلوا بطريقه فظيعه على الفطار وحلويات من كل الانواع بعد الافطار
دا غير المشروبات طبعا
ويتفرجوا على المسلسلات والبرامج بعد الفطار و يخرجوا بليل
فين بقى العبادات والقران والصلاه والتراويح
هو اصلا لو كل بغباء مش هيعرف ينزل من بيته يصلى

**kh_talaat** · 10-08-2010 01:54 PM

المشاركة الأصلية كتبت بواسطة MMamdouh

الظريف كمان ان قسم المكسرات كان فيه اطباق مكسرات مجهزة للبيع و بعضها مفتوح.... كل واحد معدى كان بيكبش منها و ياكل و هو ماشى... الناس دى مش فاهمة ان دى سرقة؟؟MMamdouh

ههههههه ...فكرتني بموقف شوفته في كارفور .... راجل في الأربعينات من عمره واقف قدام قسم الفاكهة وراح واخد واحدة مانجة (نوع امريكي كان نازل جديد) وراح دايقها وبعدين راح مغطي الحته اللي أكل منها وحطها على الرف تاني !!!!

بالصدفه كان عامل النظافة واقف وحصله نفس الذهول اللي حصلي فراح قال للراجل ... حلوة ؟؟ ... الراجل رد بقلاطة وقال لا ... مش قوي

**aif** · 10-08-2010 02:11 PM

المشاركة الأصلية كتبت بواسطة aymanmaly

يا جماعة لازم نقدر عادتنا و تقليدنا و نحترمها
انا متزوج و مسئول عن اسرة
فى العادى الناس بتجيلى كزيارة فى المناسبات
لاكن فى رمضان انت يأما عازم يا معزوم و الفطار لوحدك مع اسرتك نادر الحدوث و بالتالى الاستهلاك بيزيد جدا فى رمضان ( واظن ان دى حاجة كويسة لصلة الرحم )

المشاركة الأصلية كتبت بواسطة mostafashokry

صلة الرحم فى الشهورو طبعاً شئ جميل تتلم كل الأسرة
و لكن معظم الناس بتقضى شهر رمضان أما عازم أو معزوم وطبعا اما يبقى معزوم مش هيفطر و يمشىو لو عازم مش ممكن ياعة آذان الغشاء يسيب ضيوفة و ينزل ,و كده يبقى ضيع الصلوات فى جماعة و كمان يلحق ركعتين من صلاة التراويح بالعافيه و طبعاً هيروح ينام عشان ما كنش واخد راحته فى العزومة و بكده يبقى ضيع صلاه التهجد ,

اولا كل عام وحضراتكم بخير
الموضوع مختلف عندي تماما
رمضان عندي مش شهر عزومات ولا زيارات ولا اجتماعيات
انا مش باعزم حد تماما في رمضان باستثناء يوم واحد باعزم فيه والدي واختي لو ظروفها سمحت
ومش بافطر برة غير يوم واحد عند والدي ويوم عند حماتي
غير كدة مافيش .... وباعتذر عن اي عزومات او دعوات على الافطار
رمضان شهر عبادة مش شهر اكل و لقاءات وعزومات
وزي ما الاخ مصطفى قال
لو عندي ضيوف ع الفطار مش ح اقدر اسيبهم وانزل اصلي القيام
ولو عند ناس مش ح افطر واجري بسرعة علشان الحق القيام
يعني ببساطة القيام ح يروح عليا يوم العزومة

المفروض رمضان يكون له جدول عند كل واحد ..... ح يصلي امتى ويقرأ القرآن امتى ويعتكف امتى ان امكنه
نصيحة للجميع ولنفسي قبلكم
عود اولادك انهم يصلوا في الجامع معاك في رمضان .... خصوصا المغرب والفجر
واحنا صغيرين كان المغرب يأذن والناس ملمومين ع السفرة ...... ولما ناكل نصلي المغرب
ده اللي باحاول اربي اولادي على عكسه تماما
المفروض نكسر الصيام بتمرات وماء ونصلي المغرب في المسجد ...... وبعدين نروح البيت نفطر فطار خفيف علشان نقدر نصلي القيام ...... وبعد القيام ممكن نأكل تاني لو لسة جعانين ..... وبعدين نحاول ننام بدري علشان نعرف نصحى نتسحر ونصلي التهجد والفجر
بين ده كله ...... ازاي اقدر اعزم حد او اتعزم عند حد
رمضان شهر العبادة مش شهر الزيارات والعزومات ....

الموضوع: أنا ألى فاهم غلط و لا الناس هى ألى فاهمه رمضان غلط؟؟؟

LinkBack

أدوات الموضوع

عرض

-

-

-

-

-

المواضيع المتشابهه

فين الناس اللى فاهمه اوى هنا ......... الحقونى بجد

الناس فاهمه الحريه غلط

انا مش فاهم الناس دى بتعمل كدا ليه

سؤال مجانينى اوى ردوا عليا بس الناس اللى فاهمه بس

اوكتافيا 99 ب50 الف ياجماعه ازاى العرض ده مش فاهم بجد؟؟؟؟ ولا ضحك على الناس ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة