-
في حياتي كلها مشفتش كمية الزحمة اللي شفتها أول أمبارح وبقيت مذهول من تكالب الناس على شراء الأكل بقى في ناس بتطلع بعربيتين وثلاثة والحاجات بتقع منهم من كتر ما هم مليانين حاجة غريبة وثقافة جاهلية بمعنى أدق لأن اللي بيعمل كدة معندهوش وعي وغالباً حكاية الصيام عنده وشهر رمضان شيء عادي كل التغيير أنه بينام طول النهار لحد موعد الأفطار وبليل ينزل على الكافتيريا والقهوة يعني ولا قراءة قرآن ولا صلاة تراويح ولا أي شيء من هذا القبيل .
بالنسبة ليا أخدت والدتي وحرصت على شراء بعض الياميش كام علبة تين مجفف على كام لفة قمر الدين على قراسيا على مشمش على كام علبة لبن بودرة وعلبة تانج وشوية بلح ودمتم دة بالنسبة للياميش بقيت الحاجات كانت موجودة في الثلاجة وعادي زيها زي أي يوم مفيش تغيير يعني طالع من الهايبر ماركت بربع عربية طبعاً الناس بتبصلي على أساس أني شحات وأستحق الصدقة وللأسف هي هي نفس النظرة اللي تتبصلك لما ترشد في أستهلاك الكهرباء أو المياه أو في الأصرار على عدم ألقاء القمامة في الشارع وكله يقولك ياعم كبر ياعم فكك ياعم متدقش أوي كدة خليك حلو واللي يبصلك كأنك كائن من كوكب آخر للأسف عادات وتقاليد متخلفة وموروثات ثقافية صعب المصريين يتخلصوا منها بسهولة .
-
الهوجة دى اول اسبوع بس بعد كدة حتلاقى اسبوع راحة بعدين تلاقى كلة ساب الكنافة ومن اول الاسبوع التالت دخلنا فى الكحك لدرجة ان العيد يدخل وانت مش طايق الكحك اساسا !
-
المشكلة , لاقيت واحد قرييييييبى جدا عايز يفهمنى أنى انا ألى غلط
-
بحاول متعاملش مع الناس في رمضان أصلاَ لأن بتبقي الحالة منتهي التناقض
الناس بتهناَ بعض بشهر "الصيام" و هم بيشتروا أشهي الأكلات!
و بتتنرفز و تتخنق علي بعض و تنهي الخناقة بالجملة الإيمانية "اللهم إني صائم"! يا سلااام
الناس حاجة قبل الفطار و حاجة بعد الفطار أكن بعد الفطار ده ذو القعدة مش رمضان برضه مثلا!
بس هو مش في رمضان بالذات - مصر بلد التناقضات
-
الناس في مصر بتتقاس بكرشها
Content Relevant URLs by
vBSEO 3.6.0 PL2