بركة مياة فى العربية !!!!!!!!!!!!!!!!!!!!!!!!!!!!!!!!!!

**mohyeldien** · 10-08-2010 03:11 AM

اليوم فوجئت حين اردت غسيل سيارتى اللوجان ببركة مياة تحت الدواسات اللى عند الكرسى الامامى اللى يمين السائق
و طبعا ذهلت جدااا من كثرة هذة المياة خصوصا و ان التكيف اساسا فيه مشكلة انه بيأثر على السحب و ما بيرضى يشتغل فى الحر الشديد و طبعا انا عارف انه ده ممكن يكن شحن فريون و لكن انا بشغله برضه فى الاوقات العادية لكن المصيبة اللى ظهرت تحت الدوسات دى
تكون ايه يا ترى و الله كمية مياه كتيرة و ملحوظة بدرجة كبيرة و لولا اننى اضع اكثر من دواسة و تحتهم دواسة موكيت
لكانت المياة وصلت لكل العربية..
فهل فى أحد ظهرت عنده المشكلة دى و يا ترى ايه حلها
افيدونا افادكم الله

**Ahmed Samy** · 10-08-2010 03:16 AM

لو حضرتك بتشغل التكييف و القزاز مفتوح ولو حاجة بسيطة هاتزيد الحكاية قوي

بس الموضوع بسيط ده سد في فايص مية التكييف

ده خرطوم صغير موجود تحت العربية بيتنفخ أو يتسلك عند أي حد و دمتم

ماتقلقش

**mohyeldien** · 10-08-2010 02:19 PM

المشاركة الأصلية كتبت بواسطة ahmed samy

لو حضرتك بتشغل التكييف و القزاز مفتوح ولو حاجة بسيطة هاتزيد الحكاية قوي

بس الموضوع بسيط ده سد في فايص مية التكييف

ده خرطوم صغير موجود تحت العربية بيتنفخ أو يتسلك عند أي حد و دمتم

ماتقلقش

جزاك الله كل خير لكن يا اخى الحبيب انا فعلا روحت لكهربائى بص على الخرطوم قالى مفيش فيه مشكلة!!!
يبقى المشكلة من ايه و هل اشغل التكيف تانى و لا ايه

**Ahmed Samy** · 10-08-2010 02:31 PM

حتى لو الخرطوم سالك يقى الوصلة للخرطوم سايبة مثلا

روح لحد بتاع تكييفات أحسن

هي هاتطلع حاجة تافهة في الأخر بس لو سيبتها العربية هاتعمل ريحة وحشة

**ACE** · 10-08-2010 02:41 PM

حصلت معايا في الكليو وكلمت الميكانيكي جالي عملها في دقيقة
بس خسرت السخن
يعني التكييف بقي شغال بارد بس
هو عيب خطير في الرينو لان عربيتي عامت كلها واضطريت افك الفرش كله واسيبه في الشمس ورجعت ركبته تاني

**kdosoki** · 10-08-2010 04:28 PM

سيبك من الكهربائى وروح التوكيل
الموضوع مش هيكلفك غير شوية وقت
دقايق وتخرج والعربية كويسة وبلاش قصص الصنايعية اللى برة التوكيل

**kdosoki** · 10-08-2010 04:29 PM

المشاركة الأصلية كتبت بواسطة ace

حصلت معايا في الكليو وكلمت الميكانيكي جالي عملها في دقيقة
بس خسرت السخن
يعني التكييف بقي شغال بارد بس
هو عيب خطير في الرينو لان عربيتي عامت كلها واضطريت افك الفرش كله واسيبه في الشمس ورجعت ركبته تاني

الحكاية مافيهاش خسارة ولا حاجة
القصة فايظ التكييف يتسلك

**venomixus** · 10-08-2010 05:39 PM

الموضوع مالهوش أي علاقة بالتكييف لأنه حصل معايا في عربيتي القديمة وفي نفس المكان اللي حضرتك قولت عليه وهو غالباً فايص الصرف بتاع الميه اللي بتنزل من البربريز وراء الكبوت..تحت المساحات وللأسف أنا مصلحتش العيب ده بس كنت بقول للي بيغسل العربية انه ميجيبش ميه كتير في الحته دي.. نصيحة الحق صلحها قبل ما تضرب بارومة

**mohyeldien** · 11-08-2010 02:41 PM

شكرا لكم جميعا و ربنا يبارك فيكم و كل عام و انتم جميعا بخير و عافية
ان شاء الله فعلا هاروح التوكيل لكن بعد رمضان بقى ان شاء الله لان بصراحة المشوار بتاع التوكيل علقة جامدة

**JeeperDeiab** · 01-09-2010 09:32 AM

ياريت تبقا تفدنا بالحل

عشان المشكله دي موجوده عندي في الجراند شيروكي , وطلع ان العيب دا منتشر في الموديل دا

والسبب ان بيكون في تهريب من جلبه صغيره كدا تحت التلاجه

والاحسن طبعا انك تعالج مشكلة التصريف مش انك تسد الجلبه دي لانك لو سدتها ممكن الميه تتجمع جوا وتوصل للتلاجه فتضرب معاك وش

وكان من ضمن الحلول اللي سمعتها انه يتفتح فتحه ( 5 مم مثلا ) في ارضية الدواسة عشان التصريف

هو حل بس ماظنش انو عملي

والله اعلم

الموضوع: بركة مياة فى العربية !!!!!!!!!!!!!!!!!!!!!!!!!!!!!!!!!!

LinkBack

أدوات الموضوع

عرض

-

-

-

-

-

المواضيع المتشابهه

مياة الحنفية دمرت العربية (نقل التجربة للإفادة)

على بركة الله هشترى بيك

بركة مياة فى العربية !!!!!!!!!!!!!!!

مياة خضرة معا مياة عادية

لقيت بركة زيت تحت العربية

الكلمات الدلالية لهذا الموضوع

المفضلات

المفضلات

ضوابط المشاركة