الموضوع: الى كل احبائي الطيبين في المنتدى

المشاركة الأصلية كتبت بواسطة m.zaher

بالله عليك يا اخي
فكر تاني

احنا كلنا بنستفيد من بعض و لو انت عملت كده و انا عملت كده يبقى مش هانستفيد ولا هانعرف اي حاجة جديدة
ولو فيه حد زعلك قولي بس و انا اظبطهولك

لا ابدا والله ما فيش حد زعلني .. ده انا عمري في حياتي ما شفت منتدى زي المنتدى ده بصراحة
و تسلم على شعورك ده انا والله لولا اني بحبكم جدا و ليكوا معزه كان هيبقا اخر مداخله ليا اللي موجوده في الاول خالص و ما كنتش هرد حتى على المداخلات الجميلة دي كنت هشوفها لمجرد انكم ناس في منتهى الاحترام

رمضان كريم عليك

على فكره يا أخ : صلاح

لولا توافر الرأى والرأى الآخر

لما أزددنا معرفه

فالمعرفه الحق لا تأتى إلا بتناوب وتداول الآراء

ومش عيب أبدأ

أنى أصححلك أو تصححلى

فمفيش حد عارف كل حاجه

لأن حدود العقل البشرى محدوده

وكل ماواحد فينا يقول الحبه اللى عنده ونطلع بالنتيجه الصح

ستنمو وتربو المعرفه الصحيحه

________________

دا حتى بيقولوا فى المثل ....ياراجل ياطيب

القفه أم ودنين .....الصح يشيلوها أثنين

المشاركة الأصلية كتبت بواسطة msobhy

مش عارف اقول لحضرتك ايه يا استاذ صلاح لكن احب اقول لحضرتك ان حالتك زى حالتى بالظبط
تقريبا انا بقرأ 90% من مواضيع منتدى اللانوس - على الاقل بدخل مابين 4 - 6 مرات يوميا علشان اشوف المواضيع الجديدة
لكن بطلت نهائيا انى اشارك بأى حاجة مش عارف ليه - يمكن لما حد بيقول معلومة غلط ممكن اشارك بأنى أوجه الناس انها تتأكد من المعلومة الصح بس
واسمح لى يا استاذ صلاح انى استعير كلماتك بأنى اشكر كل الناس اللى علمتنى حاجات كتيييييييييييييييير جدا جدا وعلى رأسهم محمد ممدوح اللى بجد علمنى يعنى ايه عربيات
واحب اشكر كل الناس اللى فعلا بتساعد بدون اى مقابل او هدف
بحبكم كلكم فى الله
وكل عام وانتم بخير

يمكن احساسك نفس احساسي بس مع اختلاف بس شوية حجات كدا خلتني أقرر القرار ده النهاردة
رمضان كريم يا باشا

المشاركة الأصلية كتبت بواسطة mahdyez

الله بيسامح الناس على اخطائهم ويكون الانسان فى قمه السعاده ان ربنا بيحبه
ارجو ان تكون فهمت قصدى

انا مبقاليش فترة طويلة في المنتدى بس اللي انا شايفه دلوقتي من الناس يعرفني معنى كلامك
شكرا على مجاملتك

المشاركة الأصلية كتبت بواسطة samirayad

على فكره يا أخ : صلاح

لولا توافر الرأى والرأى الآخر

لما أزددنا معرفه

فالمعرفه الحق لا تأتى إلا بتناوب وتداول الآراء

ومش عيب أبدأ

أنى أصححلك أو تصححلى

فمفيش حد عارف كل حاجه

لأن حدود العقل البشرى محدوده

وكل ماواحد فينا يقول الحبه اللى عنده ونطلع بالنتيجه الصح

ستنمو وتربو المعرفه الصحيحه

________________

دا حتى بيقولوا فى المثل ....ياراجل ياطيب

القفه أم ودنين .....الصح يشيلوها أثنين

ياريت يا استاذ سمير الموضوع يوقف بس على انك تصحح لحد او حد يصححلك .
انا فضلت اني ماشاركش و اني اشكركم و اعلن اني هكون مشاهد بس و ده مش تضيع وقت اعضاء المنتدى يا ستاذ سمير في لا سمح الله او عشان اي غرض تاني او هو مجرد اعتزال عضو .... أو ... أو
بس اصل انا في كام موقف حصلوا في المنتدى في خلال المية حاجة و ستين مشاركة اللي شاركت فيهم و أخرهم الموضوع بتاع حضرتك في المشكلة الاخيرة اللي ادت لايقافك .(من الحجات اللي استعجبت انها حصلت لواحد زي حضرتك ما شفناش منه غير الاحترام و المشاركات الهايلة بصراحة)
و بعدين سبحان الله قبل ما المشكله بتاعة حضرتك دي ما تحصل والله العظيم .... اقسم بالله انا كنت فعلاً بفكر في الموضوع بجد اني مش هسيب المنتدى خالص انا هتفرج بس احسن ليا من اني اشارك و حد يروح حدفني كلمة وانا من الناس اللي مبعرفش ارد ولا بحلو ولا بوحش لو حد أساء ليا

ما علينا يا حبيبنا و حبيب الملايين اللي مشاركين في المنتدى
انا وعدت حضرتك اني اول ما هنزل مصر لازم هشوفك ان شاء الله
انا ساكن في ارض الجمعيات على فكرة ... على فكرة يا شباب محدش هيعرف ارض الجمعيات دي غيري انا و الاستاذ سمير

بس اصل انا في كام موقف حصلوا في المنتدى في خلال المية حاجة و ستين مشاركة اللي شاركت فيهم و أخرهم الموضوع بتاع حضرتك في المشكلة الاخيرة اللي ادت لايقافك .(من الحجات اللي استعجبت انها حصلت لواحد زي حضرتك ما شفناش منه غير الاحترام و المشاركات الهايلة بصراحة)

أنت كده دوست على الجرح

وحتخلينى أفكر زيك

أبقى متفرجا وليس لعيبا

انا وعدت حضرتك اني اول ما هنزل مصر لازم هشوفك ان شاء الله
انا ساكن في ارض الجمعيات على فكرة ... على فكرة يا شباب محدش هيعرف ارض الجمعيات دي غيري انا و الاستاذ سمير

حنتظرك ياباشا بجوار مسجد الأسراء

حنتظرك ياباشا بجوار مسجد الأسراء


ان شاء الله يا استاذنا و نقعد مع بعض و ندردش براحتنا