الموضوع: بخصوص تربية القطط ؟؟؟

الله ينور مارايجيبت وكل الناس اللي شاركوا هدلي بدلوي بقي حاجة صغيرة كده القطط بتطعم تطعيم اسمه الرباعي ده ضد 4 فيروسات اول مرة بيكون التطعيم مرتين عند عمر 3شهور تقريبا يعني جرعة اولي وبعدين جرعة منشطة والدكتور هيقلك تعاللي كل سنة ينشط التطعيم ويطعم القط تاني المهم في امريكا مجموعة كبيرة من البيطريين اكتشفوا ان مرة واحدة يعني اول سنة كفاية ومش لازم كل سنة تطعيم خصوصا بيزيد احتمال اصابة القطط بالسرطان بس البيزنس والدكاترة لو قلتلله كده يقلك ايه الكلام الفارغ ده.....حمام القط الرملة بتجاب من الموان عادي وشكارة الرملة بجنيه وفي مناطق بجنيه ونص والبواب بيجيبهاللك وياخدله اللي في النصيب وفعلا هتحتاج شكارة غير ان الرملة بتغير ريحة البيت والناس اللي بتيجي بتشمها غير اصحاب البيت لأنهم اتعودا افضل حل لما تجيب قط صغير البيبة اللي في الحمام تعودوا عليها وده من صغره اول ميتفطم ويبتدي ياكل ويبتدي الإخراج عالبيبة عدل مرة الصبح وبالليل وبعد مياكل عشان يتعود.....وممكن تعوده عالتواليت زي ما مارايجيبت قال واللينك بتاع السايت اهو Litter Kwitter - The Original Cat Toilet Training Kit ربنا يبارك لك يا ماايجيبت نفسي اجيب البتاع ده,وممكن تفصل قعدات التواليت لغاية مالقط يتعلم يعمل فالتواليت تفصلها عند نجار او بتاع بلاستيك علي اساس ان بتحط عالتواليت قعدة بس فيها رملة وحبة حبة تصغر القعدة وفيها رملة برده وبعدين تشلها خالص ويتعود عالتواليت عادي بعد كده وفي فيديوهات عاليوتيوب بتوضح كده والرملة بتتغير لو قط واحد قول مرة واحدة اواتنين بالكتير فاليوم واكياس الرملة الوسخة اللي بترميها فالزبالة بتخللي الزبال يتنك عليك عشان ياخد فلوس زيادة ومرة ساب الزبالة اسبوع ومخدهاش ومعرفتش اشوف وشه قلت للبواب يكلمه لما يشوفه مع ان كيس الرملة ده ربع الزبالة واغلبها زبالة وكلها زبالة هههههههه وياريت متطعمش القط في محلات الطيور الأفضل والصح البيطري وبالتوفيق يالورد

المشاركة الأصلية كتبت بواسطة MarEgypt

ياباشا والله لا شكر ولا حاجه - انا بحب القطط - وبحب حديث القطط - هههههه

رمل المبانى الى كان عندى : كان بقايا من البيت - بسس اساساً بيجى من المحاجر
لكن كميه صغيره اعتقد ممكن تلاقيها عند اى تاجر اسمنت صغير - الى بيبعوا اسمنت بالكيلو
افتكر لما ركبت الدش والتكييف وكنت محتاج 5 كيلو اسمنت وجبس - الراجل الى اشتريت منه كان عندوا رمله وزلط فى المحل

التطعيم بيقولك عليه الدكتور - بس فى حاجه عند عمر 3 شهور وحاجه عند عمر 6 شهور وحاجه كل سنه
مش فاكر بالظبط - بس الدكتور البيطرى بيكون عارفهم

موضوع الذكر : كان عندى قط واحد هو الى عمل العمله المنيله دى على الحيط ذى الكلاب
المهم ، عشان تفهم القط ان الى عمله دا غلط لازم تضربه (ضرب خفيف او ترش على وشه ميه خفيفه ، انا بافضل الضرب) - وعشان يعرف ان الضرب دا عشان العمله دى ، بتعمل ايه: بتمسك القط وتقرب وشه من البول او القذاره الى عملها لحد ما تبقى مناخيره قريبه اوى (ما تلزقهاش) وبعدين تضربه كذا مره وهو فى الوضع دا - لو كررها تانى - تكرر الموضوع دا مره تانى بس تضربه اكتر واجمد شويا ، وهو بعد كدا مش هيعمل كدا تانى

بعد كدا هتلاقى القط ماسك نفسه شويا (فى المعقول) لو باب الحمام مقفول - لحد ما تفتحله الباب - عشان ما يضربش تانى

غالباً القط (لو مش غبى اوى) بيفهم بسرعه خاصتاً وهو صغير

اقول اية طيب؟!؟! شكرا شكرا شكرا شكرا شكرا شكرا شكرا شكرا شكرا شكرا شكرا شكرا

المشاركة الأصلية كتبت بواسطة azmeralda

طب متجرب العصافير ولا تطعيم ولا تكسوبلازما ولا رمل ولا ماكريل
انا ربيت الأتنين

العصافير هتبقى مملة لو عادية يعنى لو معرفتش تدربها زى مقلتلك كده وده عايز طولة بال او تجيبهم من حد معلمهم اصلا واللى هيفقسوا عندك هيبقوا معاك فى اوضتك طبيعى وعرفينك من الاول
خصوصا انهم مبيعرفوش يطيروا فى الاول فهيتعودوا عليك جامد

والله يا ازميرالدا الواحد خلقة ضيق و انا عارف انى مش هعرف اربى عصفور او حتى اتعامل معاه ازاى

المشاركة الأصلية كتبت بواسطة AhMeD EzZ

الرمل الطبي انا جبتة من كارفور الكيلو كان في حدود 25 جنية بس ميزتة ان القط لما يعمل حمام علية الجزء دة بيتحول لزي حجر كدة و يتشال لوحدة
بالنسبة للاكل
القطط تحب التنويع يعني ممكن تزهق من الاكل
انا بجبلها علبة البسكويت او ال dry food زي ما بيقولو عليها " و هي بالمناسبة اكتر حاجة موفرة بس ممكن يزهق منها " ب 11 جنية نوع مستورد مش مصري اسمة frisks العلبة 900 جرام تقعد حوالي اسبوع
و ممكن بعد يومين اجيبلة علبة او كيس .wet.food و دي في منها نوعين في علبة اسمها سنوبي توم دي حوالي 350 جرام دي ب 10 جنية
و في كيس frisks ب 6 جنية بس دة بيبقي صغير
و ممكن في يوم ادي جبنة رومي او روكفورت
و يوم اجيبلة علبة سردين بنوعلة يعني
و خد بالك القطط ممكن تبقي تنكة اوي يعني لو الاكل مش عاجبها تسيبة لمدة يوم و اكتر و تصعب عليكي في الاخر و تجيبلها الي هي عايزاه
بالنسبة للتطعيمات يفضل طبعا عند دكتور
بالنسبة بقي لذكر او انثي كل واحد ليه مميزاتة
يعني الذكر شقي و يحب اللعب اوي
و الانثي لما تخلف و تشوفها مع اولادها و تاخد بالها منهم بيبقي برضة حلو جداااا
عموما تربية القطط ممتعة جداااا انا والدي اول ما جت القطة كان رافض وجودها
دلوقتي هو الي بيجبلها الاكل بنفسة و ياااه بقي لو شافني بضربها او بزعقلها ممكن يقتلني فيها

الف شكر يا باشا على الرد و يارب يخليلك الوالد و يفضل يزعق على طول و انت تفضل تضرب على طول

المشاركة الأصلية كتبت بواسطة windsofchange

الله ينور مارايجيبت وكل الناس اللي شاركوا هدلي بدلوي بقي حاجة صغيرة كده القطط بتطعم تطعيم اسمه الرباعي ده ضد 4 فيروسات اول مرة بيكون التطعيم مرتين عند عمر 3شهور تقريبا يعني جرعة اولي وبعدين جرعة منشطة والدكتور هيقلك تعاللي كل سنة ينشط التطعيم ويطعم القط تاني المهم في امريكا مجموعة كبيرة من البيطريين اكتشفوا ان مرة واحدة يعني اول سنة كفاية ومش لازم كل سنة تطعيم خصوصا بيزيد احتمال اصابة القطط بالسرطان بس البيزنس والدكاترة لو قلتلله كده يقلك ايه الكلام الفارغ ده.....حمام القط الرملة بتجاب من الموان عادي وشكارة الرملة بجنيه وفي مناطق بجنيه ونص والبواب بيجيبهاللك وياخدله اللي في النصيب وفعلا هتحتاج شكارة غير ان الرملة بتغير ريحة البيت والناس اللي بتيجي بتشمها غير اصحاب البيت لأنهم اتعودا افضل حل لما تجيب قط صغير البيبة اللي في الحمام تعودوا عليها وده من صغره اول ميتفطم ويبتدي ياكل ويبتدي الإخراج عالبيبة عدل مرة الصبح وبالليل وبعد مياكل عشان يتعود.....وممكن تعوده عالتواليت زي ما مارايجيبت قال واللينك بتاع السايت اهو Litter Kwitter - The Original Cat Toilet Training Kit ربنا يبارك لك يا ماايجيبت نفسي اجيب البتاع ده,وممكن تفصل قعدات التواليت لغاية مالقط يتعلم يعمل فالتواليت تفصلها عند نجار او بتاع بلاستيك علي اساس ان بتحط عالتواليت قعدة بس فيها رملة وحبة حبة تصغر القعدة وفيها رملة برده وبعدين تشلها خالص ويتعود عالتواليت عادي بعد كده وفي فيديوهات عاليوتيوب بتوضح كده والرملة بتتغير لو قط واحد قول مرة واحدة اواتنين بالكتير فاليوم واكياس الرملة الوسخة اللي بترميها فالزبالة بتخللي الزبال يتنك عليك عشان ياخد فلوس زيادة ومرة ساب الزبالة اسبوع ومخدهاش ومعرفتش اشوف وشه قلت للبواب يكلمه لما يشوفه مع ان كيس الرملة ده ربع الزبالة واغلبها زبالة وكلها زبالة هههههههه وياريت متطعمش القط في محلات الطيور الأفضل والصح البيطري وبالتوفيق يالورد

الف شكر يا باشا على اهتمامك

يبقى مبروك القطة او القط

القطط فظيعة على فكرة
احنا كان عندنا قطة قعدت 10 سنين
والدكر احلى بكتير ببقى لذيذ
والشيرازى اموور اوى