الموضوع: بخصوص تربية القطط ؟؟؟

اولا قلبك جامد عشان لو اتعلقت بها وعاشت معاك سنين وكده كده عمرها قصير بصراحة لما بتموت بيبقى نكد فظيع


انا اسمى على المنتدى ازميرالدا ده اسم العصفورة الأسترالى بتاعتى وكنت مدرباها تدريب جامد لدرجة انها معظم الوقت كانت بره القفص عايشة معايا فى الأوضة وواقفة على كتفى وبتتمشى فى الشقة وكانت بتحركلى راسها عشان اهرشلها فى خدها حركات مبتعملهاش العصافير الا لعصافير تانية بتحبها وطبعا جالها مرض وحاولت اعالجها! وماتت من 10 سنين ولحد النهاردة حزينة عليها ومنسيتهاش



عالعموم اكيد الموضوع للشباب هيبقى اسهل من البنات


نرجع للقطط




فى حاجة اسمها التكسوبلازما ممكن تصيب القطط وتتنقل للأنسان بس الطريقة من براز القطة لطعام الأنسان فلازم تتخلص من الرمل اول باول وفى رمل طبى مخصوص والبس جوانتى غير معقم واغسل ايدك قبل الأكل وخليها متطلعش عالسفرة وتوديها للطبيب البيطرى كل 6 شهور
وطبعا الطفيل ده بيسبب الأجهاض بس له علاج وهو برضه ممكن يجى لحد متعاملش مع قطط طول حياته من اللانشون والسوسيس واللحوم غير المطهية جيدا واللبن غير المغلى و الدبان والصرصار ممكن ينقله والقطط بتشكل 30% بس من طرق العدوى


العناية

الاستحمام والا جسمها يبقى معمل حشرات بس متخليش المياه تدخل ودنه وفيه تطعيمات لازم تديهاله بانتظام كأن عندك بيبى
ومتخليهاش تجوع ولا تشبع قوى هى معظم القطط عندها حاجة اسمها الدناءة يعنى مهما شبعت ممكن تفضل تاكل برضه

وخلى بالك طالما اخترت حاجة زى كده دى مسئولية وبقت روح متعلقة فى رقبتك

ابعدها عن اى مكان فيه نفتالين










اعمار القطط من 13 الى 15 عام واقصى حاجة 19 بس ده مبيحصلش

فى قطط بتبقى متدربة تستخدم قاعدة التواليت بدل الرمل لو عندكو تواليت زيادة فى البيت هيبقى انظف واريح

لو فى اى حد عندكو عنده امراض تنفسية يبقى مينفعش قطط عشان شعرها اللى بيقع

طبعا اكتب على google محبى القطط او منتديات الحيوانات الأليفة هتلاقى معلومات عظيمة جرب our pet club

احذرك ان الستاير طبعا والعفش هتتقطع وتتنسل لازم ظوافرها تتقص والا هتمارس هوايتها فى شد كل حاجة

انا عندى 3 قطط وبسؤال الدكتور على سؤالك قال المرض ده منتشر فى الهواء يعنى من الاخر لو القطة بتطعم فى موعيده والرمل الصناعى نظيف وله الفرشة الخاصة بها يبقه مافيش مشكله القطة جميله جداااا

انا عندى قطط من اول ما وعيت على الدنيا
بلدى (أو رومى) - و شيرازى - وسيامى (تايلاندى)

البلدى: قط جميل جدا ويحب اللعب وغير ملكلف فى تربيته وفضولى جداً، بيحب يستحم وينظف نفسه ، وبياكل اى حاجه فى البيت
الشيرازى: قط هادى وخمول جدااا ومش بياكل أى حاجه ، ومش بينظف نفسه لازم انت تسحمه كل اسبوع او اسبوعين
السيامى: قط شقى ويحب اللعب جداً وصياد ماهر (مره صاد ثعبان وقتله وجابه رماه قدامى) بيحب يستحم وينظف نفسه ، وبياكل حسب ما تعوده

غالباً بيكون الذكر اشقى من الانثى فى اللعب
بالنسبه للاكل: كنت باحط لهم الأكل قبل ما ناكل عشان مينطوش على رجلك وانت بتاكل
بخصوص الحمام: انا ساكن فى عمارة عيله (يعنى انا واخواتى ووالدى كل واحد شقه ومفيش حد غريب) ، فكنت حاطط رمله كتير فوق السطح فى مكان مكشوف للشمس ، ومعوده يطلع فوق السطح، ولما يلاقى باب الشقه مقفول يقف عند الباب وينونو بصوت عالى لحد ما حد يفتحله الباب، ولما يرجع برضوا ينونو بصوت عالى ويخبط بإده على الباب لحد ما حد يفتحله ويدخل، وساعات فى نص اليل كان بيصحينى عشان افتحله الباب، ولو عملها فى مكان غير المخصص له كنت باضربه على خفيف، او ارش على وشه شوية مايه، لأن القطط بتخاف من القطط خالص - كمان ممكن انك تعوده على الحمام لو مش متعود - فى ادوات لكده فى Litter Kwitter - The Original Cat Toilet Training Kit

فى تطعيمات بياخدوها القطط عشان الامراض - ولو حسيت انه مرض وديه لدكتور بيفهم - والله كان عندى قطه حوالى 3 شهور واخدت دور برد - الدكتور البيطرى ادها جرعة مضاد حيوى - وبعد 6 ساعات حسيت ان حالتها بقيت أسواء من الاول - وديتهالوا تانى - قام اداها جرعه تانى - بعد 12 ساعه ماتت

انا اختى الصغيره اتولدت وفى قطط فى البيت لحد ما اتجوزت واتنقلت لبيت جوزها - والحمد لله ربنا رزقها ببيبى بعد 9 شهور من الجواز

القط حيوان جميل جدااااااااااااااااااااااا اااااااااا - وهتحس انك مسؤل منه خالص (مش عاوز اقول ذى ابنك عشان مبقاش بابالغ - لكن حاجه قريبه من كدا) - لدرجة لما كان اطفال من قرايبى يجوا عندنا ويضايقوا كنت بازعق فيهم - وادخلوا فى اوضه لحد ما يمشوا عشان محدش يضايقه

ولو لقد الله مات او طفش او اتسرق وانت متعلق بيه - هتزعل عليه خالص

لأن القطط بتعمل حجات كدا تخليت تحبها ولو سافرت فتره هتحس فعلاً ان القط وحشك
ولما ترجع هتتفاجئ انك كمان وحشته - وهتلاقيه اول ما يشوفك بعد ما ترجع ، يغمم (يقرى) ويتمسح فيك ويمشى معاك ولما تقعد ينط على حجرك ويبقى مش عاوز يسيبك، وتحس انه بيحبك بجد

وبس

الف شكر يا جماعة على الردود

المشاركة الأصلية كتبت بواسطة Eng.Geo

بتجيب عقم ده الحقيقة معرفش
طريقة التربية و النظافة :
لو جولك صغيرين يبقي هيشربوا لبن وميه و أكل قطط ( أكل كدة بيبقي ملون وشيه البسكويت وصغير وغالبا بيبقي شكل السمك )
هتحط الأكل ده في حته معينه
ياكلوا تشيل الأكل .... متسيبش الأكل علي طول
هتجيب رمل عشان يعملوا فيه حمامهم
في رمل مخصص للكلام ده عند بتوع الحيوانات
ولو عملت في مكان تاني بتضربها .... لازم تضربها عشان ماتعملش فيه تاني .... بس بالراحة :)
ولما تكبر شوية بتاع سنة كدة يبقي لازم تأكلها حاجة كمان بدل اللبن
انا بأكلها ماكريل ( سمك ماكريل ) بيتباع في علب زي التونة ... يتخلطله بفينو وهما بيحبوه جدا
وطبعا أي أكل عندك في البيت لازم هتعزم :)
ماياكلوش علي السوفرة أو المكان اللي بتاكل فيه أبداااااااااا
لو أكلتهم مرة ... هيطلعوا كل مرة عايزين ياكلوا
ولو في ضيوف ولا حاجة هتبقي محرجة جدا
الأكل في مكان الأكل بتاعهم فقط
الحاجات اللي تبقي مستعد ليها :
انك هتتعب في الأول
ده الحاجات اللي فاكرها دلوقتي
يا رب أكون عرفت أفيدك
منتظر منك أسأله

انت اللى خوفتنى جامد هى هتيجى تخرب بيتى ؟

انا كنت هجلها مثلا البسكويت ده فى المناسبات و تاكل من اللى فى البيت دايما (اكل نضيف يعنى تونة على عيش ولبن و كدة )

المشاركة الأصلية كتبت بواسطة azmeralda

اولا قلبك جامد عشان لو اتعلقت بها وعاشت معاك سنين وكده كده عمرها قصير بصراحة لما بتموت بيبقى نكد فظيع


انا اسمى على المنتدى ازميرالدا ده اسم العصفورة الأسترالى بتاعتى وكنت مدرباها تدريب جامد لدرجة انها معظم الوقت كانت بره القفص عايشة معايا فى الأوضة وواقفة على كتفى وبتتمشى فى الشقة وكانت بتحركلى راسها عشان اهرشلها فى خدها حركات مبتعملهاش العصافير الا لعصافير تانية بتحبها وطبعا جالها مرض وحاولت اعالجها! وماتت من 10 سنين ولحد النهاردة حزينة عليها ومنسيتهاش



عالعموم اكيد الموضوع للشباب هيبقى اسهل من البنات


نرجع للقطط




فى حاجة اسمها التكسوبلازما ممكن تصيب القطط وتتنقل للأنسان بس الطريقة من براز القطة لطعام الأنسان فلازم تتخلص من الرمل اول باول وفى رمل طبى مخصوص والبس جوانتى غير معقم واغسل ايدك قبل الأكل وخليها متطلعش عالسفرة وتوديها للطبيب البيطرى كل 6 شهور
وطبعا الطفيل ده بيسبب الأجهاض بس له علاج وهو برضه ممكن يجى لحد متعاملش مع قطط طول حياته من اللانشون والسوسيس واللحوم غير المطهية جيدا واللبن غير المغلى و الدبان والصرصار ممكن ينقله والقطط بتشكل 30% بس من طرق العدوى


العناية

الاستحمام والا جسمها يبقى معمل حشرات بس متخليش المياه تدخل ودنه وفيه تطعيمات لازم تديهاله بانتظام كأن عندك بيبى
ومتخليهاش تجوع ولا تشبع قوى هى معظم القطط عندها حاجة اسمها الدناءة يعنى مهما شبعت ممكن تفضل تاكل برضه

وخلى بالك طالما اخترت حاجة زى كده دى مسئولية وبقت روح متعلقة فى رقبتك

ابعدها عن اى مكان فيه نفتالين










اعمار القطط من 13 الى 15 عام واقصى حاجة 19 بس ده مبيحصلش

فى قطط بتبقى متدربة تستخدم قاعدة التواليت بدل الرمل لو عندكو تواليت زيادة فى البيت هيبقى انظف واريح

لو فى اى حد عندكو عنده امراض تنفسية يبقى مينفعش قطط عشان شعرها اللى بيقع

طبعا اكتب على google محبى القطط او منتديات الحيوانات الأليفة هتلاقى معلومات عظيمة جرب our pet club

احذرك ان الستاير طبعا والعفش هتتقطع وتتنسل لازم ظوافرها تتقص والا هتمارس هوايتها فى شد كل حاجة

فى حالة حضرتك العصافير مش مملة اطلاقا

بس اشمعنى النفتالين ؟

يعنى المفروض اغير الرمل اول مالقط يستخدمو ولا بعد يوم او اثنين ؟

المشاركة الأصلية كتبت بواسطة mahgary

انا عندى 3 قطط وبسؤال الدكتور على سؤالك قال المرض ده منتشر فى الهواء يعنى من الاخر لو القطة بتطعم فى موعيده والرمل الصناعى نظيف وله الفرشة الخاصة بها يبقه مافيش مشكله القطة جميله جداااا

انا اللى اعرفو ان مفيش تطعيم للمرض ده ولا يمكن التعامل معاه الا بتغيير الرمل و كدة الواحد يبقى خايف ل فى يوم ينسى يغير الرمل يلاقى التكسوبلازما بتجرى فى البيت

المشاركة الأصلية كتبت بواسطة MarEgypt

انا عندى قطط من اول ما وعيت على الدنيا
بلدى (أو رومى) - و شيرازى - وسيامى (تايلاندى)

البلدى: قط جميل جدا ويحب اللعب وغير ملكلف فى تربيته وفضولى جداً، بيحب يستحم وينظف نفسه ، وبياكل اى حاجه فى البيت
الشيرازى: قط هادى وخمول جدااا ومش بياكل أى حاجه ، ومش بينظف نفسه لازم انت تسحمه كل اسبوع او اسبوعين
السيامى: قط شقى ويحب اللعب جداً وصياد ماهر (مره صاد ثعبان وقتله وجابه رماه قدامى) بيحب يستحم وينظف نفسه ، وبياكل حسب ما تعوده

غالباً بيكون الذكر اشقى من الانثى فى اللعب
بالنسبه للاكل: كنت باحط لهم الأكل قبل ما ناكل عشان مينطوش على رجلك وانت بتاكل
بخصوص الحمام: انا ساكن فى عمارة عيله (يعنى انا واخواتى ووالدى كل واحد شقه ومفيش حد غريب) ، فكنت حاطط رمله كتير فوق السطح فى مكان مكشوف للشمس ، ومعوده يطلع فوق السطح، ولما يلاقى باب الشقه مقفول يقف عند الباب وينونو بصوت عالى لحد ما حد يفتحله الباب، ولما يرجع برضوا ينونو بصوت عالى ويخبط بإده على الباب لحد ما حد يفتحله ويدخل، وساعات فى نص اليل كان بيصحينى عشان افتحله الباب، ولو عملها فى مكان غير المخصص له كنت باضربه على خفيف، او ارش على وشه شوية مايه، لأن القطط بتخاف من القطط خالص - كمان ممكن انك تعوده على الحمام لو مش متعود - فى ادوات لكده فى Litter Kwitter - The Original Cat Toilet Training Kit

فى تطعيمات بياخدوها القطط عشان الامراض - ولو حسيت انه مرض وديه لدكتور بيفهم - والله كان عندى قطه حوالى 3 شهور واخدت دور برد - الدكتور البيطرى ادها جرعة مضاد حيوى - وبعد 6 ساعات حسيت ان حالتها بقيت أسواء من الاول - وديتهالوا تانى - قام اداها جرعه تانى - بعد 12 ساعه ماتت

انا اختى الصغيره اتولدت وفى قطط فى البيت لحد ما اتجوزت واتنقلت لبيت جوزها - والحمد لله ربنا رزقها ببيبى بعد 9 شهور من الجواز

القط حيوان جميل جدااااااااااااااااااااااا اااااااااا - وهتحس انك مسؤل منه خالص (مش عاوز اقول ذى ابنك عشان مبقاش بابالغ - لكن حاجه قريبه من كدا) - لدرجة لما كان اطفال من قرايبى يجوا عندنا ويضايقوا كنت بازعق فيهم - وادخلوا فى اوضه لحد ما يمشوا عشان محدش يضايقه

ولو لقد الله مات او طفش او اتسرق وانت متعلق بيه - هتزعل عليه خالص

لأن القطط بتعمل حجات كدا تخليت تحبها ولو سافرت فتره هتحس فعلاً ان القط وحشك
ولما ترجع هتتفاجئ انك كمان وحشته - وهتلاقيه اول ما يشوفك بعد ما ترجع ، يغمم (يقرى) ويتمسح فيك ويمشى معاك ولما تقعد ينط على حجرك ويبقى مش عاوز يسيبك، وتحس انه بيحبك بجد

وبس

الف شكر يا باشا على ردك واضح انك (دايس قطط)

انا مينفعش احط الرمل برة البيت لان فية قطط بتدخل البيت + انا ساكن فى عمارة 12 دور و طلوع السطوح مش سهل خالص

فانا كدة مضطر احط الرمل فى الحمام

السؤال

اجيب رمل منين + اغيرو كل اد اية + تاكل اية و ميكنش مكلف عشان اعودها علية + التطعيمات دى لازم عند دكتور ولا ممكن محل قطط و كلاب (اسمع انة ممكن) + اجيب ذكر ولا انثى

تعبتك معايا بس الواحد مصدق

المشاركة الأصلية كتبت بواسطة lordfear

السؤال

اجيب رمل منين + اغيرو كل اد اية + تاكل اية و ميكنش مكلف عشان اعودها علية + التطعيمات دى لازم عند دكتور ولا ممكن محل قطط و كلاب (اسمع انة ممكن) + اجيب ذكر ولا انثى

تعبتك معايا بس الواحد مصدق

لا شكر ولا حاجه - انت الى ذوق جدا

انا كنت حاطط رمل عادى - بتاع المبانى
كل أد ايه؟ حسب الكميه - أو لما يتبل - لو مثلاً كميه حوالى نص صفيحة جبنه يبقى تقريباً كل اسبوع
فى وقت كان عندى قطه انثى وولدت 6 قطط :) - فأكلهم كان محتاج ميزانيه لوحده لو اتعودوا على السمك
الصغيرين بعد ما يخلصوا رضاعه - ولحد حوالى شهرين كنت باكلهم عيش مع زبادى أو لبن
وبعد كدا اكل من البيت عادى (افت لهم عيش مع طبيخ "ملوخية - باميه - فاصوليه - ...." مع قطع لحمه مستويه بسيطه أو دهن ملبس مستوى خفيف "انا مش بحب الدهن فكنت باديه للقطط" - ومش كل مره)
كان عندى قط بلدى بيموت فى الفاصوليا الناشفه مطبوخه طبعاً - مش عارف ليه؟ - من غير لحمه او دهن او اى حاجه - ودا كان بلدى وكان حجمه كبير ووزنه حوالى 5.5 الى 6 كيلو
القطط بتحب خالص الشامى "ملوق أو مشوى" - دى برضوا حاجه مش فاهمه ليه؟
القطط بتحب البيض واللبن واللحوم - ووجبتها المفضله الاسماك بكل انواعها
اى أكل انت بتخلطه مع العيش - ولو ولفته من صغره على اكل القطط الى فى المحلات أو اللحوم بس او التونه والسمك بس - هيقرفك ومش هياكل غيرهم
اكتر قط كان مكلف فى أكله الشيرازى
انا عمرى ما حسيت ان القط عمل عبئ مادى فى اكله - هو بياكل من اكل البيت


القط بيحس وبيزعل - مره كان عندنا قط - وبعدين كان اخويا منيمه معاه والباب مقفول - وعملها فى الاوضه تحت السرير
فأخويا ضربه - وهو كان يحب اخويا جداً ويحب ينام عند رجليه كل يوم - فالقط زعل وطفش 15 يوم
وبعدين رجع خاسس خالص وطبعا مش نضيف وعاوز يستحمى - وكان بينونو بصوت عالى - بيعط - وراح نونو عند اوضة اخويا ، اخويا فتحله ولما لقيه مش نضيف مرضيش يدخلوا ، القط نونو بصوت عالى وعيط ، وبعدين طفش ومرجعش تانى خالص ، مع انه كان عندنا 6 سنين - ومعروف ان القطط بتربط بالمكان الى اتربط بيه - ولو اتنقل لمكان تانى بيكون منزعج جداً - عكس الكلاب بترتبط بصاحبها مش بالمكان

التطعيمات: فى نفس الشارع الى ساكن فيه ن يوجد صيدليه بيطريه - فيها دكتور بيطرى - بأودى القطط عنده

ذكر ام أنثى : دى ترجع لك ، انا بحب لعب القطط خالص - عشان كدا بحب الذكر اكثر من الانثى
وعلى فكره اكثر وقت تلعب قيه القطط وهى صغيره (أول سنه) بعد كدا بيصاب بالخمول
الذكر بيكون انشط وممكن يلعب على كبر - بس على خفيف - وبيكون حجمه اكبر - انا بحب القطط الكبيره
الانثى هاديه عن الذكر غالباً - فالموضوع يرجع لك.
وبعدين القطط فيها الغبى والذكى أنت وحظك بقى
بس القط الذكى بيكون ممتع جدا
كان عندى قط لما العب معاه كان بيلعب من غير ما يخرج اظافره - وممكن كنت العب معاه بالساعه والاتنين قبل ما انام
وبخاصه لما تلاعبه بحاجه بتتحرك او تقلبه على ظهره على السرير وتلعب بايدك فى بطنه (ذى ما تكون بتزغزغ طفل صغير) - بس دا للقطط الصغيره ، عشان لما بيكبر ممكن يتضايق من حركة الزغزغه دة ويتغابى عليك
وكان عندى قط نانى - اى لعب معاه بالدم على طول - لانه كان بيحب يلعب باظافره البيه - هههههههه
بس لما تقص له اظافره بيبقى الخوف اقل

المهم ابعد عن القط الشرس (النافور) - لان دا هيكرهك فى القطط كلها
والقط النافور الى لو ضايقتة شويا أو ازعجته بصوت عالى (خضيته) أو حد غريب حاول يمسكه فى البيت - تلقيه فى وضع هجوم وتأهب ويعمل صوب بحيح كدا ببقه ذى ما يكون ثعبان بيبخ

المشاركة الأصلية كتبت بواسطة MarEgypt

لا شكر ولا حاجه - انت الى ذوق جدا

انا كنت حاطط رمل عادى - بتاع المبانى
كل أد ايه؟ حسب الكميه - أو لما يتبل - لو مثلاً كميه حوالى نص صفيحة جبنه يبقى تقريباً كل اسبوع
فى وقت كان عندى قطه انثى وولدت 6 قطط :) - فأكلهم كان محتاج ميزانيه لوحده لو اتعودوا على السمك
الصغيرين بعد ما يخلصوا رضاعه - ولحد حوالى شهرين كنت باكلهم عيش مع زبادى أو لبن
وبعد كدا اكل من البيت عادى (افت لهم عيش مع طبيخ "ملوخية - باميه - فاصوليه - ...." مع قطع لحمه مستويه بسيطه أو دهن ملبس مستوى خفيف "انا مش بحب الدهن فكنت باديه للقطط" - ومش كل مره)
كان عندى قط بلدى بيموت فى الفاصوليا الناشفه مطبوخه طبعاً - مش عارف ليه؟ - من غير لحمه او دهن او اى حاجه - ودا كان بلدى وكان حجمه كبير ووزنه حوالى 5.5 الى 6 كيلو
القطط بتحب خالص الشامى "ملوق أو مشوى" - دى برضوا حاجه مش فاهمه ليه؟
القطط بتحب البيض واللبن واللحوم - ووجبتها المفضله الاسماك بكل انواعها
اى أكل انت بتخلطه مع العيش - ولو ولفته من صغره على اكل القطط الى فى المحلات أو اللحوم بس او التونه والسمك بس - هيقرفك ومش هياكل غيرهم
اكتر قط كان مكلف فى أكله الشيرازى
انا عمرى ما حسيت ان القط عمل عبئ مادى فى اكله - هو بياكل من اكل البيت


القط بيحس وبيزعل - مره كان عندنا قط - وبعدين كان اخويا منيمه معاه والباب مقفول - وعملها فى الاوضه تحت السرير
فأخويا ضربه - وهو كان يحب اخويا جداً ويحب ينام عند رجليه كل يوم - فالقط زعل وطفش 15 يوم
وبعدين رجع خاسس خالص وطبعا مش نضيف وعاوز يستحمى - وكان بينونو بصوت عالى - بيعط - وراح نونو عند اوضة اخويا ، اخويا فتحله ولما لقيه مش نضيف مرضيش يدخلوا ، القط نونو بصوت عالى وعيط ، وبعدين طفش ومرجعش تانى خالص ، مع انه كان عندنا 6 سنين - ومعروف ان القطط بتربط بالمكان الى اتربط بيه - ولو اتنقل لمكان تانى بيكون منزعج جداً - عكس الكلاب بترتبط بصاحبها مش بالمكان

التطعيمات: فى نفس الشارع الى ساكن فيه ن يوجد صيدليه بيطريه - فيها دكتور بيطرى - بأودى القطط عنده

ذكر ام أنثى : دى ترجع لك ، انا بحب لعب القطط خالص - عشان كدا بحب الذكر اكثر من الانثى
وعلى فكره اكثر وقت تلعب قيه القطط وهى صغيره (أول سنه) بعد كدا بيصاب بالخمول
الذكر بيكون انشط وممكن يلعب على كبر - بس على خفيف - وبيكون حجمه اكبر - انا بحب القطط الكبيره
الانثى هاديه عن الذكر غالباً - فالموضوع يرجع لك.
وبعدين القطط فيها الغبى والذكى أنت وحظك بقى
بس القط الذكى بيكون ممتع جدا
كان عندى قط لما العب معاه كان بيلعب من غير ما يخرج اظافره - وممكن كنت العب معاه بالساعه والاتنين قبل ما انام
وبخاصه لما تلاعبه بحاجه بتتحرك او تقلبه على ظهره على السرير وتلعب بايدك فى بطنه (ذى ما تكون بتزغزغ طفل صغير) - بس دا للقطط الصغيره ، عشان لما بيكبر ممكن يتضايق من حركة الزغزغه دة ويتغابى عليك
وكان عندى قط نانى - اى لعب معاه بالدم على طول - لانه كان بيحب يلعب باظافره البيه - هههههههه
بس لما تقص له اظافره بيبقى الخوف اقل

المهم ابعد عن القط الشرس (النافور) - لان دا هيكرهك فى القطط كلها
والقط النافور الى لو ضايقتة شويا أو ازعجته بصوت عالى (خضيته) أو حد غريب حاول يمسكه فى البيت - تلقيه فى وضع هجوم وتأهب ويعمل صوب بحيح كدا ببقه ذى ما يكون ثعبان بيبخ

الف شكر يا باشا بجدددددددددددد مش عارق اقولك اية

انا كان فى دماغى من الاساس رمل المبانى بس ده هجيبة منين

و بردو انا لسة مرعوب من التكسوبلازما دى فهضطر اغير الرمل كل يوم او اثنين بالكثير فحط كميات صغيرة

انا كان قصدى من سؤال النوع ده ان بيقولو الذكر بيرش بول عشان يحدد منطقتو او قبل ميتجوز فبيبهد البيت و انا مش ناقص الف ورا الاستاذ اشيل البرفان بتاعو

و التطعيم ده بيبقى دورى ولا بستوفى التطعيمات كلها من الاول و خلاص

انا رخم جدااااااااااااااااااااا انا عارف و متقل على حضرتك و اوعدك هخرص خالص عشان دوشتك بس الواحد مش عايز يعذب الحيوان ده معاه فانا مقرر ابقى مستعد تمام قبل مجيبو

المشاركة الأصلية كتبت بواسطة lordfear

الف شكر يا باشا بجدددددددددددد مش عارق اقولك اية

انا كان فى دماغى من الاساس رمل المبانى بس ده هجيبة منين

و بردو انا لسة مرعوب من التكسوبلازما دى فهضطر اغير الرمل كل يوم او اثنين بالكثير فحط كميات صغيرة

انا كان قصدى من سؤال النوع ده ان بيقولو الذكر بيرش بول عشان يحدد منطقتو او قبل ميتجوز فبيبهد البيت و انا مش ناقص الف ورا الاستاذ اشيل البرفان بتاعو

و التطعيم ده بيبقى دورى ولا بستوفى التطعيمات كلها من الاول و خلاص

انا رخم جدااااااااااااااااااااا انا عارف و متقل على حضرتك و اوعدك هخرص خالص عشان دوشتك بس الواحد مش عايز يعذب الحيوان ده معاه فانا مقرر ابقى مستعد تمام قبل مجيبو

ياباشا والله لا شكر ولا حاجه - انا بحب القطط - وبحب حديث القطط - هههههه

رمل المبانى الى كان عندى : كان بقايا من البيت - بسس اساساً بيجى من المحاجر
لكن كميه صغيره اعتقد ممكن تلاقيها عند اى تاجر اسمنت صغير - الى بيبعوا اسمنت بالكيلو
افتكر لما ركبت الدش والتكييف وكنت محتاج 5 كيلو اسمنت وجبس - الراجل الى اشتريت منه كان عندوا رمله وزلط فى المحل

التطعيم بيقولك عليه الدكتور - بس فى حاجه عند عمر 3 شهور وحاجه عند عمر 6 شهور وحاجه كل سنه
مش فاكر بالظبط - بس الدكتور البيطرى بيكون عارفهم

موضوع الذكر : كان عندى قط واحد هو الى عمل العمله المنيله دى على الحيط ذى الكلاب
المهم ، عشان تفهم القط ان الى عمله دا غلط لازم تضربه (ضرب خفيف او ترش على وشه ميه خفيفه ، انا بافضل الضرب) - وعشان يعرف ان الضرب دا عشان العمله دى ، بتعمل ايه: بتمسك القط وتقرب وشه من البول او القذاره الى عملها لحد ما تبقى مناخيره قريبه اوى (ما تلزقهاش) وبعدين تضربه كذا مره وهو فى الوضع دا - لو كررها تانى - تكرر الموضوع دا مره تانى بس تضربه اكتر واجمد شويا ، وهو بعد كدا مش هيعمل كدا تانى

بعد كدا هتلاقى القط ماسك نفسه شويا (فى المعقول) لو باب الحمام مقفول - لحد ما تفتحله الباب - عشان ما يضربش تانى

غالباً القط (لو مش غبى اوى) بيفهم بسرعه خاصتاً وهو صغير