فرامل الماتريكس

**aboyassin** · 10-08-2010 08:29 AM

لما بدوس فرامل على سرعه عاديه مثلا 60 او 70 بحس بصوت العجل بيزحف على الارض بيعمل صوت زحف يعنى وده برضه عند الملفات الجامده مع العلم الكاوتش مش ممسوح ولا حاجه والعربيه عامله 10000كم
واحد صاحبى قالى دى عاوزه تظبط زوايا الكلام ده صح؟؟؟؟؟؟؟؟

**aboyassin** · 10-08-2010 09:19 AM

ايه يا جماعه محدش رد هو ده ممطن يكون عيب عفشه

**aboyassin** · 10-08-2010 12:05 PM

ايه يا جماعه مفيش حد عند تفسير للموضوع ده

**megaman** · 10-08-2010 01:08 PM

اظبط زوايا كل 10000 علشان الكاوتش ما يتمسحش ويبقى فيه عالى وواطى

**mshmshm3** · 10-08-2010 01:36 PM

معايا فيرنا وعاملة 15 الف وفيها نفس الصوت والكاوتش جديد

**aboyassin** · 10-08-2010 01:44 PM

يا جماعه محدش عنده تفسير الصوت سببه ظبط زوايا ولا البستم الفرامل ولا ايه؟؟؟؟؟؟؟؟

**victornabil** · 10-08-2010 01:55 PM

دى زوايا اكيد انا كان عندى نفس المشكله فى الالنترا و راحت لما ظبطت الزوايا و فى حاجه كمان لازم تعمل rotation للكاوتش كل 10000 كيلو يعنى تنقل الكاوتش اللى ورا تنقله قدام و اللى قدام تنقله ورا دا مهم اوى و مكتوب فى الكاتالوج

**mshmshm3** · 10-08-2010 02:11 PM

ظبط زوايا وللاسف لما روحت اعمل صيانة ال 15 الف في غبور قالوا مفيش ظبط زوايا

**AHMED REFAT** · 10-08-2010 02:47 PM

اخى الحبيب ... قد يكون جوابى لك وافيا وقد لا يكون وهذا لان لابد من الكشف الواقعى على عيب سيارتك ولكن ... اذا كان الصوت يصدر عند ضغطك على الفرامل لتهدئة السرعة فهذا من التيل لان التيل الايام دى كل مش حلو ةولا فرق بين اصلى وغيره انا غيرته عند غبور الاصلى ب 380 جنيه وكان بيطلع نفس الصوت وغيرته تانى من بره بيقولوا الكورى بتاعها بس ارخص بكثير وبرضه نفس الكلام والحقيقة انى لاقيت نفس العين فى سيارات كتير بخلاف الماتريكس وطلع تيل الفرامل هو العيب ... اما فى الدورانات فاذا كنت على سرعة كبيرة فهذا شئ طبيعى جدا لكن لو كنت على سرعة بطيئة 30 او 40 مثلا وعملت كده فعندك عيوب كثير منها ضبط الضغط فى الاطارات وممكن اذا كنت مركب جنوط سبور يبقى عادى على فكرة لانها عريضة ولكنها قد تحتاج الى طقم رينجات علشان الصفارة اللى فى الملفات دى والغربلة عند سرعة 120 وممكن يكون بقى مشكلة فى العفشة على العموم لاحظ الصوت كويس بيطلع امتى ولو مع الفرامل بس يبقى تيل وبلاش تغيره لان كل اللى فى السوق ها يطلع نفس الصوت .. واسأل مجرب

**aboyassin** · 10-08-2010 03:40 PM

الاستاذ احمد رفعت شكرا على اجاباتك انا العربيه لسه جديده عامله 10000 كم الصوت اللى بيظهر مش صوت تصفير ده صوت زحف للكاوتش على الارض وده بيظهر لما بدوسه فرامل على سرعه من 60 الى 70 دوسه متوسطه القوه وبيظهر فى الملفات الحاده وعلى فكره العربيه ماتريكس