انت فكرة الوقف كعقوبة مسيطرة عليك قوي يا كيمو :F_eyeb1[1]:
يعني الواد لو غلط ارع مرات ممكن تتبرى منه نهائي؟
ههههههههههههههههههه
عرض للطباعة
ههههههه فعلا التف ده بيكون تعليم من حد نص كبير (عيل في اعدادية مثلا)
و انا شايف اننا لازم نفهمها ان ده غلط و نحاول نثنيها عن العادة القميئة دي
و ده ممكن باننا نجيب اللي علمها التف
و نقعد نتف في وشه قدامها لحد ماتفهم
و الله العيال دي عايزين تلات أبهات و أمين
اللي يخلف خمسة ده المفروض ياخد نيشان
لأ بجد هيه بتبقا متنرفزه فبتعمل كده وبعدين هوه الاب ملطشه ولا ايه ده أول ما اتجوزت قلت يارب الخلفه كلهه تبقا بنات علشان منتقرفش من شقاوة الولاد طلع الاتنين انيل من بعض خلاص انا انهارده هعمل بنصيحة ا/ كريم وهنزلهه معايا في العربيه مخصوص واقعد استفزهه لحد ما تغلط فبحركه بهلوانيه سريعه ارميهه بره العربيه ... والله فعلا دول مينفعش معاهم غير كده وبعدين المناقشه صعبه في السن ده
انا عندى محمد دى الكبير عنده 6 سنين مطلع عين اهلى تقوله يمين يقول شمال ودماغه صعيدى صعيدى وشقى جدا والاطفال فى السن دى بيبقوا اشقياء وخصوصا الاولاد مش احنا اللى بنربيهم دول هما اللى بيربونا البيت ليه عنده حوارات والمدرسة حوارات تانية
واللى زاد وغطى انه بيعلم اخوه الصغير أحمد 2.5 سنة كل العفرته اللى هوا فيها والتانى ماشى وراه وما احلى انه هما الاتنين يجتمعوا على كارثة ؛ انا بعد ساعات بتنرفز واضربه يقولى انت بتضربنى ليه هوا انا مش راجل زيك والراجل ميضربش وبزعل انى ضربته بس هو بيوصلنى للمرحلة دى
بس على قد كدة مخليين للبيت طعم ربنا ما يحرمش حد من الاطفال دول زينة الحياة الدنيا .
امتعوني كمان وكمان
متابع باشتياق للموضوع الجميل ده
أنا عندي بنت ١٠ شهور بتنام و هي على وضع السجود
و بتحب تاكل الشباشب !!
و بتزعألي و تتخن صوتها عليا
أنا هافتح جبلاية قرود قريب
انا الصبح كنت عايزة اعمل زي كريم وارمي يارا قدام باب الشقة عشان انام شوية
الانسة مش جايلها نوم ومسهراني معاها لحد 8 صباحا
لاء مش تعديل احنا بناخد راي بعض
انا اقصد لو السلم ضلمة بارميه في اوضته عشان اكيد نور
انا خريج تربيه ودارس علم نفس تربوي وكنت شاطر قوي فيه
اما حتت النزول من العربية او الخروج من البيت فده بعرفه انه بكدة هايخرج عن الجماعة
وده في علم النفس التربوي اسمه الطرد من الجماعة وده بيكون عقاب نفسي شديد وغالبا بيجيب نتيجة
و مابيديش للي انت يبتقولي عليه ده الا في حالة كون الطفل محب للعزلة بطبعه ومايفرقش معاه حاجة :-)