الموضوع: الفريون بيسرب فجأة ..

المشاركة الأصلية كتبت بواسطة ahmed hamdy

سلام عليكم ..
معايا سيينا 1600 .. أول ما اشتريتها من سنة كان التكييف ضعيف .. وكنت بشحنه يفعد شوية ويسرب ..
وبعدين سبته وجيت أول الصيف ده رحت لواحد .. كشف وقالى مفيش حاجة وشحن .. يادوبك مشيت من عنده .. لقيت دخان أبيض بيخرج من عند المروحة والتبريد راح .. رحعتله قالى سبها نكشف عليها .. سبتها ورجعتله بعد شوية .. اتضح إن السربنتينة كان فيها قطع نتيجة إن العربية كانت مخبوطة من أدام وكان فى قايم داخل لجوه وراشق فى السربنتينة وكاسرها بس قافل على الكسر .. فالسربنيتة بعدت عن القايم والفريون اتسرب ..
المهم لحمها وشحن تانى ومشيت تمام .. قعدت شهرين تقريبا كويسة وزى ما هى .. لحد ما جيت يوم أشغل التكييف لقيته مفيش تبريد .. مع إنه قبلها بيوم كان شغال تمام ..
رجعتله .. خلى صنايعى يبص عليه .. قالى دى الإبرة .. غيرها وشحن تانى .. ومشيت .. برضه قعد شهر تقريبا كويس وبعدين فجأة برضه لقيته ضعف جدا ..
رجعتله .. برضه صنايعى تانى بص عليها وقالى مش شايف حاجة .. وشحن .... وبعدين صاحب الورشة قالى ممكن يكون الكويل الداخلى اللى تحت التابلوه مملح .. قلتله بس المشكلة أنه لو فى تسريب المفروض التبريد يقل بالتدريج .. لكن اللى بيحصل إنه بيبقى شغال كويس فترة وفجأة ألاقيه ضاع .. يعنى فى حاجة بتحصل فجأة .. فسكت كده وبعدين قالى طيب إمشى يومين وتعالى نقيس تانى ..
فمش عارف بصراحة زهقت من القصة دى .. ولما اكتشفت إن كان فى مشكلة فى السربنتينة واتحلت قلت خلاص .. لكن بعدها برضه لسه فى مشكلة مش عارف سببها ..

حد عنده احتمالات للمشكلة دى ؟؟؟

بص ياباشا

كان فيه واحد صاحبي عنده اكسيل وكان التكييف فيه مشكلة مشابهة....
المهم لف على صنايعية الدنيا في المحلة والمنصورة....لحد ملقينا واحد وقعدنا حكينا الحوارات اللي حصلت....قال لنا تعالوا من أول النهار عشان الشغل النضيف انه يطلع التكييف كله كاملا بره ويشيك عليه...ويعرف التسريب منين وفعلا ده اللي حصل....فك التكييف بالكامل من العربية وجمعه عالارض فالشارع وراح كابس هوا بضغط عالي...والمفاجاة ان التسريب كان في مقتل...الكومبريسور والتلاجة...واكتشفنا ان التلاجة مش بتاع العربية وكانت بتاع اكسينت ومتعدلة....
تم تغيير الكومبريسور والتلاجة بحوالي 850 جنيه...وتم الشحن والصنايعي خد 250 جنيه وتمام زي الفل

الف مبروك
هل التكييف ثلاجه ؟

المشاركة الأصلية كتبت بواسطة exact

بص ياباشا

كان فيه واحد صاحبي عنده اكسيل وكان التكييف فيه مشكلة مشابهة....
المهم لف على صنايعية الدنيا في المحلة والمنصورة....لحد ملقينا واحد وقعدنا حكينا الحوارات اللي حصلت....قال لنا تعالوا من أول النهار عشان الشغل النضيف انه يطلع التكييف كله كاملا بره ويشيك عليه...ويعرف التسريب منين وفعلا ده اللي حصل....فك التكييف بالكامل من العربية وجمعه عالارض فالشارع وراح كابس هوا بضغط عالي...والمفاجاة ان التسريب كان في مقتل...الكومبريسور والتلاجة...واكتشفنا ان التلاجة مش بتاع العربية وكانت بتاع اكسينت ومتعدلة....
تم تغيير الكومبريسور والتلاجة بحوالي 850 جنيه...وتم الشحن والصنايعي خد 250 جنيه وتمام زي الفل

دكتور مصطفي تحياتي لحضرتك وكل عام و انتم بخير

ياريت تقولي الصنايعي ده فين علشان عندي مشكله تسريب مزمنه برضه و يا تري ايه اخبار شغله في العربيه دي يعني احتاجت شحن تاني الصيف ده و لا بقت تمام

المشاركة الأصلية كتبت بواسطة yaserbasha2000

دكتور مصطفي تحياتي لحضرتك وكل عام و انتم بخير

ياريت تقولي الصنايعي ده فين علشان عندي مشكله تسريب مزمنه برضه و يا تري ايه اخبار شغله في العربيه دي يعني احتاجت شحن تاني الصيف ده و لا بقت تمام

والله لا اخفيك سرا....الكومبريسور فوت الصيف د لأنه مكنش بيشغله طول الشتا خالص وعلى حد علمي بالذات فالقديم لازم المكيف تشغله بما يوازي ساعة او اتنين كل شهر...بس كان وهو شغال حاجة لا تطاق من البرد (هيونداي اكسيل 97)

الصنايعي ده اسمه محمد رسلان في الشارع اللي ورا مستشفى 6 اكتوبر وتدخل له من ناحية القصر دخلة ابو شاهين

فيه واحد تاني اتعاملنا معاه فالكورولا الله يرحمها ويشل اللي سرقها...كان كويس جدا جدا اسمه ابراهيم (هو كهربائي برضه) واللي ودانا عنده كان اشتغل له في اوكتافيا وجيتا واحنا جربناه فالمرحومة وكان المكيف شديد جدا ومظبوط على انه كان متدمر قبلها
ده اسمه ابراهيم وناحية ابو جمرة الميكانيكي...اديني يوم كده هاتاكد لك من مكانه بالظبط عشان مكنتش انا اللي رحت بنفسي...واتاكد لك بالمرة تروح لمين