مصر التانية داخل الكمباوند

**hazem_khidr** · 04-03-2008 04:24 PM

و ايه لازمته يا احمد بيه ما كنا كويسين :)

**emadkamel** · 04-03-2008 04:49 PM

المشاركة الأصلية كتبت بواسطة casber

اللهم لا عيش الا عيش الأخره
الاغنياء من حقهم انهم يتمتعوا بفلوسهم ويعملوا اللى هما عاوزينه
بس ليه الشوارع بتاعتنا مش نضيفه
ليه لما شوية مطر بتنزل الدنيا بتبهدل
ليه الطرق بيموت عليها اكتر من 10000 واحد فى السنه
ليه الميداين شكلها مش حلو
ليه مافيش حدائق عامه
ليه تحت الكوبرى الناس بتتبول واخر قذاره
ليه وليه وليه؟؟؟؟؟؟؟؟
نسمع عن مليارات اتصرفت على البنيه التحتيه والفوقيه والوسطيه وكل ما هوا بنيه
وبرده المياه والكهربا بينقطعوا
نفس واحد يشاورى ويقوله السبب اهوا

هو انت لسه بتقول ليه ؟؟؟ ليه ايه يا راجل ده كلام ... ما السبب واضح زى الشمس بقاله 28 سنه

**modux** · 04-03-2008 05:04 PM

همممم

الحمد لله علي شقتي

القنااااااااااااااااااااا ااااااااااااا عة با جماعة و لا شئ غير القناعة

الحمد لله

بس اكبد لو معايا فلوس هشتري فيلا هناك

**Hossam_Hassan** · 04-03-2008 05:22 PM

تعالوا نواسى بعض بالرباعية دى

ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!

صلاح جاهين

**tmz9111** · 04-03-2008 05:30 PM

المشاركة الأصلية كتبت بواسطة ahmedfd

و يا ترى الفرن عندهم زحمة زي مصر الأولانية؟
و البوابين بيحطوا طوب قدام الفيلل علشان محدش يركن؟

10+++++++++++++

**TaoTao** · 04-03-2008 06:12 PM

مش عارف ليه افتكرت فيلم طيور الظلام لما عادل إمام قال "مصر شكلها حلو قوي من فوق" (لما كان في الفندق احتفالاً بنجاحه في قضية الوزير.
فعلاً، مصر حلوة قوي من فوق

**mada121977** · 04-03-2008 10:56 PM

كان فيه من 10 سنين عالم اقتصاد محترم بصراحه مش فاكر اسمه دلوقتى تنبأ بانهيار الطبقه الوسطى فى مصر واتساع الفجوه بين الطبقات وحدوث مشاكل ثقافيه وماديه وفكريه كبيره بسبب ده وايامها الى كانوا ماسكين الجرائد الحكوميه مسكوا الراجل ده تريقه وسخريه على دراساته وللاسف اثبتت الايام انه كان المفروض يأخد جايزه نوبل مش يضحكوا عليه
وحسبى الله ونعم الوكيل

**Ahmed Anwer** · 05-03-2008 12:15 AM

المشاركة الأصلية كتبت بواسطة fiatmomo

:d:d طيب ماينفعش يشيلو العشوائيات ويخلو بدالها مصر تانية ..... يعنى متهيألى القاهرة حتفضى شوية

يا باشا ما هوا ده اللي بيحصل ،،

مشفتش ايام صفر كاس العالم مكنوش عارفيين يعملوا ايه في منظر العشوائيات المقرف ،،

قاموا غطوها باسوار و يفط كبيرة ،،،

هتبقي كمباوندات برده للعشوائيات

و كل شوية عمارات جديدة دي يعملوا حواليها سور و يقولك كمباوند

و البلد هتبقي مجموعة كمباوندات و كل واحد يقعد في الكمباوند بتاعه

المشاركة الأصلية كتبت بواسطة وائل عطية

وانت إيه اللي وداك بلاد الغربة دي..
ياراجل ماكنت قاعد كويس لازم تبص للأجانب دول:D:)

يعني حتي يا وائل باشا منتفرجش ؟؟

المشاركة الأصلية كتبت بواسطة PRO-DRIVE

انا من موقعي هذا اناشد استاذ احمد انور انو ينظم مقابله من مقابلات المنتدي

في بلد من بلاد الفرنجه دوول ههههههههههههههه

يا باشا انتا فاكرني من سكان مصر التانية

ده انا بخش اشتغل ،، اخدم عليهم ،، يعني

علي فكرة زمان كان من جمال حي شبرا

إنه الأغنياء بتوعه عمرهم مابيسبوه بيعتبر بلد و انتماء مش حي

عشان كده كنت تلاقي فيه التجار و رجال الأعمال و الفنانين و الموظفين و المهنيين و الصنايعية و العمال

و القبطي و المسلم في خليط مفهوش طبقات

**Ahmed Anwer** · 05-03-2008 12:36 AM

معلهش نكمل بقه

نبتدي بقه نخش جوه واحد من هذه البيوت الحالمة

اللي بتتشابه لحد كبير

طبعا هيا ميتزدش عن دورين و البدروم

و ما اسعدنيش الحظ اشوف الروف عامل ازاي

زي ما قلنا قبل كده قبل كده واجهة الفيلا بتبقي علي الشارع و مفيش قدامها جنينة

يعني خمسة ستة متر كده منظر في الأول

الجراج ابو باب بيفتح بالريموت عشان اخويا احمد اللي بيسأل علي البواب ابو حجر ، عوايد مصر

بتاعتنا ،، ينزلك علي البدروم اللي في ناس بتستخدمه برده منطقة العاب خفيفة غير غرف الخدم

و غرفة الكهربا

عشان مفيش عك زي بتاع مصر بتاعتنا و التكييف اللي مدلل بره و سلك الدش اللي مرمي من السطوح

كله مدروس

حتي شباكات الكمبيوتر لازم تبقي موجودة و متجهزة من الأساس

و كله مدفون في الحيطان و الأسقف

و كل الإختراعات اللي سمعتها عن التشطيبات هتلاقيها شبابيك و ابواب دوبل عشان عزل الحرارة و

الصوت ، الكهربا حاجات تانية غير المفتاح البيتشينو بتاعنا فيها شاشات و حركات

تركن عربيتك و تطلع بالاسانسير الزجاجي

الدور الأول ده الرسبشن علي مساحة الفيلا و فيه المطبخ الرئيسي لزوم الحفلات الإن دور

و اخر الرسبشن يطلع علي الجنة الغائبة

و الدور الثاني فيه الليفنج و غرف النوم و مطبخ صغير برده

غرف نوم العيال بتبص علي ناحية الشارع المعفنة او الحدائق الجانبية و ان كان كل اوده ليها حمامها

الغرفة الرئيسية صاحبة اكبر تراس علي البحيرات و ملاعب الجولف و البسين و مفيش دولاب طبعا ،،

درسينج رووم ملحقة ،، عشان تغير هدومك براحتك و تستوعب لبسك و جزمك

يعني الغرفة الرئيسية دي بتعتبر جناح مستقل كامل

الليفنج اساسي فيه الهوم ثيتر ، البلازما التسعين بوصة و البلازمات دي بتلاقيها مرمية في كل الأود

ملحوظة مفيش اي نوع من تشجيع الصناعة المحلية

اهم و احلي حتة اللي بيسموها بره الباك يارد

و علي عكس بلاد بره الباك يارد دي هيا الحديقة الرئيسية اللي فيها البسن و البرجولات و النوافير و

الشوايات عشان حفلات الباربكيو و بتبص علي مناظر البحيرات و ملاعب الجولف

و دي بقه كل واحد بيتفنن ان اللاند سكيب بتاعها يبقي تحفة

دي كده خطوط عامة ،، عشان محدش يضحك عليكو لما تنووا

ملحوظة كل الكلام ده عن الجيل السابق القديم من الكمباوندات ،،

و بقال إن الجيل الجديد بتاع إعمار و دماك حاجة تانية خالص ،،

و كمان ناس قالتلي سوان ليك و ليك فيو احلي من كده بكتير

اللي يغيظ الحاجات دي مش مائة فيلا مثلا

دي الافات ،، و الكمباوندات مبنية علي مساحات مهولة ،، القطامية هايتس دي جزء كبير جدا من

التجمع الخامس

و شوفوها علي جوجل ايرث

و الإقبال فظيع و كل شوية خبراء العقارات يقولوك الإسكان الفاخر هيحصله كساد

عشان المعروض اكثر من المطلوب في بلد المفروض إنها فقيرة

بس كل مشروع ينزل الإقبال عليه اكتر من اللي قبله و لو لقيت

بخصوص القناعة طبعا هيا كنزا لا يفني ،،

مثلآ كان مرة معاي واحد من هواة قصور احمد عرابي علي طريق مصر اسماعيلية و قصور مصر

اسكندرية ،،

كان بحتقر الكمباوندات دي و بيقول عليها علب الكبريت الملزقة في بعضها ،،

ههههههه

كل واحد و مزاجه

مش عارف العمارات الاتناشر دور و البواب ابو حجر و المدخل ابو قصريتين زرع يبقي اسمها ايه ،،،

ربنا يديمها نعمة

بخصوص الأسعار أقل حاجة التاون هاوس ،،

ممكن في مدينتي بتبتدي من تلاتة مليون علي ما اعتقد ،،

بس التاون هاوس ده حاجة تعبانة نسبيا تعتبر شقة مائتان و خمسين متر علي دورين و جنينة اربعة متر

في ثلاث نواحي و الناحية

الرابعة لازقة في فيلا تانية

بس في القطامية هايتس و الميراج مفيش كلام قبل خمستاشر مليون علي ما اعتقد

و حتي في مدينتي عالجوا اخطاء الرحاب فصلوا مناطق الفلل عن مناطق العمارات تماما ،

و عملوا لبتوع الفلل نادي غير بتوع العمارات

دول يلعبوا جولف و دول يلعبوا حوكشة

منعا لإختلاط الطبقات