الموضوع: كل عام وأنتم بخير استشاره بسيطه من الاخوه الكرام

المشاركة الأصلية كتبت بواسطة محمد الشامي

طيب مش تقول ان حضرتك من اسكندريه :-) اجدع ناس والله

بس للاسف انا معرفش مكان معين في اليكس بيكشف بنفس الطريقه اللي بقولك عليها , وطبعا مش منطقى انك تيجي لغايه القاهره عشان تكشف على العربيه :-)

عالعموم بإذن الله حد من الاخوه الاعضاء سكان الإسكندريه يكون يعرف مكان كويس ويقولك عليه , ولو فرضنا ان مفيش مكان قريب منك تكشف على العربيه فيه , فأهم حاجه انك تكون مرتاح للعربيه و واثق في كلام صاحبها , وخلي حتى اي ميكانيكي امين يبصلك عليها وان شاء الله خير

الف مبروك مقدماً ومرحبا بيك فرد جديد في اسره الدايو بإذن الله :-)

و اهل القاهره احسن ناس يا محمد
طب سؤال صغير بقي
هل ينفع اروح التوكيل و اكشف علي العربيه
اشوف الموتور و العفشه و كده طب ولو روحت التكلفه كام
معلش تاعبك معايا

ربنا يبارك لك يا محمد و اسف علي التأخير في الرد لسه راجع من الشغل
نظام ورادي بقي و حاجه طين يعني
المهم انا حتابع الموضوع الي حضرتك عملته و هنا في اسكندريه في ميكانيكي محترم جدا في الحرفيين ممكن يكشف علي العربيه بس حيطلع عيني اساسا علشان يبص عليها من كتر العربيات الي عنده ربنا يزيده و يبارك له في رزقه
و منتظر راي الاعضاء في الاجتماعي

المشاركة الأصلية كتبت بواسطة محمد الشامي

يا باشا ربنا يعينك على الشغل ويعيننا كلنا

لو الميكانيكي اللي حضرتك بتقول عليه موثوق فيه يبقا توكل على الله وخليه يكشف علي النوبيرا

ربنا يوفقك ان شاء الله :-)

الحمد لله الواحد يخلص من المدرسه يروح كليه يخلص من الكليه يروح الشغل و كله صحيان بدري من الصبح و للصبح يلا الحمد لله
بص يا محمد الميكانيكي ده اسمه حسين البمبي في الحرفيين و ماشاء الله محترم جدا جدا هو شغال في العربيات دايو و كيا و هيونداي و شيفروليه و اخوه فاتح جنبه للبي ام و الشيروكي بس

باذن الله حخلص عربيتي الي معايا الاول و اخد العربيه التانيه دي و اروح اكشف عليها عنده