عرض للطباعة
الموضوع باختصار ان فيه كومبيوترات بالسوق ريفربش يعنى مجدده من قبل المصنع ومعاد بيعها refurbish
والمشكله ان التوكيل لا يقبلها للاصلاح
ويتخسف بسعهرها الارض عند اعاده بيعها
لانها بها عيوب ومنها نقطه او اكثر مضيئه بالشاشه او تغيير فى اى حاجه ............
المهم ان الواحد يخللى باله عند شراؤه جهاز ريفربش ويعرف انه مجدد وعاد بيعه وليس جديد
مع ملاحظه ان البائع يقوم بكتابه كلمه ريفربش بالفاتورد بدون ان يعلم المشترى
وهذا غش تجارى وتضليل
والله المستعان
حيروحوا فين من ربنا كل من اخذ ما ليس له
مش فاهم حاجه
يعني ايه الكلام ده
حضرتك تقصد الكمبيوترات الاتش بس والديل اللي بتتباع مستعمله ولا ايه
جزاك الله خيرا على النصيحه
و يا ريت معلومات اكتر
الله المستعاناقتباس:
المشاركة الأصلية كتبت بواسطة funnymickey
شوف اللينك ده يفهمك الموضوع بره مصر
Refurbished HP Laptop | HP Refurbished Computers | Refurbished Laptops For Sale
بس المشكله جوه مصر انت تروح علشان تشترى جهاز جديد اتش بى
تلاقيه ب 4000 جم وعالى بروسيسور وخلافه
المهم تروح البيت تلاقيه ريفربيشد يعنى ضمانه 90 يوم بس من خروجه من المصنع والتوكيل مايعرفش حاجه عنه
بسبب ان شركه اتش بى باعته علشان اى حد ياخده لابنه يلعب عليه او طالب عاوز يوفر فلوسه ومش مهم عنده ان الجهاز يكون معاد تصنيعه بعد اصلاحه بالمصنع
او لتوفير مساحه تخزينيه بالمصنع من الاجهزه المعيوبه التى ردت من العملاء
اتمنى تكون كده فهمتنى اكتر
رمضان كريم
Refurbished HP Laptop | HP Refurbished Computers | Refurbished Laptops For Saleاقتباس:
المشاركة الأصلية كتبت بواسطة newuser2009
شوف اللينك ده يوضح الموضوع اكتر
بس للاسف واحد مهندس زميللى اتضحك عليه امبارح ورشق فى جهاز ريفيربيشد من الاسكندريه
ومارضيوش يرجعوه تانى للمحل بالرغم من ان الشاشه بها نقطه مضيئه يعنى عمرها الافتراضى رايح فى داهيه
جينا نبيعه ونخسر فيه
قالوا نخدوا وننزل منه تمن شاشه
منهم لله
طيب احنا نعرف ازاي اذا كان كده ولا لأ ؟
بيكون مكتوب استيكر خلف الجهاز بانه ريفربيشيد وان ضمانه 90 يوم
والمعام الى بيبيعه لك بيكتب انه ريفريبيشد بالفاتوره من غير ما تعرف زى ما حصل معانا
المهم بقىانك تكتشف العيب وعاده بيكون فى الشاشه نقطه مضيئه او اكتر
بره بيتباع على انه مجدد يعنى ريفيربيشد والمفروض يقل 1000 جم او اكثر حسب العيب الى فيه عن سعر السليم منه
ياباشا انا واحد من الناس شغال فى مجال الكمبيوتر طبعا السوق قدمنا مفتوح
وطبعا اكتر شغلنا شاشات استعمال ظهر شاشات تانية جديدة بسعر زى الاستعمال
طبعا الزبون بيشترى ويقولك جديد
المهم نلاقى الشاشات دى اعادة تصنيع يعنى شاشات قديمة بايظة اتصلحت واتحطت فى بودى جديد
طيب احنا كشركات مفيش شاشات قعدت اكتر من شهرين وباظط طبعا العملاء زعلانين
طيب نلاقى الشركة بترفض الضمان ويقولك عيب كهربا وهجس من ده
طيب احنا كشركات فين حقنا مين يجيب لينا حقنا من الشركة دى وهى قفلت يعنى لبسنا فلوس الوفات
منهم لله ومفيش رقابة تجيب حقنا
اى ده
يعنى اللعبه دى ملعوبه كمان فى الشاشات الجديده
طيب وبعدين
تخيل بيقولوا دلوقتى اشترى من كارفور بس لانه الوحيد الى يبدل الجهاز المعيوب
يعني الواحد كان بيقول اجيب جديد واريح دماغي دلوقتي حتى الجديد هتجيبه وانت مقلق
حسبي الله ونعم الوكيل
ده طلع كمان فيه موبيلات ريفيربيشد
Refurbished Cell Phones | Overstock.com
الله المستعان
مش دايما الريفيربشد بيكون مش كويس..بالعكس.أحيانا بيكون اختيار أفضل من شراء الجديد لأنه بسعر أقل واتعمل عليه كواليتي كونترول ومراجعة لذات الوحدة..عشان كده بيكون في منه بسعر مقارب جدا للجديد
ممكن جهاز يطلع من المصنع بعيب بسيط جدا جدا ويرجع تاني..وممكن يكون العيب كبير ويتصلح وده ميزعلكش في حاجة
عشان كده الريفيربشد درجات
في منه بضمان ٣٠ يوم و٩٠ يوم و٦ شهور وسنة وتلات سنين..عادي جدا
المهم بس تتأكد الأول عشان تاخد حق بدون زيادة أو نقصان لأنه أحيانا بتكون الكتابة مش بخط بارز قوي على استيكرز ولكن بتكون مطبوعة على الجهاز نفسه بصورة غير واضحة
كلام صحاقتباس:
المشاركة الأصلية كتبت بواسطة بحري
بس المشكله ان الى بيبيع لك يا مش فاهم حاجه يابيلبس الزبون
وكلهم غش وتضليل
جهاز الـrefurbishedهو جهاز تم بيعه من الشركة المنتجة على أنه جهاز زيرو (جديد) , هذا الجهاز رجع من المشتري للشركة المنتجة التي قامت بفحصه و عمل الاختبارات عليه ثم وضعه في كرتونة كٌتب عليهاrefurbishedثم تقوم ببيعه مرة أخرى بهذه الصفة بثمن أقل لأنه لا يتم حساب ضرائب عليه في هذه الحالة ، كما أن الشركة المنتجة عندما أخذت الجهاز من المشتري الأول لم ترد إليه الثمن كاملاّ و لكن ناقص 15% و هذا هو السبب في رخص ثمن هذه الأجهزةاقتباس:
المشاركة الأصلية كتبت بواسطة rocker
أما الأسباب الذي تجعل المشتري يقوم بترجيع الجهاز من أجله إلي الشركة المنتجة فهي أسباب متعددة وهي كالاّتي :
- ممكن أن يكون المشتري استلمه كهدية من شخص آخر وهو لا يريده فقام بترجيعه و هو لا زال زيرو للشركة المنتجة
- المشتري بعد شرائه لم تعد له الرغبة في الجهاز أو وجد جهاز أفضل من حيث المواصفات فقام بترجيعه
- كمية كبيرة من الأجهزة تم شرائها من الشركة المنتجة من شركة كبيرة لبيعها في إحدي المناسبات ولم يتم بيع الكمية كلها فقامت بترجيع الباقي للشركة المنتجة
- طلبية تم طلبها بمواصفات خاصة و تم إلغائها قبل تسليمها
- أجهزة ذات موديلات تم التوقف عن إنتاج الجديد منها فيتم طرحها بهذه الصفة
- أجهزة بعد تصنيعها وجد بها عيب أو خدش في الشكل الخارجي (طبعا لو الجهاز هكذا يكون العيب ظاهر للمشتري و يكون عادة خربشة أو لطوخ
- أجهزة تم ترجيعها بسبب عيوب في التغليف الكرتونة
بمجرد عودة هذه الأجهزة للشركة المنتجة تدخل في خطوات ومراحل صارمة من عمليات إعادة التصنيع و التي يتم فيها إختبار الهارد وير وجميع الأجزاء
والله المستعان
ويارب كل واحد يرجع لضميره ومايغيرش الاستيكر تحت السلم
الريفربش مش شرط يكون فيه عيب لأنه بيكون مشكلته اتصلحت ويتباع تاني زي ما قلتو
بس المشكله هنا ان الناس بتبيعه علي انه جديد ومفيش مصداقيه وبيبقي مكسبه فيه عالي جدا جدا ولو حصل مشكله في الجهاز بعد ال90 يوم يطلعه بسبب سوء استخدام ويخلع من الضمان
وفي ناس بتبيعه ضمان 90 يوم وتقول انه ريفيربش وبيبيعو بسعر معقول
وفي ناس تانيه بتبيع بضمان سنه بسعر الأجهزه الجديده وبتتحمل الريسك في الضمانات باقي مده الضمان لأنه ضمانه الفعلي معاهم 3 شهور مش سنه يعني لو حاجه رجعتلهم ضمان بعد 3 شهور هم اللي بيتحملو تكلفه الصيانه مقابل انهم بيبيعو بالسعر الطبيعي ، انا شخصيا اعرف واحد جايب اكتر من 5000 شاشه ديل وبيبيع بالسعر العادي لكن بيقول للناس انها ريفيربش مع ان مش مكتوب عليهم ومفيهاش أي ديفوهات لكن بيقول علشان المصداقيه وبيتحمل تكلفه الصيانه باقي السنه وفوق كده عامل ضمان استبدال أول شهر
لا حول ولا قوة إلا بالله..يا رب
الغرض من موضوعى اننا نصحى وننبه بعض بس لان فيه واحد حبيبى اترشق فى جهاز مهبب على عينه والراجل رفض يرجعه له مع انه فيه نقطه زرقه باينه كعين الشمس فى الشاشه
والراجل ضحك عليه وقال ه ان التوكيل بيقبل لحد اربع نقط فى الشاشه
والمشكله انه كان ضاحك عليه وكاتب له ريفريبشد فى الفاتوره
مع ان الراجل صاحبى ده مهندس بس هوا مالوش فى الهارد ولا السوفت وير
واتكسف من اخلاقه انه يساله يعنى ايه ريفربيشد وده الى خللى الراجل البياع يلبسه له
بس الى يزعل بجد ان انا لما رحت معاه تانى يوم ووافتكر ان ده نوع اجهزه او موديل وتانى يوم قابلت الولا الى باعه له تنصل وقال له قابل مهندس الصيانه تانى يوم
وتانى يوم راح زميلى لمهندس الصيانه كان راجل محترم وقال له ان من حقك ترجعه لانه ماكانش بات ليله بره المحل بس لازم نرجع لصاحب المحل
لما رجع صاحب الشركه رفض يرجعه وفرضه على المهندس زميلى مع انه كان مستعد يدفع الفرق ويشترى جهاز سليم
وعلى فكره المحل اسمه التابعى وهوا فى سوق الكومبيوتر امام نادى سموحه باسكندريه
خللوا بالكم
لو كان اشتراه من كارفور ولا اى محل تانى كان رجعه له على طول بس نعمل ايه
الله المستعان
+1111111111111اقتباس:
المشاركة الأصلية كتبت بواسطة devilishtigers
حاجة تحزن بجد والله .......طب الموضوع ده كمان فى شاشات lcd؟!! ولا لا ؟!!
فيه كل حاجه ريفيربشيد موبايلات لاب توبات تليفونات بس مكتوب على ضهرها صراحةاقتباس:
المشاركة الأصلية كتبت بواسطة islamislam
ومكتوب انها للاستعمال فقط فى كندا وامريكا يعنى مش تصدير
وانتا لو اشتريته لازم تكون عارف انه كده
وعلشان اريحدماغك اشترى من كارفور بس لانهم بيرجعواه بعد 14 يوم لو انتا ماعجبكش
وبس
مممممممممممممممم
شككتوني في نفسي
انا اخدت لصاحبي جهاز كان سعره لقطه
وفحصته من كل حته فيه
مخلتش فيه فسفوسه والجهاز عال العال
وكان ارخص من سعره في التوكيل ب1500 جنيه
وفي الاساس انا شاريه على انه مستعمل
والراجل طلع عنده محل واداني الجهاز وكتبلي فاتورة وقالي ضمان عندنا هنا في المحل سنه
انا شكيت انه ريفربشد بسئ فتشته كويس مفيش مايدل على كده
والجهاز كويس وكل اللي متأكد منه انه جايبه من الامارات بالاساس
وبيني وبينكم
حتى لو طلع متصلح
ده بقولكو ارخص من سعره في السوق ب 1500 جنيه
عموما ربنا يسترها علينا وعالايام الجايه
تحياتي
شكرا عل ردك ياباشا بس كده الواحد هيطلع عينه وهو جاى يشترى اى حاجة بعد كده هيتروش بجد :I_angr1[1]:اقتباس:
المشاركة الأصلية كتبت بواسطة rocker
يعني الواحد يفقد الثقة في كل شئ
لا بس الفكرة راجع المنتج الى بتشتريه كويس جدااقتباس:
المشاركة الأصلية كتبت بواسطة mr_sameh
وسعره مقارنة بالسوق
شكرا على الافادة
فى برنامج على ديسكفرى اسمة gadget show كانو بيقولو
ان ال refurbished حتلاقى التيكت بتاعة لونة اصفر مش ابيض