الموضوع: خبراتكم في شهر العسل

ما انا حكيتكلك يا باشا ولا انت عايز تجربة الجواز كله ولا اية

بص ما دام انت مصر علي السفر برة يبفي تروح مدن صغيرة او جزر .... ما تفكر في جنوب فرنسا او جنوب اسبانيا

حاجة من الاخرررررررررررر و اهي 3 4 ساعات طيران بدل تايلاند اللي بتخش في 14 ساعة دي

تركيييييييييييييييييييييي ييا وابقى هاتلى ملابس حلوة من هناك

اولا الف مبروك وربنا يتمم بخير وعقبالنا يارب
انا كنت في تركيا اول السنة دي
بصراحة تركيا جميلة وممتعة ومش هتزهق منها
انا كنت في اسطنبول وهي اكتر مدينة ممكن تروح فيها مزارات. ولكنها ليست للاستجمام علشان بتلف كتير وتشوف مزررات كتير.
كنت قاعد في فندق عند شارع الاستقلال وهو شارع عامل زي (خليج نعمة اللي في شرم الشيخ) وكله شوبنج وديسكوهات ومطاعم (في محل في شارع الاستقلال اسمه kofta عايزك تدوق الشاورمة والكباب والكفتة بتعهم حاجة مشكلة ونظامه انك تاخد الطبق وتاخد الاكل اللي انت عايزه وفي اكل مصري وعربي وفي الاكل بتدفع قيمة اللي انت خدته وتدخل تاكل براحتك). في منطقة اسمها (لا لي) دي عاملة زي الموسكي والعتبة بس انضف وهتلاقي الاسعار كويسة.
اولا متغيرش فلوس قبل ما تسافر إلا دولار ولما توصل تغير من هناك ليرات تركي. (ال 10 دولار حوالي 14 ليرة مش فاكر بصراحة)
بالنسبة للأكل اكيد شهر العسل (انت وهي بس) اعمل حسابك 200 او 220 ليرة بالكتير في اليوم وكمان هتكون واكل وماليها صح.

المزارات كتير وحلوة

....احنا روحنا مكان اسمه ايا صوفيا
....ورحنا رحلة بحرية في مضيق الفسفور وبحر مرمرة
....ورحنا رحلة للجبل (لا تقولي المقطم ولا غيره خدنا تقريبا ساعة وربع طالعين الجبل لغاية اخره ومفيش سور من الجنبين منك للهوا وحارتين صغيرين وملفات تتشاهد فيها ) وفي في اخر قمة الجبل مطعم شواء (انت اللي بتشوي بنفسك) وطبعا هزر وامسك التلج وكور واعمل اشكال براحتك المكان كله فوق ابيض * ابيض
....ورحنا منطقة المصانع واكبر المولات في اسطنبول.
بس صدقني لو ناوي على 15 يوم يبقى اقل حاجة تعمل حسابك على 3500 دولار علشان تبقى براحتك ومطمن على الاخر دا بالنسبة للأكل.
دا غير المزارات والفلوس اللي هتدفعها لشركة السياحة علشان الطيران والفندق تقريبا الفرد ب 4500 او 5000.
بس
لازم تكون واخد حاجات تقيلة جدا جدا جدا. الجو هناك برد تلج.
ولازم يكون معاك شمسية بس هاتها جامدة مش خفيفة علشان المطر (بتبقى ماشي عادي وتلاقي الشمس طالعة وفجأة المطرة اشتغلت).
التاكسيات هناك شغالة بالعداد ولو مش مشغل العداد خليه يشغله او نزل منه.
اللغات هناك تركي وشوية عربي مكسر والانجليزي ضعيف.
واي سؤال انا في الخدمة.

طبعا ماليزيا
دة مش جنة دية جنان
وفيها تنوع فظيع
المدينة والحضارة والتكنولوجيا كوالالمبوار










الشواطىء والخضرة وجمال الطبيعة لنكاوى

الطراز المعمارى والابنية الجميلة بوتراجايا




















المرتفعات الشاهقة ومدن الالعاب فى جنتق ومن ارتفاعها العالى هتلاقيك عايش فى الغيوم











مدينة كاميرون ومزراع الشاى فوق قمم الجبال