الموضوع: خبراتكم في شهر العسل

المشاركة الأصلية كتبت بواسطة seiffoz

طالما 15 يوم ... ممكن تعمل رحلة لمكانين مثلا أو 3 ...

باريس , روما , مدينة ساحلية كمان عشان البحر ..

كده هاتبقي تكاليف كتير جدا يا باشا

المشاركة الأصلية كتبت بواسطة devilishtigers

اولا الف مبروك وربنا يتمم بخير وعقبالنا يارب
انا كنت في تركيا اول السنة دي
بصراحة تركيا جميلة وممتعة ومش هتزهق منها
انا كنت في اسطنبول وهي اكتر مدينة ممكن تروح فيها مزارات. ولكنها ليست للاستجمام علشان بتلف كتير وتشوف مزررات كتير.
كنت قاعد في فندق عند شارع الاستقلال وهو شارع عامل زي (خليج نعمة اللي في شرم الشيخ) وكله شوبنج وديسكوهات ومطاعم (في محل في شارع الاستقلال اسمه kofta :s_thum1[1]: عايزك تدوق الشاورمة والكباب والكفتة بتعهم حاجة مشكلة ونظامه انك تاخد الطبق وتاخد الاكل اللي انت عايزه وفي اكل مصري وعربي وفي الاكل بتدفع قيمة اللي انت خدته وتدخل تاكل براحتك). في منطقة اسمها (لا لي) دي عاملة زي الموسكي والعتبة بس انضف وهتلاقي الاسعار كويسة.
اولا متغيرش فلوس قبل ما تسافر إلا دولار ولما توصل تغير من هناك ليرات تركي. (ال 10 دولار حوالي 14 ليرة مش فاكر بصراحة)
بالنسبة للأكل اكيد شهر العسل (انت وهي بس) اعمل حسابك 200 او 220 ليرة بالكتير في اليوم وكمان هتكون واكل وماليها صح.

المزارات كتير وحلوة

....احنا روحنا مكان اسمه ايا صوفيا
....ورحنا رحلة بحرية في مضيق الفسفور وبحر مرمرة
....ورحنا رحلة للجبل (لا تقولي المقطم ولا غيره خدنا تقريبا ساعة وربع طالعين الجبل لغاية اخره ومفيش سور من الجنبين منك للهوا وحارتين صغيرين وملفات تتشاهد فيها :l_bhuhhh[1]:) وفي في اخر قمة الجبل مطعم شواء (انت اللي بتشوي بنفسك) وطبعا هزر وامسك التلج وكور واعمل اشكال براحتك المكان كله فوق ابيض * ابيض
....ورحنا منطقة المصانع واكبر المولات في اسطنبول.
بس صدقني لو ناوي على 15 يوم يبقى اقل حاجة تعمل حسابك على 3500 دولار علشان تبقى براحتك ومطمن على الاخر دا بالنسبة للأكل.
دا غير المزارات والفلوس اللي هتدفعها لشركة السياحة علشان الطيران والفندق تقريبا الفرد ب 4500 او 5000.
بس
لازم تكون واخد حاجات تقيلة جدا جدا جدا. الجو هناك برد تلج.
ولازم يكون معاك شمسية بس هاتها جامدة مش خفيفة علشان المطر (بتبقى ماشي عادي وتلاقي الشمس طالعة وفجأة المطرة اشتغلت).
التاكسيات هناك شغالة بالعداد ولو مش مشغل العداد خليه يشغله او نزل منه.
اللغات هناك تركي وشوية عربي مكسر والانجليزي ضعيف.
واي سؤال انا في الخدمة.

والله انا مش عارف اشكرك ازاي
هو ده بالظبط اللي انا عاوزة
الشرح الوافي و التكاليف و الاماكن
كتر خيرك يا باشا
و الله يبارك فيك

المشاركة الأصلية كتبت بواسطة mazagangee

مادام رجلك جت في الخية و مش هتقدر تهرب يبقى سيادتك أول أسبوع ده تقعد في البيت عشان دي أخطر مراحل الزواج و هيتحدد فيها حاجات كتير ليها تأثير كبير على حياتك الزوجية و بعد الأسبوع ده ممكن تسافر براحتك بس بلاش تايلند عشان فيها امراض خطيرة معدية ... و صدقني بلدنا أحلى بكتير من أي بلد تانية و ممكن تروح دهب مش شرم عشان الهدوء و الراحة و الوقت اللي هتقدر تقضيه مع المدام هيكون أكبر و كمان عندك مرسى علم و الغردقة و لو جوازك في الشتا يبقى تروح اسكندرية أجمل بلد في مصر في الشتا .
و كمان عندك الفيوم برضه جميلة و بحيرة قارون تحفة و وادي الحيتان و وادي الريان من المزارات النادرة جدا في العالم ..
عندك في سينا العريش من المدن الهادية جدا و حلوة ....
ممكن كمان تروح الواحات لو غاوي صحرا
و ماتنساش الأقصر و أسوان ممكن تعمل فيهم رحلة جميلة جدا في النيل بتاخد أسبوع مالوش حل ....

ماتقوليش دي الفرصة الوحيدة اللي سافر بره فيها و نبقى نروح الحتت دي في أي وقت تاني ..... لا يا صاحبي لو مارحتش دلوقتي يبقى مش هتروح بعد كده .... الشغل و التزاماتك هيخلوك تفكر الف مرة قبل ما تفكر في رحلة من دول ....

على فكرة عشان الرحلة تكون ممتعة أكتر سافر بعربيتك مش بالسوبرجيت عشان تتفرج على البلاد و تشوف الفروق الكبيرة بين كل محافظة و التانية في العادات و السلوك و شكل الناس و المباني حتى الطرق كمان فيها اختلافات كبيرة ....

و ألف مبروك و ربنا يتمملك على خير

شكرا يا باشا علي رأيك و نقلك خبرتك
بس اسمحلي اتناقش معاك في كام حاجة كده بعد اذنك

- اولا ايه حكاية اسبوع في البيت اللي بيتحدد فيه حاجات كتير دي ... اسمحلي مش فاهم
- بلدنا موجوده يا باشا و تتطلع في اي وقت و اي رحلة تبع شغل اي حد هاتبقي متاحة دايما لكن خارج مصر هي اللي محتاجة ترتيبات و ميزانيه ضخمة شويتين
- بخصوص وادي الريان انا معترض جدا عليه .. ليه بقي ، لاني روحتة مرتين و في المرتين دول حاولت الاقي فيه حاجة حلوة مالقيتش ، بصراحة مكان عادي جدا جدا جدا جدا ، و غاية في الاهمال و عدم النظافة و خصوصا عند الشلال
- اما بقي بخصوص العريش .. حضرتك انا تقريبا من سنة 1992 و انا كل سنة بروح العريش .... لان الوالد باني هناك شالية للمصيف .. البلد دي مالهاش اي لازمة في الحياه .. مفيهاش اي مكان يتراح يا باشا لا صبح و لا ليل .. و بالليل المحلات كبيرها 11 او 12 و تكون البلد قفلت و هس هس .... مفيهاش حتي اماكن اكل عدلة ، يا راجل دي مفيهاش ولا ماكدونالدز ولا كنتاكي و لا بيتزا هت ولا اي حاجة من دي ، ده حتي وسط البلد بتاعتهم عبارة عن شارع صغير و كل المحلات اللي فيه عطارة و شباشب و محلات هدوم جاية من العتبة و شوية محلات صابون و شامبو و حاجات مهربة من غزة ( اسرائيل ) و مطعمين تلاتة فول و طعمية و كبابجي و طعمهم وحش ، العريش دي يا باشا اكنك رايح جمصة كده بالظبط

و اخيرا بشكرا تاني طبعا
والله يبارك فيك يا باشا

المشاركة الأصلية كتبت بواسطة mr_safwt

[center][size=4]طبعا ماليزيا
دة مش جنة دية جنان
وفيها تنوع فظيع

جامده اوي ماليزيا بصراحه
التكاليف كام يا باشا بعد اذنك