خبراتكم في شهر العسل

**Bonanza** · 10-08-2010 01:30 PM

السلام عليكم و رحمة الله و بركاته
كل سنة و كلكم طيبين و بصحة و سعادة و كل اهل بيتكم طيبين

ان شاء الله نويت الجواز قريب يعني ان شاء الله علي اول 2011 باذن الله
كنت بفكر بقي في شهر العسل و عاوز اعرف خبراتكم ايه في الرحلات و السفر و كده
ان شاء الله ناوي اسافر خارج مصر لمده 15 يوم مثلا

بفكر في كذا حاجة .. اختار منهم واحده طبعا
تايلاند
او ماليزيا
او تركيا

ياريت يا جماعة اللي عمل شهر عسل خارج مصر يقولي خبرته لو راح الاماكن دي
او لو راح اي مكان تاني يقول عليه .. عيوب و مميزات و حاجات اركز عليها و حاجات ابعد عنها و كده

و طبعا لو تكاليف كل حاجة عملها يبقي كتر الف خيرة عشان الواحد يعرف يحدد الميزانية المظبوطه

**fady.bekatcho** · 10-08-2010 02:01 PM

واحد قريبى لسة مسافر تركيا ومتهيالى ما كلفتهوش كتير

يعنى 10 او اكتر بحاجة بسيطة متهيالى

10 ايام على ما افتكر

**abou-yahia** · 10-08-2010 04:31 PM

مبارك عليك ان شاء الله
يا ريت تداوم علي هذا الدعاء عسي الله ان يستجيب لك ولنا ولعامه المسلمين بأذن الله
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً [الفرقان:74]
تركيا بلد جميل ومتنوع وفيه كل ما تحتاجه من مناظر خلابه ومزارات اثريه مش حتزهق منه بلاضافه الي قرب الثقافه وده بيفيد جدا في التعامل مع اهل البلد وبيزيد من فرص الاشياء اللي ممكن تشتريها من هناك وخصوصا الملابس .
وربنا يهدينا واياكم لصالح الاعمال

**zanativich** · 10-08-2010 05:25 PM

انا عن نفسى قعدت فى البيت ما روحت فى اى مكان
بس تركيا حلوة اخويا راح وقالى روعة
وانا رايح الشهر الجاى وهبقى اعمل موضوع عن الزيارة دى ان شاء الله

**Bonanza** · 10-08-2010 05:29 PM

المشاركة الأصلية كتبت بواسطة zanativich

انا عن نفسى قعدت فى البيت ما روحت فى اى مكان
بس تركيا حلوة اخويا راح وقالى روعة
وانا رايح الشهر الجاى وهبقى اعمل موضوع عن الزيارة دى ان شاء الله

والله القاعده في البيت احسن طبعا هههههه
يا باشا لو تقدر تعرفلي هو راح فين و المزارات الحلوة هناك فين و الاقامة هناك عاملة ازاي و اتكلفت كام يبقي كتر خيرك

كده 3 تركيا

**abogogo** · 10-08-2010 05:55 PM

ماشاء الله ... وربنا يتمم لك بخير
سؤال.... هو لسه في شهر كامل عسل..؟؟؟!!! انا عن نفسي كان اسبوع عسل وبالعافيه الكلام ده من عشر سنين... فكنت فاكر في الوقت الحالى اصبح 6 ساعات عسل
بس لو عايز نصيحه زي ما قال بعض الاخوة تركيا جميله ومش هاتندم اما لو شهر شهر بجد كامل فاعليك بماليزيا عن سمع

**refattosa** · 10-08-2010 06:00 PM

و الله يا باشا نصيحة خالصة لوجه الله بلاش السفر برة في شهر العسل و عن تجربة شخصية للاسباب الاتية

1- اكيد انت خارج من توضيب شقة و عفش و تجهيزات فرح و شوية خناقات علي خفيف كدة فاكيد هلكان

2- حتسافر برة يبقي لازم كل يوم تصحي بدري و تنزل تلف في البلد طبعا عشان تتفرج عليها و بلليل طبعا حتنزل تاني

عشان تتفسح تسهر و تتعشي و الذي منه ..

3- السفر برة يعني لازم يبقي فية شوبنج ( خللي بالك من النقطة دي كويس اوي ) يعني مشي بقي لغاية ما يبانلك اصحاب

4- واضح انك حتجوز في الشتاء فالجو مش حيساعد علي الفسح

شهر العسل عايز هدوء و استرخاء و ريلاكس كدة و ما تشوفش ناس كتير و السفر برة مثلا ممكن تعمله في عيد الجواز

و مصر فيها حتت جميلة جدا انصحك تجربها زي سهل حشيش و مكادي باي و سومة باي و الجونة و لو عايز سهر

و خروج و كدة تطلع علي شرم بعد اي حتة من دول بالمركب

و طبعا القرار في الاخر ليك و ربنا يتمم يخير

**Bonanza** · 10-08-2010 06:07 PM

المشاركة الأصلية كتبت بواسطة abogogo

ماشاء الله ... وربنا يتمم لك بخير

سؤال.... هو لسه في شهر كامل عسل..؟؟؟!!! انا عن نفسي كان اسبوع عسل وبالعافيه الكلام ده من عشر سنين... فكنت فاكر في الوقت الحالى اصبح 6 ساعات عسل :e_braces[1]:
بس لو عايز نصيحه زي ما قال بعض الاخوة تركيا جميله ومش هاتندم اما لو شهر شهر بجد كامل فاعليك بماليزيا عن سمع

ربنا يخليك يا باشا
لا هو اساسا مكانش في تقريبا شهر كامل .. ده علي حسب ما اوعي انا علي الدنيا يعني هههههههه
هم اسبوعين بس يا باشا 15 يوم بالكتير اوي

4 تركيا
1 ماليزيا

**Bonanza** · 10-08-2010 06:11 PM

المشاركة الأصلية كتبت بواسطة refattosa

و الله يا باشا نصيحة خالصة لوجه الله بلاش السفر برة في شهر العسل و عن تجربة شخصية

والله يا باشا الموضوع اني عاوز حاجة عمري ما انساها ابدا
و السفر ده علي ما اظن كده الفرصة دي مش هاتيجي تاني بعد الجواز
و شهر العسل الواحد بيعمل حسابة من ضمن مصاريف الجواز
و اللف و الشوبينج ليه حدود طبعا ... غير كده يبقي العين الحمرا هاتطلع في شهر العسل

بس انت فعلا عندك حق في موضوع الفسح و هدة الحيل في الخروجات
عشان كده انا ميال اكتر لتايلاند .. مع انها فيها شوبينج بردو بس الانتخه فيها اكتر

و يا باشا بعد كل ده محكيتش عن تجربتك الشخصية دي :)))

-

الموضوع: خبراتكم في شهر العسل

LinkBack

أدوات الموضوع

عرض

خبراتكم في شهر العسل - انشر الموضوع فى :

-

-

-

-

-

-

المواضيع المتشابهه

شوية شغل زى العسل

النوم في العسل

خبراتكم مع ورش أثاث

عايز خبراتكم

حد راح شرم فى شهر العسل

الكلمات الدلالية لهذا الموضوع

المفضلات

المفضلات

ضوابط المشاركة