كورولا 2005 80000 كم ولا بيرسونا \ جين2 زيرو أيهما أفضل ؟؟؟
عرض للطباعة
كورولا 2005 80000 كم ولا بيرسونا \ جين2 زيرو أيهما أفضل ؟؟؟
بروتون زيرو
صحيح التويوتا عربيه معمره و بتعيش بس الزيرو زيرو برضه هتحافظ عليها و مش هتقرفك زي المستعمل كل شويه صرف صرف صرف اما في الجين او البيرسونا هتبقي اعطال سطحيه يعني تعليق سنتر او مالطي كدا يعني...و متنساش تستخير و توكل علي الله
كان فى واحد طالب راى فى حاجه مشابهه جدا
وقلتله برغم انى من اشد محبى الكورولا لان عربيتى ربنا يحفظها بقالها 7 سنين شايلانى و200 الف كيلو دون عطل واحد اساسى
الا ان الجديد جديد برضه
وتبقى انت مربيها وعارف اولها من اخرها
لو مكانك هختار الكورولا لانها يباني ومعمره وتقفيل ممتاز وسوقها ممتاز
جين 2 اوتوماتك ب 92 فل اوبشن
بيرسونا اوتوماتك ب 86
يعنى انت بتتكلم فى رينج ال 90 الف
السعر ده يجيبلك كرولا 2005 حالة نضيفة جدااااااا لا يتعدى ال 40 الف كيلو
الاختيا ليك بس الكرولا يابانى بردو و اعطال تقريبا منعدمة لو محافظ على الصيانة فى مواعدها
انا معايا كرولا 2002 عاملة 160 الف عمرها ما راحت لميكانيكى عشان بعمل صيانتها فى مواعيدها
ربنا يوفقك فى الاختيار
الزيرو احسن والبروتون معمره برده
مع احترامي الشديد للكورولا الا اني ارجح البروتون زيرو
اولا المستعمل مش مضمون وماتعرفش ايه اللي حصله
والبروتون زيرو
اولا موتور قوي بتكنولوجيا انجليزي ( لوتس )
ثانيا عافشه باردوا تصميم انجليزي بتوفرلك ثبات واتزان ممتاز علي السرعات العاليه
ثالثا عوامل الامان المتوفره فيها زي
2 airbags
ABS +EBD
ده غير الاوبشن الكتير اللي صعب تلاقيه في عربيه بالسعر ده
وكمان عربيه صاجها محمل حوالي 0.8 مم وده امتن صاج ممكن تقابله
بس عيوبها في بعض مشاكل التقفيل الداخلي واللي سمعت انها بدأت تقل في الموديلات الحديثه
وفي النهايه استخير ربنا وان شاء الله يوفقك لما فيه الخير
حسب حالة الكورولا لأن العربية دي تحففففففففففة بس لو مش حالة الجديد يبقى بروتون