الموضوع: اية هيا احسن مستشفى فى مصر بتعمل عملية الليزك

فيه مستشفى او مركز مشهور جدا في اسكندرية واسمع انه احدث اجهزة في العالم من حيث كشف النظر وعمل العمليات
وليا صديق راح هو اهل بيته وشكرلي جامد وقالي الدكاتره العاديه والمراكز العاديه اللي موجوده في كل حته دي شغل كفته وطلعلوا قياس النظر لكل واحد مظبوط وهو ارتاح معاه جامد جدا

انا ارشحلك الدكتور حسين شاكر المرقبي

رئيس قسم العيون بطب عين شمس

المركز بتاعه عند الكلية الحربيه بس مش فاكر والله فين بالظبط ممكن تتصل بالدليل تاخد الرقم و العنوان

هو راجل عالم ومحترم ... واختي عملت عنده الليزك من سنتين و بسم الله ما شاء الله زي الفل

بالتوفيق وابقى طمنا عليك

انا معملتهاش بصراحة بس انا ليا زميل في الشغل كان عملها في المركز التخصصي للعيون و بيشكر جدا في الدكتور اللي عملهاله مش فاكر اسمه دكتور أحمد ايه و هو و اخوه اصحاب المركز دا و مشهورين جدا و بيظهر كتير علي التلفيزيون المصري في برامج بتتكلم عن امراض العيون و انا في مرة كنت هناك بكشف في المركز دا لقيت ناس كتيره بتعمل العملية دي عندهم

عموما انت اسأل و خد وقتك و ربنا يوفقك

مستشفى المركز الوطني للعيون
ش الحجاااااز
و اسأل على الدكتور عمرو العوامري
لان في كشوفات ضرورية في الاول
خاصة بسمك القرنية
و ممكن متنفعش
و اغلب المراكز التانية بتطنش لانه زبون داخل ليهم

و لو مهتم انا ممكن اديلك رقم الدكتور و الراجل ده من اكثر من تعاملت معهم اخلاقا و ضميرا و الله اعلم

مستشفى العيون الدولي - ميدان فيني - الدقي

جربتهم مرتين لأتنين من العيله الشخص الأول رجع نظره 6 على 6

والشخص التاني الدكتور قال عشان نظره ضعيف قوي مش هيرجع مائة في المائة لكن يشاء الله ان نظره يرجع 6 على 6

والعملية بتتكلف 5 آلاف جنية وفيه مراكز ومستشفيات ارخص بس لازم تعرف ان اجهزة الليزك اجيال واهم حاجة ان المكان اللي هتعمل فيه العملية يكون عندة احدث جهاز ودة بيفرق في دقة الجهاز وبالتالي دقة العملية