تجربة اللانوس2010

**ihabyossef** · 10-08-2010 03:46 PM

السلام عليكم ورحمة الله وبركاته

وكل عام وانت بخير

امبارح كنت في الشغل وكان في مأمورية ضروري اطلعها في القاهرة و فوجئت ان السواق مشي والساعة 2 ظهرا ولازم اكون في القاهرة 4.5 - استحالة طبعا - المهم توكلت على الله وخدت عربية الشركة على مسؤليتي الشخصية
وسافرت

ودي كانت فرصة مستنيها من فترة علشان اجرب الشيفرولية لانوس

التفاصيل

العربية : لانوس 2010 هاف

العداد : 50 الف كيلو - كتير طبعا - بس هي عربية شركة

الكاوتش : لسة راكب من كام يوم

اللون : نبيتي ميتالك

اخدت العربية حوالي الساعة 2.15 ظهرا من زيزينيا وفولت بنزين من موبيل السيوف خدت حوالي 38 لتر 92
ووصلت القاهرة حوالي الساعة 7.5 المغرب بعد ما توهت شوية لغاية ما وصلت لشارع النيل في العجوزة على فكرة انا وصلت الساعة 5 على بوابة القاهرة بس المحور كان شلل

العربية بصراحة : التقفيل مش اوي خصوصا الدريكسيون الخامة بتاعته خشنة اوي
السحب حلو زي الدايوو - انا معايا لانوس 2004-
اقصى سرعة : 150 كم / س
الثبات والعفشة : حلو بس مطبات الهواء العربية بتعوم والعفشة معقولة مش ناعمة ومش ناشفة
الخلاصة : العربية مفيش فرق بينها وبين الدايوو بتاعتي غير في التقفيل والعفشة أخشن شوية

العودة من الساعة 11 م الي الساعة 1 ص متوسط السرعة 140 كم /س

شكرا

واسف على الاطالة

**engaass** · 10-08-2010 04:05 PM

ربنا يكرمك انا برضه ركبت الدايو والشيفرولية واعتقد ان الفروق مش مؤثرة اوى
شكرا

**MMamdouh** · 10-08-2010 05:09 PM

thanks for the feedback

MMamdouh

**wael_dosoky** · 11-08-2010 12:49 PM

شكراً لأفادتك الهامة التي ستساعد في إزالة بعض الغموض عم الفروق بين اللانوس شيفورليه واللانوس دايو

**tarek_2005** · 11-08-2010 01:51 PM

بس نسيت تقولنا فولت لما رجعت كام لتر بنزين

**walidadel81** · 12-08-2010 06:50 AM

بس انا عايز اقول حاجه ولدي معاه شيفوليه لانوس كنا جبنها السنه اللي فاتت بشهر تلاته وكانت زيرو طبعا وهي دلوقتي عامله 9000 بالظبط من شهر تقرييا اخد العربيه وكنت رايح بيها مرسي مطروح لان اخويا كان معاه عربيتي انا ركبت العربيه كتير هنا بس كانت اول مره اسافر بيها اول حاجه حسبت بيها اني قاعد بالكرسي وتمتكتف وحاسس ان العربيه مش عافيه زي النوبيرا ولا حتي سحبها زيها وعالطريق مافيش وجه مقارنه بين النوبيرا والشفوليه خااااااااااالص لاثبات ولاعزم ولاحتي امان عالطريق مع اني اقصي حاجه شوفتها للعداد كانت 140 وبعد كده صوت العربيه بيعلي ومافيش سحب عفكره العربيه مافيها اي مشكله بالصيانه

**engaass** · 12-08-2010 09:49 AM

مينفعش تقارن ال لانوس بالنوبيرا

**ihabyossef** · 12-08-2010 11:58 AM

مافيش وجه مقارنه بين النوبيرا والشفوليه خااااااااااالص لاثبات ولاعزم ولاحتي امان عالطريق مع اني اقصي حاجه شوفتها للعداد كانت 140 وبعد كده صوت العربيه بيعلي ومافيش سحب عفكره العربيه مافيها اي مشكله بالصيانه

انا هنا بقارن الدايوو لانوس بالشيفورلية لانوس ولايمكن مقارنة النوبيرا بالانوس من جميع الجوانب

بس نسيت تقولنا فولت لما رجعت كام لتر بنزين

وانا راجع حطيت 10 لتر بس قبل ما استلم الصحراوي وهي كان فيها حوالي 1/2 التانك يعني رايح 230 كيلو ب19 لتر مع التكييف بمعدل 1لتر لكل 12.1 كيلو يعني 242 كيلو في الصفيحة

ربنا يكرمك انا برضه ركبت الدايو والشيفرولية واعتقد ان الفروق مش مؤثرة اوى
شكرا

هو الفرق بين الشيفروليه والدايو مش فرق في الأداء على اد ما هو فرق في الجوده العامه للعربيتين وجوده التقفيل وبعض قطع الغيار

ومشكووووور على نقل التجربه :-)

شكراً لأفادتك الهامة التي ستساعد في إزالة بعض الغموض عم الفروق بين اللانوس شيفورليه واللانوس دايو

شكرا علي التقييم المفيد خصوصا للاعضاء اللي بيفكروا في شراء شيفرولية لانوس

thanks for the feedback

شكرا لكل من شارك بالرد وكل عام وانتم بخير

-

-

الموضوع: تجربة اللانوس2010

LinkBack

أدوات الموضوع

عرض

-

-

-

-

-

المواضيع المتشابهه

تجربة طنابير vttr للجين 2 وتقرير مفصل بعد تجربة وافية

تجربة تحويل السيارة لغاز طبيعي بعد غلاء البنزين-تجربة ومناقشة

تجربة تحويل السيارة لغاز طبيعي بعد غلاء البنزين-تجربة ومناقشة

الكلمات الدلالية لهذا الموضوع

المفضلات

المفضلات

ضوابط المشاركة