اليوم السابع | شركة الكهرباء الأردنية تشترى 600 ميجاوات من مصر
يقطعوها عنا ويصدروها حسبى الله و نعم الوكيل
اليوم السابع | شركة الكهرباء الأردنية تشترى 600 ميجاوات من مصر
يقطعوها عنا ويصدروها حسبى الله و نعم الوكيل
تيييييييييييييييييييييييي ييييييييييييييييييت
ولسة ولسسسسسسسسسسسسسسسسسسة هاهاهاهاهاهاهاهاهاهاههههه ههههههههههههههه
مفيش مشكلة خالص و مالوش علاقة بأزمة الكهرباء اللي عندنا حاليا
احنا في مصر وقت الذروة من وقت الغروب قبل المغرب بشوية الي 11 ليلا تقريبا الفترة دي الاستهلاك بيكون اكبر من الانتاج
فبيفصلوا عنا الكهرباء عشان الشبكة ما تقعش
في الاردن كما موضح بالخبر الذروة من 10 ص الي 2 ظهرا و احنا في الفترة دي عندنا فائض في الانتاج لا يستخدم ايه المانع اننا نصدره
لكن دا ما يمنعش طبعا ان فيه قصور في تفكير وزارة الكهرباء في كيفية ادارتها لأزمة وقت الذروة
وقت الذروة في الأردن من 10 صباحا الى 2 ظهرا ازاي ؟
يا يوكو يا واصل
ههههههههههههههههه, ده الكلام السليم, الأردن أولى مننا...
يا أخ شهدي
بصفة عامة , مهما عملنا في الحكومة
لما ما نرشدش مش هاتيجي على دماغ الحكومة لكن هاتيجي على دماغ واحد تاني مننا
فعدم الترشيد مش بيضر الحكومة خالص
يا يوكو
طب ما احنا التكييفات بتشتغل عندنا بالنهار برده , و مع ذلك وقت الذروة بالليل ؟
تيجي ازاي دي ؟
في الغالب كان بيحصل في السنوات الماضية و كنا بناخد من السعودية برضه و اظن - و لست متأكدا - من ليبيااقتباس:
لو كده طب ليه مخدناش منهم ال600 ميجاوات دول في وقت الذروة عندنا!!!
حيث ان اوقات الذروة في هذه الدول مختلفة عن وقت الذروة في مصر
لكن هذا العام واضح ان هناك مشكلة في الكهرباء في كافة الدول المجاورة تمنعها من تصدير الكهرباء كما يحدث في الماضي " زيادة في الاستهلاك - اعطال في محطات التوليد نتيجة ارتفاع درجات الحرارة - عدم وجود فائض لديهم في غير اوقات الذروة لأن يادوب الاستهلاك لديهم - في غير اوقات الذروة - يغطي الانتاج "
اضافة الي ان العجز في الكهرباء في وقت الذروة في مصر اكبر بكثير من ان يختفي ب600 ميجاوات فحسب
العجز لدينا مشكلة حكومية 100% نتيجة عدم التخطيط الجيد
لكن تصدير هذه الكمية للاردن مفيدة لنا اقتصاديا
لأن كده كده انتاج مصر علي مدار اليوم فرضا 20 ميجاوات
احنا طول اليوم استهلاكنا بيكون مابين - فرضا - 10 الي 15 ميجا وات يعني عندنا فائض طوال النهار
عدا وقت الذروة اللي بيكون استهلاكنا نط ل 25 ميجاوات - فرضا- فيصبح لدينا هذه المشكلة السخيفة
و دا ناتج الفكر المستقبلي للحكومة الذكية:rfds:
و الله يا جماعة بدون سرد تفاصيل و لا نقاش كتير أنا اعرف ان الحكومة = مسؤولية
اللي شايفها تقيله و خايف من الحساب ...يسيبها للي أكفأ منه ماهي مش حكومة دولة المريخ يعني
أكيد في دماغ تقدر تظبط الدنيا ....بس مش لازم الشغل النظيف الغالي ده ....
بس طبعا ...الموضوع لا هو كفاءة و لا في محاسبة ولا خوف من الناس
فالح بس "مصلحتك أولا ..مصلحتك أولا"
ومش عارف مين بيقول التهرب الضريبي حرام
ههههههه
ده اللي النور بيقطع عنه رسمي 3 ساعات في اليوم و عربيته مبهدلة من الطرق و عمل حادثة بسبب طريق ضلمة قبل كده و ما بيدخلش مستشفى حكومة و لا بيعلم عياله في مدارس حكومة و لا حتى يلاقي حمام عام يفك فيه نفسه -ولا مؤاخذة- في الشارع
ويدفع ضرايب ...يبقى أهبل
أيوه بس إنت كميه المحلات عندك عامله إزاي وكل محل لازم يبقى نورة مغطي على أنوار بقيت المحلات الي في الشارع ومش كل البيوت في مصر فيها تكيف زي بقيت الدول يعني أنا في السعوديه أهو لما مبنكنش مشغلين تكيفات بيبقى مشغلين 2 كل واحد 3.5 حصان ومعظم البيوت تكيف مركزي فبليل الأحمال بتقل عشان التكيفات بتحتاج طاقة أقل لكن في مصر مثلا مبنشغلش التكيف غير العصر لو هنام أو الجو حرر قوي فيادوب ساعتين لحد المغرب وبس كده!
اكيد في مشكلة في ادارة الموضوع
لكن الاكيد برضه وده احقاقا للحق..ان مصر من الدول المتقدمة في انتاج الكهرباء
مصر في المركز 28 بين 215 دولة في العالم ..
https://www.cia.gov/library/publicat.../2038rank.html
وده وضع مش وحش خااالص..مقارنة بمجالات تانية متردية جدا عندنا
مربط الفرس فى مصر هو احمال التكييف يعنى الفئة العمرية الاكتر فى مصر هى الشباب فبالتالى معظم الناس بتكون فى اشغالها , يعنى نفرض ان مكان فيه 10 اشخاص بيشتغلوا مع بعض و المكان اللى هما فيه مشغالين فيه 3 تكييفات ولما بيخلصوا الشغل كل واحد بيرجع يشغل تكييف منفردا فى بيته بجانب ان فيه ناس معندهاش اصلا تكييفات فى شغلها
بجانب ان الستات العاملة طبعا لما بترجع بيتها بيبقى عليها مسئوليات زى تشغيل غسالة اتوماتيك او اى ادوات منزلية + انتشار القهاوى و الكافيهات + المحلات زى ما قال يوكو
وقت الذورة بيختلف من بلد للتانى حسب عوامل كتيبر زى سلوك الناس و طبيعة اعمالهم و بلد صناعية ولا زراعية ولا مش محددة هدفها
ياباشا كلامك يبقى صح لو كفاءة المحطات كلها 100% لكن انت عندك محطات متقدرش تشغالها اكتر من 4 ساعات و محطات تكلفة الانتاج فيها مرتفعة نسبيا نظرا لقدمها و تهلكها و اكيد فيه محطات بتخرج اعطال و صيانة فالانتاج مش متساوى طول ساعات اليوم و لو لحظات انه ساعات بيقطع النور نهارا برده و الاحسن من التصدير انه يريح محطاته و يصينها استعداد لساعات الذروة
اعتقد في المستقبل قطع الكهرباءء هيبقي اداة تهديد.....يا تنتخبو جيمي ميمون ياا هنقطع عنكو الكهربا:beatdeadhorse5::B4_444:
بصراحة فعلا هو ده اللي ناقص ان بعد ما الحكومة تخلص علي الشعب المصري و متخليش في جيبهم مليم يقوموا طافيين عليهم النور
ياجماعه أنا كنت داخل المنتدى الإجتماعى عشان أعمل موضوع عن قطع النور اللى بيحصل يوميا من تلات لعشر ساعات
من فضلكوا عايزين أفكار عشان نوصل صوتنا للساده الكبار حرام اللى بيحصل ده وناس الأسانسير يقف بيهم وشيوخ وأطفال مايستحملوش الحر
أنا النهارده بعت رسالة أحتجاج لليوم السابع يمكن ينشروها ويمكن لأ
بس لازم كلنا نشارك ونوصل صوتنا لحد يحس بينا
ياريت لو فى أفكار تانيه وأنا أول مشارك
شكرا علي التصحيحاقتباس:
الربط الوحيد الموجود ما بين مصر و الاردن بخطوط 500 كيلو فولت
دا كده علي حسب البيانات المتوفرة احنا بنصدر سنويا للاردن فقط جزء محترم
طبعا الكلام ده منطقي و مقنع جدااقتباس:
ياباشا كلامك يبقى صح لو كفاءة المحطات كلها 100% لكن انت عندك محطات متقدرش تشغالها اكتر من 4 ساعات و محطات تكلفة الانتاج فيها مرتفعة نسبيا نظرا لقدمها و تهلكها و اكيد فيه محطات بتخرج اعطال و صيانة فالانتاج مش متساوى طول ساعات اليوم و لو لحظات انه ساعات بيقطع النور نهارا برده و الاحسن من التصدير انه يريح محطاته و يصينها استعداد لساعات الذروة
بس حديثي مبني علي كلام السيد الوزير و نموذج هندسي كان معه عرضه في لقاء تليفزيوني من فترة يوضح خط الانتاج ثابت بشكل افقي عند رقم واحد
و الاستهلاك منحني متذبذب حسب الوقت و طوال النهار يكون الاستهلاك اقل من الانتاج بكثير
و فقط يزيد الاستهلاك عن الانتاج وقت الذروة
و بحسب حديثه انه لو توزع الاستهلاك طوال النهار ليست مشكلة لأن الانتاج متوافر
مش عارف رأي حضرتك ايه من خلال الخبرة و الدراسة العملية
اليوم السابع | "وزير": قطع الكهرباء عن سكان القاهرة يتم بموافقة مجلس الوزراءاقتباس:
من فضلكوا عايزين أفكار عشان نوصل صوتنا للساده الكبار
الرد السريع من الحكومة الذكية :majd(4):
كلام الوزير غير صحيح تماما الا اذا قرر يعتمد على المحطات الكويس و يكهن المحطات المستهلكة تماما و كده حرام لانه مش بيبى جديد
1- الكلام ده متعرض مع دراستى لان فعلا فيه محطات متقدرش تشتغل طول اليوم حسب ما درست و كمان مينفعش ينتج كهرباء هو مش محتاجها - لانها تعتبر خسارة - الا فى حالة واحدة بس و هى ان المحطة هتفصل ساعة ولا 2 بس فى اليوم , يعنى فرضا محطة كذا عاوز اشغلها من 4 العصر الى 10 الصبح باجى على الساعة 2 ابداء احضر المحطة علشان اقدر احمالها على 4 و اشيل من عليها الحمل 10 فضطر افصلها 12 يبقى خسارة لى لو فصلت المكنة لان عملية ال start بترهق المكنة فدى بتبقى محطات اساسية طول اليوم لكن الكل مش كده
2- الكلام ده متعرض مع خبرتى العملية لانى بالفعل شغل فى محطة توليد صغيرة قدرتها 23 ميجا وات بس تابعة لشركة خاصة مش لشركة الكهرباء مينفعش اطلع كهرباء انا مش محتاجها لكن اللى بيحصل ان المكنة شغالة , الاسكادا قرات ان الحمل زاد المكنة اما توفق نفسها اتوماتك على الحمل الجديد اما بمعرفة المهندس المسئول
و شركة الكهرباء فيها سيستم اسكادا على كبير فى مركز التحكم اللى فى شبرا متصل بجميع محطات الجمهورية و منه يقدر يخاطب المحطات و يتحكم فيها بجانب ان المفروض معهم جدول تنبؤية بالاحمال فى كل ساعة
الخلاصة مينفعش اشغل كده و خلاص الاحمال بتزيد ادخل مكن او محطات باكملها الحمل بيقل ابداء احرج يعنى زى التباديل و التوافيق
و عاوز افهم حضرتك حاجة انه بيقطع عليا و عليك و على الناس الغلابة لاننا مش كاتبيين عقود او حجزين مساحة من الشبكة يعنى الشركة اللى انا فيها حاجزة 20 ميجا وات بخطين على الشبكة و فى احيان كتيير اوى مش بنستخدمها لكن فيه عقد ملزم و مينفعش يقطع الخطين مع بعض و لمدة طويل زى مبيحصل فى البيوت لان الشركة هتلجا للقضاء و الغرامة فبالتالى بيريح دماغه و ميزعلش الكبار و يبهدل الصغيرين لانه ممكن يغير العقود دى و يجبر الشركات عن التخلى عن مساحتها فى وقت الذروة
و اسف على الاطالة
زى ما عملوا فى الغاز
:dontudear:اقتباس:
و عاوز افهم حضرتك حاجة انه بيقطع عليا و عليك و على الناس الغلابة لاننا مش كاتبيين عقود او حجزين مساحة من الشبكة يعنى الشركة اللى انا فيها حاجزة 20 ميجا وات بخطين على الشبكة و فى احيان كتيير اوى مش بنستخدمها لكن فيه عقد ملزم و مينفعش يقطع الخطين مع بعض و لمدة طويل زى مبيحصل فى البيوت لان الشركة هتلجا للقضاء و الغرامة فبالتالى بيريح دماغه و ميزعلش الكبار و يبهدل الصغيرين لانه ممكن يغير العقود دى و يجبر الشركات عن التخلى عن مساحتها فى وقت الذروة
مفيش اطالة و لا حاجة دي معلومات مهمةاقتباس:
اسف على الاطالة
كل سنة و حضرتك طيب
النهارده عرفت الخبر ده من المصري اليوم
وزارة الكهرباء تعلن ايقاف سياسة قطع الكهرباء بالتناوب بين المناطق ......... وربنا يستر من
بعد النقط ومنكونش احنا الضحيه علشان اكيد الناس الكبار اشتكت فالصغيرين هما هيكونوا الضحيه
طيب احنا ميناء حاويات يعني اوناش مفترسه شغاله بالكهرباء... ده غير الحاويات المبرده اللي بتكون في الميناء يعني حمل كهرباء عالي. داخل عندنا 2 feeders و بصفه شبه يوميه مصدر من الاتنين و ساعات الاتنين بيقعوا... و الظريف انه مش مخطط للكلام ده و لكن بسبب اعطال من المحطات. عايز اقولك ان بسبب الانقطاعات دي ممكن تخسر الافات الدولارات قطع غيار للاجزاء الكهربائيه المتضرره في الاوناش و ده غير عطلة الشغل. يعني ولا كبير و لا صغير عارف يفلت منهم!!
يا حلاوة
طيب الكهرباء الزيادة ما يحاولوا يخزنوها و يعملوا محطات رفع لمياه البحر و توريينات و نستغل الطاقة دي في اوقات الذروة بالليل
مفيش فايدة ..
سعد زغلول
احنا المشاكل اللي بتوجهنا هي الجهد يسقط او تحصل رعشة مفاجئ فبالتالي بتخرج محطة فرعية من بتوع التخفيض
في شهر واحد اللي فات اتخنقنا معاهم خناقة كبيرة بسبب الموضوعان دول و هددنا بوقف التعامل معاهم لاننا عندنا محطة توليد و لحل المشكلة جابوا جهاز لتسجيل الجهد و الامبير و الحمل و سجل الداتا لمدة ٣ ايام و كانت لصالحنا و دي اللي هددنهم بيها تاني لان الداتا متسجلة عن طريقهم
وعامة عمري ما شوفت الكهرباء قطعت عندنا او مصنع من المصانع الكبيرة باكتوبر و ساعات كتيير بمشي في المنطقة الصناعية السادسة باكتوبر في ساعات الذورة والقي شوارعها منور كظهر
و رمضان كريم
مسئول بالمالية:عز يحصل علي 17% من دعم الكهرباء
قال مصدر مطلع بوزارة المالية إن مصانع أحمد عز، رجل الأعمال وأمين التنظيم بالحزب الوطنى، «تحصل على 17% من إجمالى دعم الكهرباء فى مصر»، وذلك بشكل غير مباشر.
«صحيح أن مجموعة عز لا تأخذ دعما مباشرا، كونها تحصل على الغاز والكهرباء بأسعار التكلفة الحقيقية لهما، لكنها تشارك بقوة فى استهلاك جزء من الطاقة المدعومة لأنها تستهلك 15% من الـ8 مليارات جنيه التى تمثل إجمالى الكهرباء المدعومة فى موازنة العام المالى الحالى»، أضاف مصدر المالية، الذى طلب عدم نشر اسمه.
ورفض مسئولون بالمجموعة الاقتصادية التى تعمل فى مجال الحديد هذه التقديرات. «نحن نأخذ الغاز والكهرباء بدون أى دعم منذ أربع سنوات، ونتحدى أى شخص يتمكن من إثبات أننا نأخذ مليما من دعم الحكومة»، بحسب قول سمير نعمانى، مسئول المبيعات بمجموعة عز، معترفا أنها «أكبر مستهلك للكهرباء فى مصر، فهى تستحوذ على 15% من إجمالى الكهرباء المتاحة ولكن تحصل عليها بالأسعار العالمية».
وتبعا لبيانات المالية، تحصل المجموعة على الغاز بسعر 3 دولارات للمليون وحدة حرارية بريطانية، وعلى الكهرباء بـ20 قرشا لكل كيلو وات/ساعة لمشتركى الجهد الفائق، وبـ24 قرشا للجهد العالى، وبنحو 33.4 قرش للجهد المتوسط.
من ناحية أخرى، قدر مصدر مطلع فى وزارة المالية كمية الغاز التى ستحصل عليها مجموعة عز لمصنعها الجديد للحديد المختزل فى السويس بما يتراوح بين 150 و200 مليون قدم مكعب يوميا، بتكلفة 450 ألف دولار.
ورفض كامل جلال، مدير علاقات المستثمرين بالمجموعة، التعليق على هذه التقديرات، مكتفيا بالقول إنه «تمت الموافقة لنا على كل الكميات التى طلبناها ونحتاجها للمصنع»، وهو ما أكده أيضا سمير نعمانى، مسئول المبيعات بالمجموعة، مشيرا إلى أن «أخذ الموافقة على إمداد المصنع الجديد بالطاقة لم يكن سهلا، فقد أصبحت هذه المسألة غاية فى الصعوبة خلال الفترة الأخيرة».
كان كل من المجلس الأعلى للطاقة ومجلس الوزراء وأمانة السياسات بالحزب الوطنى قد أصدرت توصيات مشددة خلال العام الماضى بعدم منح أى تراخيص غاز جديدة للصناعات كثيفة استهلاك الطاقة، وفى مقدمتها الحديد.
ويقول مسئول المالية إنه يجب الأخذ فى الاعتبار تكلفة توفير الغاز للمجموعة، وهو الأمر الذى لا يتوافر لغيرها من المصانع، التى تضطر إلى الاعتماد على المازوت الذى يزيد سعره بأضعاف على سعر الغاز، وهو ما كان سيرفع التكلفة فى المصنع الجديد بأكثر من مليون دولار يوميا»، على حد تعبيره.
http://www.shorouknews.com/.......Data.aspx?ID=282822